Џекпот – Kurir.mk

Од сумата ќе ви се заврти во глава: Маж освои џекпот кој стана нов светски рекорд

Ивана Ефремовски — Tue, 08 Nov 2022 20:37:12 +0000

Еден играч во Калифорнија освои 2,04 милијарди долари на лотарија, соопшти денеска официјалната веб-страница на лотаријата „Пауербол“, што е рекордна добивка во светот. По неколку недели без добитник, само еден тикет ја освоил премијата со броевите 10, 33, 42, 47, 56 и 10, соопшти лотаријата. „Калифорниската лотарија го доби првиот милијардер во својата историја“, објави Калифорниската лотарија, истакнувајќи дека среќниот билет е продаден во сервисниот центар Џо во Алтадена, Калифорнија. Среќниот добитник треба да избере дали сака да ја добие целата сума, но на рати во текот на три децении, или да биде платена одеднаш, со 997,6 милиони долари. (МИА)

Милиони луѓе во исчекување за добитното ливче на Мега милионс вредно над милијарда долари

Катерина Бојаџиева — Fri, 29 Jul 2022 16:15:02 +0000

Кој ќе го добие џекпотот од над милијарда долари вечерва на извлекувањето на Мега милионс, најголемото лото во САД. Ова е главното прашање во Америка деновиве, откако во вторникот не беше продадено добитно ливче со сите шест погодоци вредно 830 милиони долари. Со тоа, можниот џекпот вечерва би чинел приближно 1.025 милијарди долари, трета по големина добивка во историјата на Мега милионс. Шансите да се добие оваа сума сепак се многу мали, една во 303 милиони, бидејќи се очекува толку ливчиња да бидат во оптек. Сајтот на Мега милионс во вторникот беше недостапен некое време, поради посетеноста и интересот на милиони. Победникот има можност да ги прими парите како исплата во текот на неколку години или да земе помал паушал. Добитникот на вечерашното извлекување може да добие 602.5 милиони долари чиста готовина, по сите платени даноци и други трошоци. Порано или подоцна победник мора да има, па второ прашање кое е во центарот на вниманието е: што да се прави ако добиеш на лото над милијарда долари? Во Америка, историјата на поранешните добивки покажува лепеза од разни сценарија во кои се нашле добитниците на лото. Како што пишува Вашингтон пост, многумина си ги отплаќаат долговите, купуваат куќи и парите ги инвестираат на берзата. Некои пак ги даваат своите пари за изградба на аквапарк, отворање на казино во Атлантик Сити или започнување на женски професионален боречки клуб. Други се навикнуваат на живот на мултимилионер. Некои пак велат дека радоста и возбудата придружени со неочекуваното збогатување се претвораат во лоши избори, караници и тага – и растурени животи. Џекпотот што се извлекува денеска е за малку повисок од минатогодишните Мега милионс во висина од 1.05 милијарди долари кои ги доби ливче купено од четворица членови на приградски лото клуб од Детроит.

ДВА ЏЕКПОТА ЗА САМО ПЕТ ДЕНА – во Тетово освоени над три милиони денари

Магдалена Андонова — Thu, 21 Oct 2021 15:06:34 +0000

Во октомври, за само пет дена, во Тетово, освоени се повеќе од три милиони денари во категоријата на „Милионер џекпот“ добивките, информира Државната Видеолотарија на Македонија. Првиот џекпот, Државната Видеолотарија го регистрира на 15 октомври, во износ од 1.718.893 денари во Тетово. На 20 октомври добивката кај видеолотариските терминали е регистриран во износ од 1.582.574 денари. Од Државната Видеолотарија информираат дека добивките продолжуваат да се движат во вредност од 1.200.000 до 1.800.000 денари. (МИА)

Урнебесна реакција: Старица освои цело богатство на игри на среќа, но ги “обвини“ внуците (ВИДЕО)

Ивана Ефремовски — Tue, 04 May 2021 16:16:13 +0000

Старицата (90) од Аргентина освои џекпот од 172 милиони долари во игра на среќа, а нејзиното семејство го забележа моментот кога и рекле дека станала милионерка. Нејзината прва реакција била недоверба, па ги „обвинила“ своите внуци дека лажат. Но, кога сфатила дека се сериозни, извика: „Ќе имаме пари“. Името на победникот не бил соопштен, а подоцна била објавена веста дека добитната карта е платена во аргентинскиот град Генерал Кампос, кој има 3.000 жители.

САД: Падна џекпот вреден 731,1 милион долари

Ивона Петрова — Fri, 22 Jan 2021 08:31:58 +0000

Џекпот на лотаријата „Пауербол“ од 731,1 милион долари падна, по продаден билет во Лонаконинг, Мериленд, САД. Продавницата во округот Алегени, ќе добие бонус од 100.000 долари за продажба на лозот за петтата најголема добивка на лотарија во историјата на Америка. Среќниот добитник на џекпотот претпочита да остане неименуван – Мериленд е една од државите што им овозможува на победниците да останат анонимни. Сепак, да се чува во тајност толку голема сума е тешко, особено ако билетот го купил околен жител. Лонаконинг е град со околу 300 семејства, со стапка на сиромаштија од околу 20 насто – далеку над државниот просек. Постојниот џекпот на конкурентската лотарија „Мега милиони“ – од 970 милиони долари – засега е трет по големина во историјата на САД. Најголемиот џекпот од 1,58 милијарди долари, којшто се акумулираше во „Пауербол“, го освоија три лица во 2016 година. Среќните добитници на џекпот може да изберат да ја добијат целата сума или на рати. Повеќето добитници претпочитаат да ги земат парите одеднаш. Ова значи дека среќникот кај „Пауербол“ сега може да добие 546,5 милиони – после данокот, а во случај на успех кај „Мега милиони“, денес добивката би изнесувала 715,3 милиони долари.