Џереми Хант – Kurir.mk

НОВИОТ БРИТАНСКИ МИНИСТЕР ЗА ФИНАНСИИ: Мојот претходник направи грешки, следуваат зголемувања на даноците

Ристе Здравков — Sat, 15 Oct 2022 12:11:59 +0000

Новиот британски министер за финансии Џереми Хант денеска призна дека неговиот претходник направил грешки и сугерираше можно поништување на голем дел од плановите на премиерката Лиз Трас за даночни намалувања за да се врати стабилноста на земја по неколкунеделни економски и политички турбуленции. Британската премиерка Лиз Трас вчера го разреши Кваси Квартенг од функцијата министер за финансии и на негово место го назначи Хант. Трас се обидува да „воведе ред“ по тринеделните превирања на финансиските пазари предизвикани од најавата на владата дека значително ќе ги намали даноците. Хант предупреди дека претстојат „тешки одлуки“ и рече дека даноците може да се зголемат. – Не беше во ред да се намали највисоката даночна стапка за оние кои заработуваат најмногу во време кога сите ќе треба да се жртвуваме за да поминеме низ многу тежок период, изјави Хант за Би-Би-Си. Фискалниот извештај се очекува на 31 октомври.

Хант нов британски министер за финансии, Аргар втор човек во Министерството

Тале Кристо — Fri, 14 Oct 2022 14:41:24 +0000

За нов министер за финансии во Велика Британија е назначен Џереми Хант, ветеран на претходните конзервативни влади и поддржувач на противникот на британската премиерка Лиз Трас, за време на летниот натпревар за лидерство, јавија дел од светските медиуми. Хант е четврти министер за финансии на Велика Британија, откако земјата се најде во енергетска и инфлаторна криза. Квази Квартенг денеска беше сменет по 38 дена на функцијата. Како причина се наведуваат економските последици поради неговиот мини буџет. Хант претходно беше министер за надворешни работи, како и министер за здравство. Тој го поддржа Риши Сунак, откако пропадна неговиот обид да стане лидер на ториевците. Откако го отпушти Крис Филп заедно со неговиот надреден Кваси Квартенг, Трас го назначи Едвард Аргар за втор човек во Министерството за финансии. Таа се надева дека со нов тим ќе успее да ја спаси Велика Британија од пазарните превирања и ќе ја стабилизира нејзината премиерска функција, пишуваат дел од медиумите. Трас изјави дека „неверојатно жали“ поради отпуштањето на канцеларот на буџетот и призна оти пропадна нејзиниот фискален план.

Џонсон и Хант останаа во трката за британски премиер

Дарко Андоновски — Thu, 20 Jun 2019 18:11:20 +0000

Џереми Хант ќе се соочи со Борис Џонсон во трката за иден премиер на Велика Британија откако Мајкл Гов беше елиминиран во последното гласање на конзервативните пратеници. Гов го поддржаа 75 пратеници, а Хант имаше само два гласа повеќе. Џонсон, кој се смета за фаворит во трката, доби 160 гласови. За Џонсон и Хант сега по пошта ќе гласаат 160.000 члаенови на Конзервативната партија ширум земјата. Победникот ќе биде објавен во неделата која почнува на 22 јули и ќе ја замени Тереза Меј на функцијата лидер на партијата и премиер на Британија.

Меј го именуваше новиот шеф на дипломатијата

Даниел Василев — Mon, 09 Jul 2018 20:36:39 +0000

Британската премиерка Тереза Меј го именуваше Џереми Хант за министер за надворешни работи. Хант доаѓа на местото на Борис Џонсон кој денеска си поднесе оставка на функцијата во знак на протест поради владините планови за блиски трговски односи со Европската унија. -Кралицата со задоволство го одобри именувањето на пратеникот Џереми Хант за државен секретар за надворешни и работи на Комонвелтот, соопшти кабинетот на премиерката Меј, пренесува Ројтерс. Претходно денеска министерот за надворешни работи Борис Џонсон и министерот за Брегзит, Дејвид Дејвис си поднесоа оставки во знак на протест поради плановите на премиерката за излез од ЕУ, кои таа ги усогласуваше со кабинетот во минатиот петок.