Џереми Кларксон – Kurir.mk

ТВ-режисер им се извини на принцот Хари и Меган

Ивона Петрова — Tue, 17 Jan 2023 07:36:43 +0000

Британскиот телевизиски водител Џереми Кларксон денеска изјави дека испратил извинување по електронска пошта до принцот Хари и неговата сопруга Меган Маркл за напис што го објавил во списанието „Сан“, во којшто вели оти „се надева дека војвотката од Сасекс еден ден ќе биде принудена да парадира гола“ по улица. Кларксон, инаку водител на емисијата за автомобилизам „Топ гир“ (Top Gear), во декемвриското издание на таблоидот објави дека ја мрази Меган. Написот беше осуден како недоличен од политичарите, јавноста, па дури и од ќерката на водителот.

Познатиот водител распали по Меган Маркл: За пет години ќе позира на јахта за Плејбој

Ивана Ефремовски — Wed, 24 Mar 2021 14:26:12 +0000

Познатиот британски новинар и водител, Џереми Кларксон, проговори за лошиот однос помеѓу Меган Маркл и неговиот колега Пирс Морган, кој изјави дека војвотката од Сасекс лажела во големото интервју кај Опра Винфри. Во колумна за „The Sun“ го коментирал овој случај и напишал дека поранешната актерка е омилена помеѓу „младите и глупавите кои веруваат дека нејзиниот бренд на глупаво изигрување на жртва еден ден ќе доведе до пропаст на монархијата“. Кларксон заклучува дека и за тоа нема шанси бидејќи кралското семејство доживеало и полоши афери. „Верувајте ми Меган Маркл е готова и за пет години ќе позира пред Таџ Махал или на јахта за Плејбој на Медитеранот“. Потсетуваме, по интервјуто на Меган и Хари кај Опра Винфри, Морган во емисијата „Добро утро Британија“ истакна дека верува дека Меган лажела дека размислувала за самоубиство. Откако ководителот го критикуваше поради овие изјави, Морген бесен го напушти студиото, а потоа си даде отказ. Кларксон и Морган не отсекогаш се во добри односи, а работите ескалираа кога Кларксон под дејство на алкохол го нападна Морган на доделувањето Бритиш Награди во 2004 година.

Познатиот водител ја нападна Грета: „Луда е и опасна, нека се врати во училиште“

Ивана Ефремовски — Thu, 05 Dec 2019 15:53:01 +0000

Познатиот водител, без влакна на јазикот, Џереми Кларксон ѝ порача на Грета Тунберг да „замолчи и да се врати во училиште“. Тој на 16-годишната девојка, која предупредува на климатските промени, ја нарече „луда и опасна“ за време на промоцијата на новата сезона на шоуто „Гранд Тур“. Педесет и деветгодишниот водител доби отказ на Би-би-си и беше исфрлен од „Топ Геар“, по караницата со продуцентот на шоуто. „Таа е луда и опасна, нејзиниот идиотизам доведува голем број деца до бесони ноќи. Мислам дека треба да замолчи и да се врати во училиште“ рекол Кларксон. Неколку дена претходно во интервју за „Индепендент“, Грета ја нарече „глупава идиотка“. Додаде дека нејзиниот говор во ОН, во кој истакна дека ѝ ги украле соништата и детството, не нуди баш никакви решенија. „Мислам дека е чудна Швеѓанка со тежок карактер. Ништо не се постигнува со пловидба преку океан на јахта, која троши гориво и лежи на моторот од бродот“ рекол тој. Додал дека е свесен за климатските промени веќе некое време, а сега, како што ја нарекува, таа чудна Швеѓанка, трчала наоколу и викала дека сите ќе умреме.