џек грилиш – Kurir.mk

Халанд наполни 23 години, доби торта од Грилиш (ВИДЕО)

Ристе Здравков — Fri, 21 Jul 2023 17:34:25 +0000

Норвешката ѕвезда на Манчестер сити, Ерлинг Халанд го прослави својот 23. роденден во Токио со соиграчите од Манчестер сити, и доби роденденска топка со неговиот најдобар пријател во клубот, Џек Грилиш. Грилиш го воведе напаѓачот во посебна соба каде што го чекаше торта и песна. Сити ќе играат со Јокохама Ф. Маринос во недела во првиот меч од пред-сезоната, а потоа ќе продолжат со азиската турнеја во Јужна Кореја.

Happy Birthday, @ErlingHaaland 🎂🥳 pic.twitter.com/OD5040CO4m
— Manchester City (@ManCity) July 21, 2023

Социјалните мрежи „горат“ поради снимките од алкохолизираниот Грилиш, фудбалерот со денови не се трезни

Ристе Здравков — Tue, 13 Jun 2023 11:28:51 +0000

Англискиот репрезентативец Џек Грилиш е познат и по тоа што во текот на сезоната пие и тоа го оправдува со добрите партии на теренот, но она што го прави по освојувањето на триплетата, ги надмина границите на сè што досега направил. Грилиш одигра голема улога во освојување на тројната круна за својот Манчестер Сити, а по најважниот трофеј, освојувањето на Лигата на шампионите, англискиот офанзивец не се трезни.

rockstar pic.twitter.com/z8InqIUoTG
— Football on BT Sport (@btsportfootball) June 12, 2023

Сè започнало во саботата вечерта во Истанбул, по победата на Сити над Интер. Грилиш започнал да пие во соблекувалната, а снимките го обиколија светот. Но, тоа било само почеток - следувале денови и ноќи во кои фудбалерот постојано пиел. Ѕвездите на Сити вчера пристигнаа на целодневната парада во Манчестер, а веќе по излегувањето од авионот Грилиш бил толку пијан што едвај одел.

JAJAJA, lo mal que llegó Jack Grealish a Manchester. 😳 pic.twitter.com/scTSJGCgOv
— Ataque Futbolero (@AtaqueFutbolero) June 12, 2023

Англичанецот во текот на славеничката парада на улиците на Манчестер целосно оправдано го украл шоуто, а камерите го снимале исклучиво него. На социјалните мрежи реакциите и снимките од Грилиш се целосен хит, а дури и се направени Твитер профили под името „Drunk Jack Grealish“ односно „Пијан Џек Грилиш“. Во каква состојба ќе се појави англискиот фудбалер на собирот на репрезентацијата, останува да се види.

Grealish n’en finit plus 😭🍺 pic.twitter.com/ZKaO41wzy1
— Actu Foot (@ActuFoot_) June 12, 2023

🦃 “The turkey needs feeding!"

Jack Grealish stole the show at Man City's Treble parade on Monday evening🤣 pic.twitter.com/K837dDqyAX
— The Sun Football ⚽ (@TheSunFootball) June 12, 2023

🤣🏴󠁧󠁢󠁥󠁮󠁧󠁿 Jack Grealish... pic.twitter.com/FsQQUrPBEa
— EuroFoot (@eurofootcom) June 12, 2023

pic.twitter.com/IZw8RZWIWb
— Out Of Context Erling Haaland (@ErlingNoContext) June 12, 2023

СЕ НЕМА ОТРЕЗНЕТО ОД ФИНАЛЕТО ВО ЛШ – цела Европа му се смее на фудбалерот на Манчестер Сити, еве што направи на прославата (ВИДЕО)

Дарко Андоновски — Mon, 12 Jun 2023 19:39:49 +0000

Тимот на Манчестер Сити е освојувач на овогодинешната Лига на Шампиони. Овој голем трофеј влегува за прв пат во витрините на клубот, откако во финалето во Истанбул со 1:0 беше совлада тимот на Интер. Па така, славењето стартуваше во Истанбул, а се пресели во Манчестер. Играчите на Сити се во екстаза, а Џек Грилиш очигледно дека се нема отрезнето од моментот кога заврши мечот во Истанбул, и којзнае кога воопшто ќе го направи тоа.

Erling Haaland really poured champagne on Jack Grealish during Man City's parade 😂👏 (via @JackGrealish) pic.twitter.com/DTocQs2ZDo
— ESPN FC (@ESPNFC) June 12, 2023

Грилиш: Гвардиола е генијалец и ќе ни каже како да го победиме и Интер

Ристе Здравков — Thu, 18 May 2023 08:22:26 +0000

Фудбалерот од средниот ред на Манчестер Сити, Џек Грилиш, беше пресреќен по победата од 4:0 над Реал Мадрид во реваншот од полуфиналето во Лигата на шампионите. Тој изјави дека малку екипи можат да забележат ваков успех над „кралскиот клуб“. „Тоа е неверојатно. Откако минатата недела бевме во страв, една недела подоцна победивме со 4:0. Нема многу тимови кои можат да го победат Реал со таков резултат. Кога сме обединети и играме, особено овде на „Етихад“, едноставно сме незапирливи. На секој натпревар се обидуваме да доминираме со поседот. Нашиот менаџер е генијалец и сигурен сум дека ќе ни каже како да го победиме и Интер. Тие се искусен тим. Секако мора да бидеш добар тим за да стигнеш до финалето. Затоа, мораме да имаме максимална почит за Италијанците“, изјави Грилиш. Финалето на ЛШ е закажано за 10 јуни во Истанбул.

Играчи на Сити и Јунајтед, плус Гвардиола си размениле жестоки зборови

Бошко Тасиќ — Sun, 15 Jan 2023 07:08:21 +0000

Англиските медиуми јавуваат дека по крајот на денешната средба на „Олд Трафорд“ каде се сретнаа Манчестер Јунајтед и Манчестер Сити имало и „трето полувреме“. Имено, по последниот судиски свиреж во тунелот на „театарот на соништата“ се случил мал инцидент кој лесно можел да прерасне во поголема пресметка. Видно разочаран од резултатот, Џек Грилиш имал што да му каже на главниот судија на натпреварот, а потоа во разговорот се замешал и Хари Мегваер, по што настанала непријатната ситуација. Во вербалната „војна“ се вклучил и Пеп Гвардиола кој исто така жестоко се обратил до Мегваер, но за среќа би избегнат поголем инцидент откако поголем дел од фудбалските чинители на двете страни ги смириле страстите.

На повидок епска размена: Најскапиот играч на Сити за најдобриот во Серија А

Ристе Здравков — Wed, 28 Dec 2022 15:07:38 +0000

Манчестер Сити размислува да испрати официјална понуда до Милан, а таа би била околу размена од епски карактер. На „Итихад“ не се задоволни од учинокот на своето најскапо засилување во историјата - Џек Грилиш. Играчот платен над 100 милиони евра не се прослави и очигледно не успеа да се вклопи во системот на стратегот Пеп Гвардиола. Со оглед на квалитетите кои ги поседува, Грилиш би можел да биде големо засилување за било кој друг клуб, а прв во редот стои актуелниот италијански шампион Милан. „Росонерите“ веќе некое време како се интересираат за англискиот репрезентативец, но имаат еден прилично голем проблем - неговото доаѓање на „Меаца“ е прескапо. Поради тоа во Милан размислуваат до Сити да испратат понуда за позајмица, но според италијанските медиуми во Манчестер Сити се досетиле на уште подобар план. Имено, Сити има намера да реализира размена која на „Итихад“ би го донела најдобриот играч во Серија А за минатата сезона. Станува збор за португалскиот репрезентативец Рафаел Леау, кој минатта сезона го предводеше Милан до Скудетото и сосема заслужено ја доби наградата за најдобар играч. Милан и Леау имаат големи проблеми во пронаоѓањето решение за продолжување на соработката. Сјајниот Португалец, кој игра на истата позиција како и Грилиш, не сака да го продолжи договорот со Милан кој има важност до 2024 година. Она што Леау го бара, а Милан не може да му го исполни, е годишна плата од 10 милиони евра. „Росонерите“ никогаш во својата историја на никој играч не му дале 8 или повеќе милиони, а воедно тоа е и правило на клубот. Преговорите на двете страни и натаму се во тек, а Сити, кој нема финансиски проблеми, сака тоа да го искористи и да го донесе 23-годишниот Леау во своите редови. Грилиш за Леау - тоа дефинитивно би било епска размена!

Грилиш открива: Голманот на Копенхаген ми се пожали дека игра против вонземјанец

Ристе Здравков — Thu, 06 Oct 2022 08:58:14 +0000

Манчестер Сити продолжи со перфектните настапи во групната фаза од Лигата на Шампионите. Во третото коло „граѓаните“ славеа против Копенхаген со убедливи 5-0, а повторно стрелаше Ерлинг Халанд. Норвежанецот го одигра само првото полувреме, а тоа беше доволно за два пати да се запише во листата на стрелци. На социјалните мрежи хит стана реакцијата на Пеп Гвардиола, а по натпреварот со суперлативи за младиот голгетер говореше и неговиот соиграч, Џек Грилиш кој откри и интересен разговор со противничкиот голман. „Неверојатно. Никогаш во животот не сум видел играч како Халанд. Само стоев и се смеев. Па тој е секогаш на правото место. Задоволство е што играм заедно со него“, изјави Грилиш кој откри и интересен разговор со голманот на Копенхаген. „Ми кажа дека Халанд не е човек па и јас си помислев дека е така. Тој е многу скромен, фантастична личност. Се надевам дека далеку ќе не однесе“.

Грилиш на позајмица во Јувентус

Бошко Тасиќ — Mon, 02 May 2022 07:49:09 +0000

Џек Грилиш минатото лето пристигна во Манчестер Сити од Астон Вила за дури 117 милиони евра, а од следната сезона би можел да игра во Серија А, како позајмен играч. Според „Калчомеркато“, Гвардиола е лут на Грилиш и е подготвен да го испрати во Јувентус на позајмица поради лошите игри, но и непрофесионалното однесување. Неодамна се појавија неколку фотографии како Џек Грилиш е во алкохолизирана состојба кога излегува во ноќен живот. Грилиш оваа сезона одигра 35 натпревари за Сити, постигнувајќи само пет гола, со три асистенции.

Неспортски потег на Савиќ – го кубеше Грилиш (ВИДЕО)

Ристе Здравков — Thu, 14 Apr 2022 07:11:39 +0000

Aтлетико Мадрид и Манчестер Сити ремизираа 0:0 во вчерашното четвртфинале во Лигата на шампионите, а овој резултат му донесе полуфинале на англискиот гигант. На „Ванда Метрополитано“ немаше голови, се играше повеќе од 100 минути фудбал, а видовме и тензична завршница. Се започна во самиот финиш кога Фелипе намерно го удри Фоден и доби црвен картон. Фоден се виткаше по теренот, а тоа го изнервира Савиќ кој тргна да се пресмета со него. Сепак, Зинчеко успеа да го запре. Меѓутоа Савиќ и во таа ситуација лесно моежеше да заработи црвен картон затоа што го кубеше Грилиш.

Don Stefan Savic. pic.twitter.com/Oa9Hxghb7H
— LMR⚡ (@LEMARISMO__) April 13, 2022

Најскапиот играч во Премиерлигата повторно во проблеми, дрво пијан пред ноќен клуб (ВИДЕО)

Ристе Здравков — Tue, 08 Feb 2022 13:00:10 +0000

Џек Грилиш минатото лето се пресели во Манчестер Сити во зделка вредна 100 милиони фунти и стана најскапиот играч во Премиерлигата. Англичанецот сепак не успева да се прилагоди идеално во новата средина и игра под очекувањата. И не само тоа, животот надвор од терените му создава главоболки на Пеп Гвардиола, кој веќе еднаш го казни Џек Грилиш поради забава до раните утрински часови. На тренерот нема да му се допадне последниот „излет“ на Џек Грилиш, кој решил да излезе со соиграчите Кајл Вокер и Ријад Марез. На Англичанецот не му бил дозволен влез во ноќен клуб бидејќи бил дрво пијан.

🚨 Manchester City’s Jack Grealish filmed being too drunk to get into a bar pic.twitter.com/v2CjCRqjXx
— Live News (@LiveNewsForAll_) February 7, 2022