џепчиште – Kurir.mk

Маж од Џепчиште нападнал дете

Ивана Ефремовски — Sun, 09 Oct 2022 19:52:29 +0000

На 08.10.2022 во 13.50 часот Р.М.(43) од Тетово пријавил дека на 07.10.2022 околу 20:50 часот во Тетово неговиот малолетен син бил физички нападнат од Х.Д.(37) од с.Џепчиште, тетовско. Се работи на расчистување на случајот.

Автомобил излетал на локалниот пат Требош и Џепчиште, тешко повреден возачот

Тале Кристо — Fri, 02 Sep 2022 15:00:22 +0000

Денеска (02.09.2022) во 06.20 часот во СВР Тетово било пријавено дека на локалниот пат што ги поврзува тетовските села Требош и Џепчиште, патничко моторно возило „сеат ибица“ со тетовски регистарски ознаки, управувано од 24-годишниот Т.К. од тетовски Порој, излетало од коловозот. Во несреќата, возачот кој бил сам во возилото, се здобил со тешки телесни повреди, констатирани во тетовската Клиничка болница. Јавен обвинител и екипа од Секторот за внатрешни работи Тетово извршиле увид на местото на несреќата.

Поведена постапка против жител на Џепчиште – полицијата во неговиот дом пронашла кокаин и две ваги

Магдалена Андонова — Thu, 31 Mar 2022 11:34:20 +0000

Основното јавно обвинителство – Тетово донесе наредба за спроведување истражна постапка против 40-годишен жител на селото Џепчиште осомничен дека сторил кривично дело „неовластено производство и пуштање во промет наркотични дроги, психотропни супстанции и прекурсори“ од член 215 став 1 од Кривичниот законик. Надлежниот јавен обвинител до судијата на претходна постапка од Основниот суд во Тетово доставил предлог за определување мерка притвор за осомниченото лице. Предлогот е прифатен и со решение на Судот на обвинетиот му е определен притвор во траење од 30 дена. – При претрес во домот на осомничениот на 29 март полицијата пронашла вкупно 78,43 грама наркотична дрога кокаин, поделена во повеќе помали пакувања, како и две дигитални ваги. Дрогата ја чувал скриена во гранките на едно од зимзелените дрвја околу куќата, соопштија денеска од Јавно обвинителство.

Тројца жители на Џепчиште истепале соселанец

Магдалена Андонова — Fri, 18 Mar 2022 09:22:18 +0000

Жители од дебарското село Џепиште физички нападнале соселанец, за што против нив ќе биде поднесена соодветна пријава. – На локален пат во дебарското село Џепиште нарушен е јавниот ред и мир со вербална расправија и физички напад извршен од А.Л (52) и Б.Л.(31) врз М.Р.(41), сите од истото село. Против напаѓачите ќе биде поднесена соодветна пријава, рече Стефан Димоски, портпарол на Секторот за внатрешни работи-Охрид. Тој информираше и околу засилените сообраќајни контроли на подрачјето на општините Дебар и Центар Жупа, кои со својата активност ги покрива ОВР- Дебар. – Во период од четири часа полициските службеници затекнале и санкционирале 6 возачи кои, управувале моторно возило со брзина поголема од дозволената. Од нив, петмина ја пречекориле дозволената брзина надвор од населено место и еден во населено место, изјави Димоски. Додава дека контролите ќе продолжат со цел поголема безбедност во сообраќајот.

Приведени две млади лица од Џепчиште – еве што било пронајдено кај нив!

Магдалена Андонова — Fri, 11 Jun 2021 09:53:25 +0000

На 10.06.2021 во 21.00 чaсот на ул.„Иво Рибар Лола“ во Тетово, полициски службеници од СВР Тетово ги лишиле од слобода С.Б.(24) од с.Требош, тетовско и С.А.(25) од с.Џепчиште, тетовско, затоа што при преглед кај нив била пронајдена и одземена марихуана. Тие биле приведени во полициска станица и по целосно документирање на случајот против нив ќе биде поднесена соодветна пријава.

Приведен 34 годишен маж од Џепчиште – бил баран за издржување на затворска казна

Магдалена Андонова — Fri, 26 Feb 2021 14:24:46 +0000

Денеска (26.02.2021) во 09.30 часот, полициски службеници од СВР Тетово, врз основа на судска наредба, го привеле Л.А.(34) од с.Џепчиште, тетовско, за издржување на казна затвор од две години, за сторено кривично дело по член 396 од Кривичниот законик за „неовластено изработување, држење, посредување и тргување со оружје или распрскувачки материи“. Тој бил предаден во Казнено-поправната установа - Затвор Тетово за издржување на казната.

Порше кое вреди вртоглава сума на пари одземено среде автопат од полицијата во Тетово- причината многу едноставна (ФОТО)

Дарко Андоновски — Fri, 12 Feb 2021 17:51:33 +0000

Нерегистрирано Порше денеска е одземено од страна на полицијата во Тетово. Станува збор за Порше во сопственост на 31 годишен жител на Џепчиште, а истото не било регистрирано повеќе од 6 односно 15 месеци. Возилото е одземено околу 15 часот на автопатот Тетово-скопје. По овој основ, инаку во Тетово досега се одземени околу 3о-тина возила.