џером боатенг – Kurir.mk

Повредата на Де Лихт го натера Тухел да ангажира проверен фудбалер ?

Бошко Тасиќ — Fri, 03 Nov 2023 05:00:03 +0000

Продолжува драмата околу враќањето на ветеранот Жером Боатенг во редовите на Баерн Минхен. Иако првично беше објавено дека искусниот дефанзивец нема да добие договор од баварскиот гигант, сепак, тренерот Тухел размислува за оваа опција, особено по повредата што ја заработи стоперот Матијс Де Лихт. Боатенг остана без клуб откако му истече договорот со Лион и веќе два месеца тренира со вториот тим на Баерн, но сега конечно може и да се врати во клубот каде мина успешни и трофејни десет години. Германскиот шампион доживеа сензационална елиминација од ДФБ

Баерн Минхен се откажа од Боатенг

Бошко Тасиќ — Sat, 07 Oct 2023 04:57:04 +0000

Иако враќањето на закоравениот стопер Џером Боатенг во Баерн беше најавено како неизбежно, од тоа нема ништо, бидејќи челниците на германскиот шампион се предомислија. Боатенг е надвор од терените откако на крајот на јуни му истече договорот со Лион. Во Франција е од 2021 година, а пред тоа мина цела деценија во дресот на Баерн. Со Баварците два пати ја освои Лигата на шампионите, девет пати Бундеслигата и два пати Светското клупско првенство, а со репрезентацијата на Германија го освои и Светското првенство во Бразил во 2014 година. Тренерот Томас Тухел има на располагање тројца врвни стопери Матијас де Лихт, Ким Мин-Јае и Дајо Упамекан. На почетокот на сезоната сите тројца беа надвор од терените поради повреди, поради што беше контактиран Боатенг. Сега сите тројца се во функција, а Ким и Упемекано се наметнаа како стартери. Де Лихт чека шанса од клупата, а Боатенг се откажа. На одлуката да се откажат од него влијаеше и тоа што против Боатенг се води постапка за напад на неговата поранешна партнерка.

Баерн Минхен го враќа во легендарниот дефанзивец

Бошко Тасиќ — Mon, 02 Oct 2023 04:04:47 +0000

Баерн Минхен има проблеми со повредени играчи и здравствениот билтен се влошува со секое изминато коло. Тренерот Томас Тухел се обидува да најде алтернативни решенија, а последните информации од Германија се навистина изненадувачки. Дел од медиумите ја пренесуваат веста дека можно е враќање во тимот на легендарниот дефанзивец, Жером Боатенг. 35-годишникот стана слободен агент откако му истече соработката со Лион, а тој би можел веднаш да се стави на располагање на тимот. Тој за Баерн настапи на 363 натпревари и освои вкупно 22 трофеи, вклучително и два во Лигата на шампионите.

Боатенг по една деценија се раздели со Баерн и потпиша за Лион

Дарко Андоновски — Thu, 02 Sep 2021 07:46:01 +0000

Германскиот репрезентативец Џером Боатенг по една деценија мината во дресот на Баерн Минхен замина од бундеслигашот и потпиша двегодишен договор со францускиот прволигаш Лион. Боатенг премина во Лион без обесштетување, откако летово му истече договорот со најтрофејниот германски клуб. Роден пред 32 години во Берлин, Боатенг во својата кариера само еднаш, и тоа накратко, ги напушти германските граници и играше за Манчестер сити (2010/11). Боатенг со Баерн освои девет шампионски титули во Бундеслигата и два трофеи во Лигата на шампиони.

Боатенг на лето може да го напушти Баерн

Дарко Андоновски — Tue, 06 Apr 2021 11:40:19 +0000

Баерн може да се раздели со дефанзивецот Џером Боатенг претстојното лето. Според „Кикер“ управата на германскиот клуб не сака да го продолжи договорот со 32-годишниот фудбалер. На крајот на сезоната 2020/21, Боатенг ќе стане слободен агент. Фудбалерот е во Баерн Минхен од 2011 година. За тоа време, тој одигра 354 натпревари, постигна 10 гола и направи 25 асистенции. Боатенг има 24 освоени трофеи.

Девојката на фудбалерот на Баерн пронајдена мртва- со него се разделиле пред една недела, манекенката имаше само 25 години (ФОТО)

Дарко Андоновски — Wed, 10 Feb 2021 11:53:02 +0000

Манекенката Касија Ленхард, поранешна девојка на фудбалерот на Баерн, Џером Боатенг, е пронајдена мртва во својот дом, објавија попладнево германските медиуми. Берлинската полиција го пронајде телото на 25-годишна манекенка на 9 февруари. Во исто време, властите не ја сметаат смртта на девојката за насилна.

View this post on Instagram

A post shared by KASIA (@kasia_lenhardt)

Боатенг минатата недела објави дека раскинува со Ленхард по 15 месеци врска.

View this post on Instagram

A post shared by KASIA (@kasia_lenhardt)

Германски „Билд“ исто така објави дека Ленхард имала несреќа во автомобилот на Боатенг во јануари, а во нејзината крв е тогаш е пронајдено 0,6 промили алкохол.

View this post on Instagram

A post shared by Jérôme Boateng (@jeromeboateng)

Боатенг и Коман ќе можат да играат против Барселона

Магдалена Андонова — Tue, 11 Aug 2020 12:07:54 +0000

Дефанзивецот Џером Боатенг и играчот од средниот ред Кингсли Коман ќе закрепнат навреме за натпреварот Баерн – Барселона, пренесува „Марка“. Според изворот, Боатенг, кој се повреди на вториот натпревар од осминафиналето на Лигата на шампионите против Челзи (3:1), сега тренира според индивидуалната програма, но ќе има време да се врати во тимот за мечот со Каталонците. Коман ја пропушти средбата со Челзи поради проблеми со мускулите, но во понеделникот веќе тренираше во општата група. За дефанзивецот Бенјамин Павар се вели дека ќе остане во Минхен закрепнувајќи од повредата на глуждот, но ќе може да се приклучи на тимот доколку Баерн ја совлада Барселона и се пласира во полуфиналето. Натпреварот Барселона – Баерн е закажан за 14 август во Лисабон со почеток во 21 часот. (МИА)

Скапиот автомобил на Боатенг заврши над банкина (ФОТО)

Ивана Ефремовски — Wed, 01 Apr 2020 08:08:43 +0000

Германските медиуми пишуваат дека Џером Боатенг учествувал во собраќајна несреќа во близина на Минхен. Ѕвездата на Баерн вчера тргнал по својот син, но неговиот скап автомобил завршил во заштитната ограда покрај патот. Според тамошните медиуми нема повредени, матријалната штета на неговиот автомобил се проценува на 25.000 евра. Причината за собраќајната несреќа е неприлагодената брзина.

#Unfall auf der A9 bei Selbitz (Lkr. Hof): #FCBayern - Profi Jérôme #Boateng schrottet seinen #Sportwagen | https://t.co/Ds4MRBSEqY https://t.co/gEcarzWsoI #oberfranken #sommerreifen pic.twitter.com/h1dktZXFVT
— TV Oberfranken (@tv_oberfranken) March 31, 2020

ПСЖ се договори за Боатенг

Ивона Петрова — Wed, 01 Aug 2018 09:01:04 +0000

Францускиот шампион Париз Сен Жермен ги договорил условите за привлекување на дефанзивецот Џером Боатенг од Баерн Минхен, според извештајот на „Паризиен“. Останува само двата клуба да го специфицираат износот на трансферот. Според медиумите, ПСЖ е подготвена да плати 35 милиони евра за германскиот репрезентативец. Минатата сезона, Боатенг одигра 31 натпревар со германскиот шампионски тим, кој постигна два гола.

ПСЖ и Јунајтед со најдобри шанси за потписот на Боатенг

Ивона Петрова — Tue, 24 Jul 2018 07:32:49 +0000

Париз Сен Жермен и Манчестер Јунајтед имаат најголеми шанси да го привлечат централниот дефанзивец на Баерн Минхен, Џером Боатенг, објави „Кикер“. Дваесет и девет-годишниот германски репрезентативец е трансфер цел уште на два клуба - Манчестер Сити и Јувентус. Неговата желба, според друго популарно списание во Германија, „Спорт Билд“, е да игра за еден од двата шпански гиганти - Барселона или Реал Мадрид. Меѓутоа, во моментот, каталонците и „белите“ ниту еднаш не покажале интерес за Џером, кој одигра многу слабо Светско првенство. Раководството на Баварците е подготвено да се раздели со својот дефанзивец во износ од околу 50-60 милиони евра. Минатата сезона, Боатенг одигра 31 натпревар со германскиот шампион во кој постигна два гола. Дефанзивецот премина од Манчестер Сити во гигантот од Минхен во 2011 година. Тој е поранешен фудбалер и на Херта Берлин и Хамбургер.