џердан шаќири – Kurir.mk

Србите им подготвуваат „пекол“: Шаќири и Џака ќе мора принудно да играат во Нови Сад!

Ристе Здравков — Thu, 22 Dec 2022 09:56:24 +0000

Фудбалската репрезентација на Швајцарија, за која настапуваат фудбалерите со албанско потекло, Џердан Шаќири и Гранит Џака, неочекувано е приморана да гостува во Србија, каде што во март следната година ќе го одигра мечот од квалификациите за ЕП 2024 против Белорусија. Причина за ваквата одлука на УЕФА е суспензијата за Белорусите поради помошта која му ја даваат на Путин во војната против Украина, поради што средбите мора да ги играат на неутрален терен. Но, овој пат на дуелот во Нови Сад се очакува да имаат поддршка од преполни трибини, а причината не се тие туку омразата која владее помеѓу Србите и Џака и Шаќири. Срби и Швајцарија одиграа неколку жешки средби во последните години, од кои две на последните два Мундијали, на кои се случуваа скандали со жестоки провокации од страна на швајцарските фудбалери, кои прво „летаа орли“, а неодамна во Катар по средбата облекоа дрес со името на основачот на озогласената ОВК.

Џака и Шаќири доаѓаат во Белград

Ристе Здравков — Wed, 14 Dec 2022 12:30:29 +0000

По дебаклот во осминафиналето на Светското првенство, Швајцарија се сврте кон нов циклус квалификации за ЕП. Швајцарија ќе игра во групата И со Романија, Андора, Израел, Косово и Белорусија. Тие поради актуелната политичка ситуација се многу загрижени за гостувањата во Белорусија и Косово. Имено, на 25 март Швајцарија ќе игра на гости кај Белорусија, а големи се шансите тој меч да се одигра во Србија. Белорусија е делумно санкционирана од УЕФА поради војната во Украина и своите натпревари ќе ги игра на неутрален терен, најверојатно во Србија! Белорусија го одигра натпреварот од Лигата на нации во Нови Сад, а тој факт предизвика паника во швајцарските медиуми. Како што дознава српските медиуми големи се шансите Белорусите повторно да ги одиграат квалификациите во Србија. И Кипар е опција, но во моментов, поверојатно е тоа да биде Србија.

Шаќири вечерва игра против Србија, а оваа фатална пејачка родена во Косово ја крие дури и од семејството – вистинска секс бомба е! (ФОТО)

Дарко Андоновски — Fri, 02 Dec 2022 18:58:51 +0000

Репрезентацијата на Србија вечерва од 20 часот ќе одигра решавачки натпревар со селекцијата на Швајцарија, во која настапува Џердан Шаќири, фудбалер кој е на пик на целиот регион. Швајцарците беа ривали на „орлите“ и на претходниот Мундијал, а тој меч го одбележа и Албанецот од јужната српска покраина со швајцарски пасош, Џердан Шаќири. Малку се знае за приватниот живот на момчето родено 1991 година во Гњилане. Во родното негово место протекуваат некои информации, како на пример фактот дека имал трансплантација на коса. Меѓутоа, некаде кон средината на оваа година, швајцарските медиуми почнаа да пишуваат за неговата љубовна врска со албанската пејачка Дурата Ахметај, која исто како и тој по потекло е од Косово. Папараците неколку пати ги фатија заедно во текот на ноќите, иако фудбалерот на Чикаго и пејачката се уште јавно не ја признале својата романса. Која е фаталната косовска пејачка Дурата Дора? Нејзиното вистинско име е Дурата Муртури, а уметничкото име Дурата Дора го зеде кога ја започна својата музичка кариера во 2011 година. Таа има 30 години, а на сцената е повеќе од една деценија. Од 2012 година почна да објавува песни на англиски по примерот на попознатите пејачки со албанско потекло Дуа Липа и Рита Ора и да гради странска кариера. Но, таа досега не успеала да се пробие на странската сцена и не е толку позната надвор од Албанија. Сега таа се впушти во романса со Шаќири, што можеби би можело да се одрази на растот на нејзината популарност.

На швајцарските Албанци им е забрането да „летаат орли“ на мечот со Србија

Ристе Здравков — Tue, 29 Nov 2022 14:20:09 +0000

Скандалот од Светското првенство во Русија во режија на Ѓердан Шаќири и Гранит Џака, кои за време на прославата директно ги испровоцираа српските навивачи истакнувајќи го албанскиот двоглав орел, повторно е во центарот на вниманието на јавноста. Тогаш двајцата фудбалери беа осудени од швајцарските медиуми дека головите на репрезентацијата ги прославувале со симболите на друга земја и со тоа директно ги провоцирале противникот и навивачите. Директорот на швајцарската репрезентација Пјерлуиџи Тами во интервју за швајцарските медиуми изјави дека ќе даде се од себе ова да не се повтори во Катар. Светското првенство не е само за играта со Србија, дури и ако знаеме колку е оваа игра посебна, со оглед на тоа што се случи во 2018 година. Не сакаме да ги правиме истите грешки, тука сме да играме фудбал и ништо друго. Не сакаме да испраќаме никакви политички или верски пораки. Сакаме да ги претставуваме нашите вредности. Еден од нив е: почит. Покажуваме почит кон другите мислења. За мене би било грешка да испровоцирам некого со гест, без разлика на играта. Не треба да има зборови, гестови или воопшто однесување што предизвикува други реакции. Кога навиваме, ја покажуваме нашата радост, тоа е важно. Но, не мора да бидеме провокативни – изјави директорот Тами.

Шаќири најплатен фудбалер во американската МЛС лига

Ивана Ефремовски — Wed, 18 May 2022 08:21:40 +0000

Со годишни примања од 8.15 милиони долари фудбалерот на Чикаго, Џердан Шаќири, е најплатен играч во американската МЛС лига, покажуваат официјалните податоци објавени синоќа од раководството на Лигата. Втор на листата најплатени фудбалери во американската професионална фудбалска лига е членот на Лос Анџелес, Ернандес Чичерито (шест милиони), пред Гонзало Игуаин, чија годишна плата во Интер Мајами изнесува 5.79 милиони долари. Најголем платен список има Атланта (21 милиони долари), пред Лос Анџелес (20.1 милиони), Мајами (18.8 милиони) и Њу Ингланд (18.1 милиони). Најмалку за плати, 10.4 милиони долари, годишно издвојува фудбалскиот клуб Солт Лејк. (МИА)

Шаќири: Навивачите на Црвена Звезда ми ја пцуеја мајка ми, а сето тоа го слушаше татко ми од трибините

Дарко Андоновски — Mon, 19 Nov 2018 21:16:10 +0000

Фудбалерот на Ливерпул, Џердан Шаќири не отпатува во Белград на натпреварот од Лигата на шампионите против Црвена Звезда, а тоа беше одлука на Јирген Клоп. Клоп пред натпреварот истакна дека Шаќири нема да патува за Белград, конкретна причина не наведе. Сепак, на сите им е јасно зошто фудбалерот не отпатува на гостувањето против Звезда. Ќе потсетиме, Шаќири на Мундијалот во Русија постигна гол против Србија и го прослави покажувајќи го албанскиот симбол. Сега, Шаќири тврди дека навивачите на Звезда на гостувањето во „Енфилд“ испраќале навреди кон него и тоа пред неговиот татко. „Слушнав како ја навредуваа мојата мајка додека бев покрај теренот. Мојот татко беше на стадионот и го слушна тоа. Од една страна ја разбирам одлуката да не одам во Белград иако сакав да помогнам на тимот“, изјави играчот за врска на „црвените“.

ФОТО: Србите „удрија“ по Шаќири: „Ти е страв од „Делии“, затоа не доаѓаш во Белград?“

Ристе Здравков — Mon, 05 Nov 2018 21:12:56 +0000

За да се избегнат несакани инциденти, Јирген Клоп, менаџерот на Ливерпул, се реши за Белград да не отпатува со швајцарскиот репрезентативец Џердан Шаќири, на дуелот против Црвена Звезда во рамки од 4. коло на Лигата на шампионите. Крилниот фудбалер на „црвените“ на последното Светско првенство во Русија упати низа провокации кон српските фанови, кои пак нема да ја имаат таа шанса да му се „одмаздат“. Ваквата информација како со раширени раце да ја чекаа српските медиуми, кои веднаш „удрија“ по швајцарскиот репрезентативец.

Откако целиот регион со месеци е бесен на Шаќири Ливерпул со шокантна одлука пред гостувањето во Белград

Дарко Андоновски — Mon, 05 Nov 2018 11:12:35 +0000

Ливерпул го изостави швајцарскиот репрезентативец, Џердан Шаќири од списокот на играчи кои ќе патуваат во Белград за средбата од Лигата на шампионите против Црвена Звезда. Од клубот ја донесоа оваа одлука поради можните напади врз Шаќири, кој на Светското првенство многу ги налути српските граѓани со прославата на голот против нивната репрезентација. – Одиме во фантастичниот Белград како фудбалски тим за да играме фудбал. Слушнавме каков дочек се очекува за Шаќири, и бидејќи немавме идеја дали ќе се случи тоа, за да останеме 100% сконцентрирани на фудбалот, и да не мислиме на ништо друго, не го повикавме за овој натпревар. Ние сме Ливерпул, голем клуб и нема да даваме дополнителни пораки по ова. Не сакаме да испраќаме политички пораки. Сакаме да се фокусираме на одличен фудбал ослободен од се друго. – Сакаме да бидеме почитувани, и за да ги избегнеме одвлекување на нашето внимание се одлучивме Шак да не биде вклучен во тимот, а тој го прифати и разбра тоа. Шак е наш играч, го сакаме, и тој ќе игра за нас уште многу пати, но не и во вторник, изјавил Јирген Клоп пред утрешното гостување кај Ц. Звезда.

ГО ЗАПАЛИ РЕГИОНОТ: Кога ќе видите што му порача Шаќири на српски јазик на поранешниот фудбалер ќе подзинете (ФОТО)

Дарко Андоновски — Fri, 02 Nov 2018 11:11:03 +0000

Скандалозниот фудбалер Џердан Шаќири кој стана популарен ова СП во Русија откако прослави гол покажувајќи албански орел, сега повторно е на мета во целиот регион. Имено тој по мечот Ливерпул- Црвена Ѕвезда не сакаше да одговори на поставено прашање на српски јазик, но сега јасно е дека тој добро го познава истиот. Доказ дека тој одлично говори и пишува јазикот е коментарот под фотографијата на неговиот поранешен колега, а сегашен играч на Стоук Ерик Питерс. -Полека братуууу, напиша фудбалерот. По ова масовно беше нападнат од коментари од целиот регион, погледнете:

Нова скандалозна изјава која го насмеа целиот Балкан: На Шаќири никако да му дојде памет, па им упати јасна порака на Србите

Дарко Андоновски — Mon, 22 Oct 2018 09:17:56 +0000

Фудбалерот на Ливерпул и репрезентативецот на Швајцарија Џердан Шаќири повторно ја тресе јавноста со неговата изјава поврзана за спортот и политиката. Имено оваа негова изјава предизвика бура од реакции особено во соседна Србија која на СП годинава во Русија беше провоцирана од фудбалерот на Швајцарија со потекло од Косово. Во интервју за „Ливерпул Ехо“ Швајцарецот вели дека од мечот со Црвена Ѕвезда очекува исвиркување, но е свестен дека не треба да се меша политиката и спорот. -Секако некои може и ќе ме свиркаат, но тоа ќе гледам како на секој друг меч. На крајот тоа е сепак само фудбалски меч, тоа е важен меч и ние сакаме да победиме. Спорот не е политика, вели Шаќири. Со оваа контрадикторна изјава ги збуни сите, а особено Србите кои му се лути поради потегот на мечот помеѓу Швајцарија и Србија за време на СП 2018.