Џенова – Kurir.mk

ХОРОР ВО ИТАЛИЈА: Србин со пресечен грклан пронајден на брод со 450 килограми кокаин!

Ивана Ефремовски — Tue, 08 Feb 2022 10:36:38 +0000

Во Џенова запленети се над 400 килограми кокаин, кој бил скриен во контејнер во кој имало кафе од Бразил, а на бродот покрај дрогата, пронајден е и заклан морнар (50), државјанин на Србија, јавуваат светските медиуми. Според италијанските медиуми, на бродот биле запленети точно 445 килограми кокаин. -Камионот MSC Adelaide вплови во пристаништето во Џенова во неделата. Со детален преглед е утврдено дека дрогата била во контејнер во кој имало кафе, имало речиси 450 килограми дрога, која била обложена во некои кеси, пренесуваат тамошните медиуми и додаваат: Инспекторите уапсија двајца мажи, кои ги нашле на бродот. Станува збор за Кулмва Камал и Фабио Папе. Потоа еден од нив бил фатен како зема кеси од контејнер кој бил ставен во просторот за видео надзор. Вредноста на запленетата дрога на пазарот би била 30 милиони евра. Италијанските медиуми пишуваат дека по контролата на бродот е пронајдено тело на Србин. -Заклан е српски морнар, му го пресекле грлото. Наредена е обдукција на Србинот, по што ќе се знае како е заклан, пишува италијанска Џенова24. Италиските медиуми наведуваат дека се истражува смртта на Србинот, а не е исклучена можноста тој да се самоубил. Но, сомнително е што оружјето не е пронајдено. -Оружјето, нож или можеби секач со кој му е пресечено грлото на морнарот не е пронајдено, а неговите колеги од бродот во полиција изјавиле дека најверојатно се самоубил. Овие нивни наводи детално се проверуваат, пишуваат медиумите. Според медиумите, истрагата е во тек. Бродот ќе остане закотвен во пристаништето неколку дена, за да се овозможи истрагата.

Горан Пандев ќе ја предводи Џенова против Лацио

Ивона Петрова — Fri, 17 Dec 2021 08:09:31 +0000

Според најавата на Андриј Шевченко, но и според медиумите во Италија, Горан Пандев денеска ќе биде во почетниот тим на Џенова на гостувањето кај Лацио. Натпреварот е од 18 коло во Серија А. Џенова посакува прекин на низата порази и само втора овосезонска победа против Лацио кој игра во променлива форма, на последните пет меча има само еден триумф и едно реми.

Бод за Џенова, Пандев одигра 20.минути

Бошко Тасиќ — Sun, 28 Nov 2021 15:01:36 +0000

Џенова одигра 0-0 на гостувањето кај Удинезе. Ова беше втор меч на Андриј Шевченко како тренер на тимот и прв освоен бод во оваа сезона за него. Натпреварот беше изедначен, и двете екипи имаа свои шанси, но мрежите мируваа. Горан Пандев во игра влезе во 73. минута и ги одигра последните 20- тина минути од мечот.

Шевченко: Ако Џенова остане во Серија А, тоа ќе биде како освојување на ЛШ

Ивона Петрова — Mon, 22 Nov 2021 08:43:25 +0000

Тренерот на Џенова, Андриј Шевченко, по поразот од Рома (0:2) во 13. коло, рече дека опстанок во Серија А за неговиот тим би бил голем успех рамен на освојување на Лигата на шампионите. – Имаме многу повредени фудбалери. Против Рома покажавме карактер, добро се движевме, но немавме доволно сили за нешто повеќе. Бев пријатно изненаден од тоа како навивачите ме поздравија, дојдоа и му дадоа поддршка на тимот, дури и на крајот од натпреварот. Тимот вложи многу труд, момците навистина дадоа сè од себе. На навивачите им се допаѓаат овие работи овде. Нè очекуваат многу тешки натпревари, ова го знаеме сите. Ако останеме во Серија А, тоа ќе биде како да ја освоивме Лигата на шампионите, истакна Шевченко. Украинецот во своето деби на тренерското место во Џенова, капитенската лента му ја додели на Горан Пандев кој одигра еден час против Рома.

Една слика, милион зборови – Пандев и Шевченко заедно на првиот тренинг на Џенова

Бошко Тасиќ — Fri, 19 Nov 2021 19:53:58 +0000

Новиот тренер на фудбалскиот клуб Џенова Андриј Шевченко, беше сликан до македонската фудбалска легенда Горан Пандев. Украинецот остави длабока трага во Милан со своите 127 голови, додека Пандев две децении игра во италијанската лига. „Една фотографија, две освоени Лига на шампиони“ – порачаа од Џенова. Новиот тренер триумфираше во ЛШ со Милан во 2003 година, додека најискусниот поединец во составот на Џенова, Пандев, освои европски трофеј со Интер во 2010 година.

Шевченко ќе му биде тренер на Пандев во Џенова

Ивана Ефремовски — Sat, 06 Nov 2021 09:01:15 +0000

Поранешниот селектор на украинската фудбалска репрезентација Андриј Шевченко ќе потпише договор со Џенова до 2023 година со опција за продолжување на уште една сезона, соопшти новинарот Николо Шира. Тренерот ќе заработува 1,8 милиони евра годишно во Џенова, плус бонуси. Во стручниот штаб на Шевченко ќе бидат Андреа Мулдера и Мауро Тасоти, кои соработуваа со него во репрезентацијата на Украина. Четириесет и петгодишниот Шевченко ја водеше украинската репрезентација од 2016 до 2021 година. Џенова за која настапува Македонецот Горан Пандев, по 12 натпревари во Серија А има само една победа, шест нерешени средби и пет порази и се наоѓа на 17. место на табелата. (МИА)

Гатузо ja одби Џенова

Ивона Петрова — Thu, 28 Oct 2021 10:49:30 +0000

Џенаро Гатузо одби да ја води Џенова, објави новинарот Николо Шира. Според него, новите сопственици на клубот, „777Partners“ му понудиле на 43-годишниот Италијанец да ја преземе функцијата главен тренер, но специјалистот не ја прифатил понудата. Во моментов Гатузо е без клуб. Негов последен клуб беше Фиорентина, но „виолетовите“ не одиграа ниту еден натпревар под негово водство, бидејќи Гатузо го напушти тимот пред почетокот на сезоната поради конфликт со управата. Низ својата тренерска кариера, Гатузо има работено и во Наполи, Милан, Пиза, ОФИ, Палермо и Сион.

Соиграч на Пандев постигна гол со шише во раката (ВИДЕО)

Ивана Ефремовски — Sun, 26 Sep 2021 07:41:27 +0000

Напаѓачот на Џенова, Матија Дестро вчеравечер постигна гол во натпреварот од 6. коло на италијанското првенство против Верона (3:3). Триесетгодишниот Италијанец држејќи шише во левата рака, на асистенција на македонскиот фудбалер Горан Пандев, во 85. минута се запиша во листата на стрелците за во тој момент водство на Џенова со 3:2. На крајот резултатот беше 3:3. По овој меч, Џенова и Верона имаат по пет бода и ги заземаат 15, односно 14 место во Серија А. (МИА)

Американци го купија најстариот италијански фудбалски клуб

Ивана Ефремовски — Wed, 22 Sep 2021 18:20:26 +0000

Најстариот италијански фудбалски клуб Џенова, во чии редови настапува македонската фудбалска легенда Горан Пандев, премина во рацете на американскиот инвестициски фонд „777 Partners“ за сума 150 милиони евра. Италијанските медиуми објавија денеска дека американската компанија и претседателот на Џенова Енрико Презиоси постигнале договор и многу скоро во врска со зделката ќе биде објавено официјално соопштение. „777 Partners“ е приватна инвестициска компанија со седиште во Мајами. Основана е во 2005 година, а во нејзиното портфолио имаат и малцински удел во шпанскиот прволигаш Севиља. Џенова е формирана на 7 септември 1893 година и е најстариот фудбалски клуб во Италија. За Џенова од 2015 година настапува рекордерот според бројот на настапи во македонскиот дрес и најдобар стрелец на сите времиња Горан Пандев. (МИА)

Елмас и Наполи славеа во Џенова кај Пандев на кого му беше поништен гол

Бошко Тасиќ — Sun, 29 Aug 2021 18:40:03 +0000

Наполи ја забележа и втората победа на стартот од новата калчолигашка сезона, триумфирајќи на гостувањето против Џенова со 1-2. Ова беше дуел на двајцата македонски асови, Горан Пандев и Елиф Елмас, на кој Пандев успеа да постигне и гол што контроверзно беше поништен со ВАР. Елмас доби шанса од првата минута, а токму неговиот партнер од средниот ред, Фабијан Руиз, го постигна првиот гол на натпреварот откако стрелаше прецизно од дваесетина метри. Тренерот на Џенова го уфрли Пандев во игра на почетокот од второто полувреме, а десетина минути подоцна стрелаше прецизно во празната мрежа откако голманот Мерет ја испушти топката на работ на шеснаесетникот. Гостите протестираа, а судијата по прегледување на ВАР-снимката оцени дека Мерет бил фаулиран, поништувајќи го голот на „Гранде Пандев“.Наполи има максимални шест бода по две одигрaни кола, а Елмас и соиграчите во следното коло ги очекува големото дерби со Јувентус.