џем – Kurir.mk

Домашно е најдобро: Традиционален рецепт за џем од смокви кој лесно се прави!

Ристе Здравков — Sun, 24 Sep 2023 14:22:29 +0000

Од количините во овој рецепт ќе добиете 1 кг џем, или две помали тегли. Смоквите избришете ги со крпа и отсечете го стеблото. Не ги лупете, бидејќи кожата ќе му даде подобра структура на џемот. Состојки: 2 кг излупени смокви 350 гр шеќер 2 ќесички ванилин шеќер сок од 1 лимон изрендана кора од еден лимон Подготовка: Во длабоко тенџере варете ги исечените смокви и шеќерот 45 минути. Додадете ванилин шеќер, сок и кора од лимон и добро измешајте. Топлиот џем сипете го во чисти тегли, затворете ги со капаци и превртете ги наопаку. Нека стојат така 24 часа.

Џем од боровинки и црно чоколадо без шеќер и конзерванси

Ристе Здравков — Mon, 21 Aug 2023 07:32:02 +0000

Состојки: 1 кг свежи, домашни и слатки боровинки 150 гр темно чоколадо со 85% какао 1 лимета Подготвува: Исплакнете ги боровинките со ладна вода. Ставете ги во длабоко тенџере на средна топлина. Кога тенџерето ќе почне да се загрева, изгмечете ги со вилушка или алатка за пасирање компири. Изрендајте ја кората од лимета и исцедете го сокот. Во тенџерето постепено додавајте го сокот, во зависност од колку сакате да е благо. Обидете се да не биде премногу кисело. Гответе го џемот со постепено мешање додека боровинките не се распаднат во тавата. После тоа оставете го џемот да се крчка уште 10 минути. Во зависност од должината на готвењето, џемот ќе биде погуст или поредок. Кога ќе завршите со готвењето на џемот од боровинки, по 12-15 минути додајте во него ситно исечканото темно чоколадо и кора од лимета. Измешајте и распоредете во стерилизирани тегли за зимско складирање. Почекајте да се излади на собна температура, а потоа чувајте го во фрижидер.

Мафини со јогурт и џем: Сладок појадок на кој нема да му одолеете (ВИДЕО)

Ристе Здравков — Thu, 03 Aug 2023 10:47:31 +0000

Доколку сте љубител на десерти, тогаш можете да ги направите овие слатки мафини со џем и јогурт. Состојки: 300 гр грчки јогурт 2 јајца 3 лажици шеќер 2 лажици скроб 1 лажица екстракт од ванила 150 гр јагоди 3 лажици чиа семе 1 лимон Подготовка: Во сад измешајте ги јогуртот, јајцата, шеќерот, скробот и ванилата. Добро измешајте, па истурете ја смесата во калап за мафини подмачкан со масло. Истурете ја смесата, но не ги полнете калапите до горе, печете во загреана рерна на 180 степени околу 20 минути. За тоа време направете го џемот. Јагодите измијте ги и испасирајте ги, па истурете ги во тенџере. Додадете го чиа семето и варете неколку минути. Исклучете го шпоретот и кога џемот ќе се олади додадете го сокот од лимон и измешајте. Намачкајте го џемот врз мафините.

Џем од кајсија и портокал: Комбинација од сладост и освежителен цитрусен вкус

Ристе Здравков — Tue, 18 Jul 2023 07:16:22 +0000

Овој џем е идеален начин да ги зачувате слатките ароми на летните кајсии и да ги надополните со богатиот вкус на портокалите. Состојки: два килограми исчистени кајсии шест шолји шеќер рендана кора од три портокали една лажица сок од лимон Подготовка: Измешајте ги исчистените кајсии, шеќерот, ренданата кора од портокал и сокот од лимон. Варете додека не почне да врие, а потоа намалете ја топлината и крчкајте уште 25 минути, повремено мешајќи и отстранувајќи ја пената по потреба. Префрлете го џемот во претходно стерилизирани тегли, затворете и оставете да се излади. Уживајте!

НАЈЗДРАВИОТ ЏЕМ НА СВЕТОТ: Готов за 5 минути, а потребни ви се само неколку состојки

Ристе Здравков — Mon, 13 Feb 2023 15:30:46 +0000

Совршен е со јогурт, чиа пудинг, овесна каша, вафли, палачинки, слатки сендвичи… Состојки: 3 чаши бобинки (малини, капини, боровинки) 2 лажички сок од лимон 2 лажички мед (по избор ако го сакате послатко) 1 лажичка чиа семе (по избор ако сакате погусто) Подготовка: Ставете ги бобинките во тенџере. Истурете го сокот од лимон и варете неколку минути. Изгмечете го овошјето со преса за пире и додадете по желба мед или друг засладувач. Гответе неколку минути и исклучете го шпоретот. Додадете чиа семе и вашиот најздрав џем на светот е готов.

ЛИСНАТИ КИФЛИЧКИ СО ЏЕМ! Се топат во устата! (РЕЦЕПТ)

Ристе Здравков — Sun, 04 Sep 2022 14:16:24 +0000

Можете да ги послужите кифличките на секакви прослави. Брзо се подготвуваат, а вашите гости ќе бидат воодушевени Ви пренесуваме рецепт за кифлички од лиснато тесто. СОСТОЈКИ: 4 јајца 500 гр брашно 1 лажичка квасец вода по потреба 1дл масло 2 лажици шеќер 1 лажичка сол 1 кесичка прашок за пециво 250 гр маргарин Џем по желба шеќер во прав за поросување Подготовка: Измешајте го квасецот со шеќерот и малку топла вода и оставете 5-10 минути. Во садот истурете брашно, прашок за пециво, сол и измешајте. Додадете го активираниот квасец, јајцата и маслото, па замесете тесто. Покријте и оставете да отстои. Потоа измешајте и поделете на 6 дела. Расукајте 5 јуфки и секоја посипете ја со рендан маргарин и наредете ги една врз друга. Потоа истегнете ја шестата и завиткајте ја од горе. На оваа не оди маргарин. Потоа расукајте и исечете на триаголници и филувајте. Се пече на 200°C додека не порумени. Кога ќе бидат готови, поросете ги со шеќер во прав.

Побрзо од ова не може, ниту послатко и повкусно: Направете ЏЕМ ОД КАЈСИИ по стар рецепт на нашите баби

Ристе Здравков — Tue, 14 Jun 2022 13:16:23 +0000

Џемот е секогаш омилено и совршено решение за брз десерт, а предноста е што можете да го направите од секое омилено овошје. Ова лето мора да се обидете да го направите идеалниот џем и да уживате во неговиот вкус, а стариот рецепт за џем од кајсии ќе ве воодушеви и несомнено ќе оставите впечаток на вистинска домаќинка. Друга предност на овој рецепт е тоа што не ви треба конзерванс. Состојки: 5 килограми кајсии 2 килограми шеќер Подготовка: Погрижете се кајсиите да бидат здрави, измиени, излупени, па пресечете ги на половина и наредете ги во тенџере. Кајсиите варете ги околу 15 минути на силен оган и одвреме-навреме мешајте да не изгорат. Не додавајте течност бидејќи кајсиите сами ќе го испуштат својот сок. По 15 минути намалете ја температурата и динстајте го овошјето следниот час, а морате да внимавате постојано да не ви горат кајсиите. По еден час додадете шеќер и сè заедно варете уште 20 минути. Вашиот џем е готов и се што треба да направите е да го истурите во малку загреана тегла и да го чувате на темно и ладно место. Не фрлајте ги семките од кајсиите, туку исчистете ги и земајте по неколку секој ден, тие се познати низ светот како природен лек против рак.

Како да подготвите џем од јагоди: Едноставен рецепт за највкусен резултат

Ристе Здравков — Fri, 03 Jun 2022 05:59:48 +0000

Џемот од јагоди е вистински деликатес, одлично оди со палачинки, кифлички и други пецива Состојки: 3кг јагоди 1,5кг шеќер Подготовка: Добро измијте ги и исчистете ги јагодите. Само целосно здраво овошје треба да влезе во џемот; отстранете ги смачканите примероци и употребете ги за некој десерт. Поголемите јагоди исечкајте ги на неколку парчиња и измерете го таквото овошје. Количината на шеќер е за половина помала од количината на овошјето. Во тенџере истурете ги јагодите и шеќерот, сè убаво измешајте, па ставете на рингла. Кога овошјето ќе зоврие, намалете ја температурата на средна. За време на готвењето на површината ќе се појави пена, која повремено треба да ја отстранувате со лажица. Кога овошјето ќе се згусне, џемот е готов. За оваа количина на овошје ќе ви бидат потребни околу два часа. Истурете го џемот во стерилизирани тегли, добро затворете ги, па превртете ги наопаку и оставете ги околу петнаесет минути. Потоа превртете ги, завиткајте ги во ќебиња и оставете го џемот целосно да се излади. Чувајте го џемот на темно и ладно место, а отворената тегла чувајте ја во фрижидер.

Спој на пире од костени и џем од кајсии кој дава ЕКСПЛОЗИЈА на вкусови: Посна торта која ќе ја правите и во мрсните денови

Ристе Здравков — Wed, 16 Mar 2022 09:50:42 +0000

Доколку немате идеја што би можеле да подготвите од слатки за време на велигденските пости, оваа посна торта од пире од костен и џем од кајсии ќе биде совршен избор за целото семејство, но и за родендени, прослави… Костенот е неверојатно здрав, полн со влакна, протеини, здрави масти, а ако го јадете редовно, одличен е за здравјето на срцето, дигестивниот тракт, добар за крвен притисок, анемија, ги зајакнува коските и забите… И затоа не двоумете се да го вклучите во вашата исхрана секогаш кога имате можност. Состојки: За кората 200 гр мелени ореви 250 мл сок од портокал 300 гр брашно 150 гр мед 200 гр шеќер 2 ванилин шеќер лажица какао 1 прашок за пециво 100 мл масло За фил 750 гр пире од костен 50 гр џем од кајсии 200 гр сечкани ореви 3 лажици рум За глазурата 200 гр посно чоколадо лажица масло Подготовка: За кората: Измешајте ги сите потребни состојки за кората. Во загреана рерна се пече кората на 180 степени. Ќе ви требаат околу 40 минути. Кога ќе се излади, кората поделете ја на три дела. За филот: Соединете го пирето од костен, џемот, румот и измешајте, па додадете ги сечканите ореви. За глазура: растопете го чоколадото со маслото. Наредете ред кора, ред фил, а одозгора прелијте ја со глазурата.

Џем од јаболка како лек – Еве зошто го нарекуваат „слатка инфузија“

Дарко Андоновски — Mon, 08 Mar 2021 19:50:29 +0000

Џемот од јаболка како лек е природно средство за подобрување на дигестијата, прочистување на кр-вта и зголемување на железото кај луѓе кои патат од анемија. Јаболковиот џем го јакне имунитетот и помага во регулација на шеќерот во кр-вта и работата на штитната жлезда. Сите џемови се приготвуваат на сличен начин. Кога говориме за џем, станува збор за течна до средно густа смеса направена по пат на цедење, а потоа и готвење на сокот од јаболка, без додавање на дополнителен шеќер или некои други засладувачи (јаболката си содржат доволно сопствен шеќер). Значи, природниот и чист џем/мармалад има најчесто темно бордо до црна боја. Може да биде сладок или киселкаст, во зависност од која сорта јаболка е цеден сокот, но она што е важно при приготвувањето на овој лековит џем/мармалад е тоа што плодовите мора да бидат зрели. Се смета дека станува подобар колку што подолго стои, бидејќи на тој начин созрева. Не бара некое посебно складиштење, едноставно треба добро херметички се затвори и да се остави на некое темно место со константна температура, подалеку од извор на топлина. ЏЕМ ОД ЈАБОЛКА КАКО ЛЕК – Џемот од јаболка како лек содржи висока концентрација на железо и Ц витамини, како и други витамини и минерали. Како таков, се препорачува во ле-кување на анемија. Постојат повеќе комбинации кои поттикнуваат подобра работа на поедини ор-гани и чистење на целиот организам. Слаткиот пекмез од јаболка особено се препорачува кај неадекватна исхрана каде може да се користи за јакнење на организмот, наместо различни хемиски мултивитамински додатоци. Подеднакво е безбеден да го консумираат и деца и возрасни. За да се добие киселкаст џем од јаболка се користат кисели, диви јаболка. Овој џем е исклучително значаен за дијабетичарите и луѓето кои имаат здравствени проблеми, бидејќи содржи минимална количина фруктоза. Со негова консумација се јакне кр-вната слика и имунолошкиот систем. На тој начин се надополнуваат недостатоците од минерали и витамини во организмот на потполно природен и здрав начин. Еве кои се лековитите својства на џемот од јаболка и за кои здравствени состојби помага: -за намалување на шеќерот во кр-вта, намалување на холестеролот и триглицеридите, за јакнење и подобрување на кр-вната слика, за намалување и ле-кување на кашлица, за надополнување на минерали и витамини во организмот, кај проблеми со црниот дроб, негово чистење и регенерација. Џемот од јаболка го јакне имунитетот и помага во регулација на шеќерот во кр-вта и работата на штитната жлезда. Јаболкото содржи 80% вода, околу 10 до 12% јаглени хидрати, еден посто масти и белковини, а исто толку има и целулоза. Во составот на јаболкото застапени се следните шеќери: глукоза, фруктоза и сахароза, како и органски киселини. Јаболкото во себе содржи и доста големи количини на витамин Ц и бета каротен, Б-комплекс, додека од минерали најмногу има калиум, фосфор и калциум. РЕЦЕПТ ЗА ПРИГОТВУВАЊЕ НА ЏЕМ ОД ЈАБОЛКА – Потребни ви се само јаболка, колку имате – толку. Од еден литар сок од јаболка се добива приближно околу 100-150 г џем, во зависност од тоа колку јабоката биле слатки или со која густина сакаме да ни биде џемот. Постапката е многу едноставна. Јаболката измијте ги и отстранете ги црвливите и оштетени делови. Сомелете ги или исечкајте ги или изблендирајте ги. Исцедете од нив колку што можете повеќе сок (ако имате добар соковник, тогаш можеби најдобро е него да го искористите). Добиениот ставете го во тенџере и гответе го на тивок оган, многу, многу долго. Повремено промешувајте, особено кога ќе започне да се згуснува и не дозволувајте многу да зоврие, зошто може да ви претече, но и ќе изгуби дел од хранливите состојки. Исто така, потребно е повремено да се трга пената која се создава на површината. Се вари додека да се постигне густина на добар мед или дури и повеќе, но мене ми е најдобар кога е течен (со ладење ќе се згусне уште малку, па затоа е најдобро да се проба густината на чинија). Проба: Извадете малку од темниот сируп на чинија (доста потемнува додека се готви) и треба полека да се разлева (како да гледаш успорен филм)… Е таквиот џем е најдобриот и тука треба да се заврши со готвењето. Оставете да се олади, па складирајте го во теглички и скријте ги на темно и ладно место… Значи, од еден литар сок јаболка се добива околу 100-150 г џем, во зависност од тоа колку биле слатки јаболката или каква густина сакате да постигнете. Со оглед на тоа дека јас сакам малку потечен џем, имав доста задоволителен резултат. Кога се прават големи количини, околу 100-тина и повеќе литри сок, тогаш најдобриот метод е да се сомелат јаболката во машина за мелење која е посебно за тоа наменета. Обично ваквите машини се користат за приготвување на јаболкова киселина и го цедат сокот од јаболката до последната капка. Овој џем се пече од слатки и од кисели јаболка, а може да се приготвува и од круши. Џемот е многу скап ако го купувате, со оглед на времето и начинот на изработка, па така, за да добиете еден килограм џем, обично се потребни 10-тина литри јаболков сок. Напомена – Во овој џем не се става ни трошка шеќер, без разлика дали се приготвува од слатки или кисели јаболка, бидејќи колку јаболката се послатки, толку и џемот е посладок, а од киселите јаболка излегува еднакво и киселакст џем од кој малку се “намигнува” додека се јаде .. ЛЕК ЗА КАШЛИЦА. Џемот од јаболка се користи и кај кашлица така што една лажица џем се раствора во една чаша топла (врела) вода и се пие исто како чај. За оваа намена особено се препорачува џемот приготвен од кисели јаболка. /Бранка – Coolinarika.com