Џердан Шакири – Kurir.mk

Шакири сака во Рома, Клоп не го дава

Ивана Ефремовски — Sun, 19 Jan 2020 08:58:51 +0000

Играчот од средниот ред на Ливерпул, Џердан Шакири е подготвен да се пресели во составот на Рома. Швајцарецот не е задоволен од малото време што го добива кај „црвените“ и е склон да го напушти „Енфилд“. Но, менаџерот на тимот, Јирген Клоп е против договорот. Тимот од Мерсисајд веќе одби понуда од италијанскиот клуб. Германскиот стратег сака Шакири да остане во Ливерпул барем до летово. Тимот на „Енфилд“ е лидер во Англија и е апсолутен фаворит за титулата во Премиер Лигата, која ја нема освоено веќе 30 години.

Се спремаат радикални мерки: Играчи со две државјанства нема да имаат право на настап за Швајцарија

Матеја Петровски — Fri, 06 Jul 2018 16:03:23 +0000

Фудбалската федерацијата на Швајцарија сериозно ја гледа опцијата да им забрани на играчите со двојно државјанство да играат за репрезентацијата. Швајцарските медиуми пренесуваат дека челните луѓе на фудбалскиот сојуз на Швајцарија размислуваат да применат радикални мерки, кога се во прашање играчите со два пасоши. Имено, после мечот Србија-Швајцарија, на кој Гранит Џака и Џердан Шакири ги прославија головите покажувајќи двоглав орел, кој е симбол на т.н. „Голема Албанија“, федерацијата предложува да се воведе правило двојните државјани да мора да се откажат од другиот пасош ако сакаат да играат за националниот тим на Швајцарија. Генералниот секретар Алекс Мишер ги потврди овие информации за швајцарскиот весник „Тагесацајгер“. Тој смета дека некои граници мора јасно да се постават. -Дали играчите до одредени години на старост мора да одлучат за која репрезентација ќе играат? Може да се случи да вложуваме во фудбалери кои во иднина ќе играат за друга репрезентација. Федерацијата би можела да каже дека програмите се отворени само за млади играчи кои немаат двојно државјанство. Слушаме многу ветувања, а потоа играчот кога ќе наполни 21 година одлучува да игра за друга земја, затоа што таму гледа поголеми шанси за успех на репрезентативен план. Според Мишер, ако двојните државјани сакаат да го носат националниот дрес на Швајцарија, би морале да се откажат од другиот пасош. -Со овој предлог сакаме да го видиме размислувањето на општеството, а ако некој не го дели мојот став, тогаш тоа исто така е во ред, вели тој. -Тоа е како дете од разведен брак, кое мора да одлучи меѓу мајката и таткото. Би било олеснувачки за многу играчи ако што порано донесат таква одлука, смета Мишер. Сепак весникот истакнува дека секогаш ќе постојат играчи кои се емоционално врзани за две земји, па ни барањето да се откажат од едниот пасош нема да го промени тоа во срцето.

Српски медиум открива: Не е војната, туку дрогата- откриена причината за заминувањето на Шаќири од Косово!

Матеја Петровски — Sat, 30 Jun 2018 11:11:13 +0000

Двајцата се со потекло од Косово и со тоа ги испровоцираа Србите. ФИФА ги казни поради славењето со објаснување дека тоа е политичка провокација. Шаќири објасни дека прославил на тој начин поради војната на Косово и се што неговото семејство трпело од српските власти во минатото. Српските медиуми се позанимаваа малку со минатото на фудбалерот и открија дека семејството на Шаќири се преселило во Швајцарија не поради војната, туку од други прични. Дедото на Џердан Шаќири и неколку други лица во 1988 година бил фатен со дрога на грчко-југословенска граница (веројатно на македонската граница). Фудбалерот е роден две години подоцна, но откако голем дел од неговото семејство завршило зад решетки, таткото на Џердан бил приморан да го напушти Косово и да го остави мрачното минато зад себе, пишува порталот „Еспресо“. Неговото семејство се преселило во Швајцарија во 1991 година, долго пред да почне војната на Косово.

Швајцарците огорчени поради малата казна за Џака и Шакири: ФИФА мораше да биде без милост и да прати јасна порака

Матеја Петровски — Tue, 26 Jun 2018 16:52:51 +0000

Реакциите од српските медиуми, кои ги напаѓаат, реакциите од албанските медиуми кои ги величат се очекувани, а најмалку што може да се каже е дека интересни се реакциите кои доаѓаат од Швајцарија по повод казната која ФИФА им ја изрече на нивните репрезентативци Гранит Џака и Џердан Шакири, поради тоа што на мечот со Србија, на Мундијалот во Русија симболизираа албански симбол и на тој начин испратија провокација и политичка порака, што според правилата е најстрого забрането. Тие двајца од ФИФА беа казнети со 10.000 швајцарски франци, додека нивниот капитен Стефан Лихтштајнер за истиот прекршок беше казнет двојно помалку, а швајцарските медиуми малку неочекувано не гледаат со доза среќа на оваа казна. Угледниот весник „Блик“ констатира дека е среќа што не се казнети со суспензија и забрана да настапат на неколку натпревари, но исто така истакнуваат дека на овој начин ФИФА по својот стар добар обичај пропуштила да испрати јасна порака на сите дека за политика нема место на фудбалскиот терен. -ФИФА го реши овој случај како што и инаку ги решава. Парично, играчите и членовите на федерацијата сега можат да воздивнат. Како и многу навивачи. Тимот може потполно да се спрема за продолжението на својата летна бајка. И, за некои оваа казна одговара, за други е лош компромис. Едно е сигурно: ФИФА пропушти да испрати јасна порака. Се ова беше една алиби процедура. Требаше да прати јасен знак. Да му покаже на фудбалскиот свет: така провокативни и националистички пораки, кои будат деликатен конфликт, нема да бидат толерирани. Посилна реакција би ја разденила ситуацијата... Ако играч направи пенал, ќе биде санкциониран. Ако тоа му е втора казна, лета од теренот, исклучен е. Со други зборови, она покажување на орел, кое беше една неодговорна глупост, требаше да е неспоредливо со другите работи, играчите стварно би требало да извлечат порака од ова. Да, српските провокации беа потешки, предизвикани и од политичари и од претставници на сојузот и од страна на навивачите. И од страна на тренерот, кои би морале да ја повлечат својата изјава за тоа дека судијата треба да го однесат пред суд. Но тројца швајцарски фудбалери си дадоа автогол. Нека сега,како на теренот, ја исперат својата уста и продолжат да играат фудбал, пишува во колумната на спортската рубрика на „Блик“. Исто така, овој медиум дознава и дека Шакири и џака оваа казна нема да ја платат од свој џеб, туку дека тоа ќе го направи албанската дијаспора во САД, затоа што Албанец со име Рилинд Река, покрена кампања на интернет да се соберат пари за плаќање на нивните казни, затоа што „донеле среќа на сите Швајцарци и Албанци низ светот“, и наводно за кратко време потребните пари биле собрани.

Еди Рама ќе ја плаќа казната на Шакири и Џака за скандалозната прослава: Тоа е во знак на благодарност од сите радосни Албанци

Матеја Петровски — Tue, 26 Jun 2018 14:28:59 +0000

Премиерот на Албанија, Еди Рама отвори банкарска сметка на која може да се уплаќаат пари како би се платила казната која Фифа им изрече на Гранит Џака и Џердан Шакири. -Ги повикувам Албанците да ја платат оваа бесмислена казна која Фифа им ја изрече на Џака и Шакири. Оваа сметка е гест на благодарност до спортистите кои доведоа милиони Албанци во спортска радост, напиша рама на социјалните мрежи. Џака и Шакири ќе мора да платат по 10.000 швајцарски франци поради непримерното радување после постигнувањето на головите за репрезентацијата на Швајцарија против Србија на Светското првенство во Русија. Тие со рацете го симболизираа двоглавиот орел поради што им се закануваше суспензија од два натпревари, но од тоа не излезе ништо. Џака и Шакири се етнички Албанци со потекло од Косово и Метохија, а настапуваат за репрезентацијата на Швајцарија.

Капитенот на Швајцарија им се придружи на Шакири и Џака во провокациите: Лихштајнер стана еден од најомразените во својата земја (ФОТО)

Матеја Петровски — Mon, 25 Jun 2018 15:22:29 +0000

Капитенот на Швајцарија, Стефан Лихштајнер голот на својот тим го прослави на ист начин како и Џердан Шакири и Гранит Џака, покажувајќи двоглав орел со рацете, што швајцарската јавност ја остави во што тој е познат како некој кој многу ја сака земјата во која е роден. Фудбалската јавност е згрозена со срамните провокации на етничките Албанците од редовите на репрезентацијата на Швајцарија. Џердан Шакири и Гранит Џака на скандалозен начин ги прославија головите на мечот против репрезентацијата на Србија. Двајцата головите ги прославија вкрстувајќи ги рацете и така со рацете формирајќи двоглав орел. Како швајцарските, така и светските медиуми сметаат дека гестот на репрезентативците на Швајцарија бил чиста провокација и згрозени што се фудбалерите на тој начин ја донеле политиката на Светското првенство. Меѓутоа, она што сите не го забележаа е начинот на кој капитенот на Швајцарија, Стефан Лихштајнер ги славеше головите на својата репрезентација. Тој им притрча на соиграчите и баш како Џака и Шакири, ги склопи дланките во поза на орел и викаше кон навивачите.

In case you’ve missed it, We eagle-ised captain Lichtsteiner as well :)#SRBSWI #Worldcup2018Russia #Xhaka #Shaqiri pic.twitter.com/yhuVgvolsE
— Lumir Abdixhiku (@Abdixhiku) June 22, 2018

Неговата прослава јасно се виде и на телевизиските снимки прикажани во швајцарските медиуми, кои инаку го критикуваат националистичкиот испад на Џака и Шакири, но очигледно не сакаа да видат дека истата работа ја направи и нивниот Швајцарец, Стефан Лихштајнер. Но, зошто? Зошто тоа го направи човекот кој во повеќе наврати за швајцарските медиуми изјавуваше дека ја сака земјата во која е роден, а тоа е Швајцарија. Како преку ноќ тој стана истото што се и Шакири и Џака. Лихштајнер пролетта 2015 година во едно интервјуи кажа дека во националниот тим има „прави и оние други Швајцарци“, нагласувајќи дека „сите членови на репрезентацијата би требало да се идентификуваат со репрезентацијата“. Тоа интервју предизвика бројни полемики, а дефанзивецот помина низ вистински мал пекол. Во дел од јавноста беше окарактеризиран како „Бунзли“ Швајцарец, која го коренот има термин „швајцарски Германец“, но се користи за некој кој е „глупав“. Лихштајнер е просто воден од амбицијата, сака успех. Оствари многу повеќе во кариерата од просечен швајцарски фудбалер, освои многу титули со Јувентус, беше учесник на ЕУРО 2008, како и Мундијалите во 2010 и 2014 година. Знае тој кои проблеми можат да и се случат на екипата, какви стравови може да се јават ако не се пристапи на вистински начин. Но, неговите изјави биле впрочем предизвик за играчите, тренерите и врвот во федерацијата. Тој предизвика нови тензии, но тој трагаше за разрешување на моменталната ситуација, наведува швајцарскиот весник. -Зар тој, капитенот наш, националист?, се прашуваат во Швајцарија, неговиот одговор беше следниот: -Џака и Шакири се одлични момци. Зборев и со нив и со нивните татковци. Ми објаснија како тие гледаат на она што го минале во животот. Имаат двојно државјанство и не мислам дека Швајцарија има проблем со тоа. Што се однесува до онаа солидарност со нив после головите... Не можеме ние во потполност да разбереме што Џака и Шакири чувствуваат. Но, можеме да им помогнеме, ставот е на капитенот на Швајцарија. Инаку, со головите на Шакири и Џака Швајцарија успеа да ја сруши Србија, а нивната прослава предизвика коментари секаде во светските медиуми, посебно во Швајцарија и тука на Балканот.

Реакции во српските медиуми: Шакири и Џака и донесоа победа на Швајцарија, славеа скандалозно провоцирајќи ја Србија (ФОТО+ВИДЕО)

Матеја Петровски — Fri, 22 Jun 2018 20:46:14 +0000

Репрезентацијата на Швајцарија успеа да стигне до голема победа против Србија со 2:1, со головите на фудбалери кои имаат потекло од Косово, Гранит Џака и Џердан Шакири. Тие головите ги прославија со провокација до противникот, имено головите тие ги прославија гестикулирајќи го двоглавиот орел со рацете, кој е на албанското знаме. Србите ова сигурно не го прифатија најдобро, а медиумите пак жестоко ги нападнаа швајцарските фудбалери, барајќи казна за нив од ФИФА, бидејќи испратија политички пораки на фудбалски натпревар, нешто што според правилата на оваа организација не е дозволено. Покрај провокацијата со прославата на голот, Џердан Шакири на овој натпревар на една од копачките имаше знаме на Косово, држава која Србија не ја признава, а од која што тој има потекло. Ова беше уште една причина за жестока реакција на српските медиуми, кои и за ова побараа казна од ФИФА. Погледнете ги головите од натпреварот меѓу Србија и Швајцарија:

ГОЛЕМ СКАНДАЛ: Швајцарецот Џака славеше гестикулирајќи двоглав орел, Шакири играше со копачки со косовско знаме (ФОТО)

Матеја Петровски — Fri, 22 Jun 2018 20:05:18 +0000

Репрезентативецот на Швајцарија, Џердан Шакири го исполни своето ветување и на мечот против србија облече копачки со знамето на Косово. Србија и Швајцарија го одиграа мечот од второто коло на Светското првенство во Русија, а со головите на косовските Швајцарци, Гранит Џака и Џердан Шакири, Швајцарците стигнаа до победа од 2:1. Но тоа не е крајот на скандалите на овој натпревар. Имено, фудбалерот на Швајцарија Гранит Џака, изедначувачкиот погодок против Србија го прослави прекрстувајќи ги рацете во симбол на двоглав орен, кој се наоѓа на албанското знаме. Инаку провокациите и од двајцата фудбалери ги имаше и претходниве денови, кога се разгоруваа страстите за овој меч. Медиумите во Србија бараат суспензија за двајцата играчи, бидејќи според правилата на ФИФА и УЕФА политиката не смее да се меша во спортот.

Сопругот на Јелена Карлеуша со порака до Швајцарците Џака и Шакири пред мечот во петок

Матеја Петровски — Wed, 20 Jun 2018 14:46:30 +0000

Во петок вечер се игра натпреварот кој многумина го чекаат, а во јавноста секојдневно излегуваат фудбалерите кои меѓусебно се провоцираат. Србија ќе игра со Швајцарија. Претстојниот меч меѓу овие две репрезентации ќе донесе и доста тензии, затоа што дел од фудбалерите на Швајцарија, кои се по потекло од Косово, претходните денови провоцираа со своите изјави и ја креваа тензијата. Во јавноста посебно излегоа Гранит Џака и Џердан Шакири. -Доста се зборува со тоа. Ние нема да влегуваме, затоа што се гледаме себе. Нема да се случи мечот од Белград кога бевме наивни(случајот со дронот). Нема да дозволиме ниту една провокација. Што тие прават, тоа е нивни проблем, порача Тошиќ, инаку сопруг на познатата пејачка Јелена Карлеуша.

Ливерпул заинтересиран за Џердан Шакири

Ивона Петрова — Wed, 06 Jun 2018 20:30:18 +0000

Ливерпул е заинтересиран за репрезентативецот на Швајцарија Џердан Шакири, кој нема намера да остане во Стоук Сити откако испадна од Премиер лигата, пренесе „Гардијан“. Клаузулата за откуп во договорот на халфот е 12,5 милиони евра, што не е особено висока и е целосно во можностите на тимот од „Енфилд“. Тие ќе имаат конкуренција за потписот на Шакири, откако за него интерес покажаа и од Саутемптон. Менаџерот на „светците“, Марк Хјуз, го донесе Швајцарецот во Премиер Лигата пред три години од Интер. Ливерпул сакаше да го привлече Шакири пред четири години, кога беше фудбалер во Баерн, но тогаш тој одлучи да заигра за „неразурите“ во Италија.