џес бејли – Kurir.mk

Бејли си замина од Македонија (ФОТО)

Предраг Кукиќ — Fri, 01 Mar 2019 15:09:06 +0000

Американскиот амабасадор во Скопје, Џес Бејли, денеска си замина од Македонија и дома ќе ги минува пензионерските денови по завршувањето на мандатот во Македонија. Амбасадата на САД утрово го испрати дипломатот. „Ова утро, амбасадорот Бејли официјално ја заврши својата задача во Северна Македонија. Од сите во Амбасадата му се заблагодаруваме за неговата услуга и лидерство и му посакуваме успех во своите идни напори“, напиша амбасадата на САД на својот профил на социјалните мрежи. Се збогува и самиот Бејли и со Твитер налог се заблагодари пишувајќи: „Благодарам Северна Македонија за вашето гостопримство, пријателство и љубезност. До следно видување – се гледаме!“.

Џес Бејли заминува, нов амбасадор на САД во земјава е Кејт Мери Бирнс

Ивана Ефремовски — Fri, 01 Mar 2019 12:01:58 +0000

Џес Бејли беше потврден како амбасадор на САД во Македонија, од страна на Сенатот, во декември 2014. Во земјава тој пристигна од Анкара каде што беше вршител на должноста амбасадор. Бејли во јануари годинава објави дека го напушта Скопје на почетокот од март, а потоа и ќе се пензионира од работата во Стејт департментот по 34 години работен стаж. За иден амбасадор во земјава, која ќе го замени Бејли, претседателот на САД Доналд Трамп ја номинираше Кејт Мери Бирнс. Таа е дипломат од кариера, а во моментов е заменик-шеф на мисија во амбасадата на САД во Грција. Претходно, таа била заменик шеф на мисијата и заменик постојан претставник во мисијата на САД во седиштето на ОБСЕ во Виена. Во својата кариера таа работела во американската амбасада во Мадрид, Шпанија, потоа била на дипломатски задачи во Авганистан и во седиштето на НАТО во Брисел. Бирнс зборува шпански, унгарски и турски јазик.

Бејли му кажа збогум на Заев

Предраг Кукиќ — Mon, 25 Feb 2019 21:01:41 +0000

Нашата земја и САД на најдобар можен начин го потврдија стратешкото партнерство, порача премиерот Зоран Заев на вечерашната проштална средба со амбасадорот на Соединетите Американски Држави Џес Бејли. Премиерот Заев, информираат од владината прес-служба, на средбата ја изрази неговата лична, благодарноста на Владата и на граѓаните на нашата земја за активниот придонес на амбасадорот Бејли за време на неговиот мандат, во еден исклучително значаен период кога поддршката на САД, како стратешки партнер, беше од огромна важност во процесите за нашето членство во ЕУ и НАТО. Амбасадорот Бејли, од своја страна, истакна дека му е особено драго што за време на неговиот мандат, со решавање на спорот со Грција и со Договорот од Преспа, државата направи историски исчекор за кој беше неопходно покажаното лидерство на челните луѓе на владите на двете земји, што САД и претседателот Трамп, го оценија како значаен придонес за постабилна и попросперитетна иднина на двете земји и за целиот регион. На оваа проштална средба, премиерот на амбасадорот Бејли му подари фотографија со посвета од една од нивните бројни меѓусебни средби во знак на сеќавање за извонредната соработка.

Бејли: Длабоко сме во тага поради трагичната загуба на животи

Предраг Кукиќ — Thu, 14 Feb 2019 14:44:41 +0000

Амбасадорот Џес Бејли на Твитер објави фотографија од знамето пред Амбасадата на САД кое е на половина копје поради загинатите во вчерашната автобуска несреќа. Длабоко сме во тага поради трагичната загуба на животи на автопатот Скопје-Тетово. Од името на Американската амбасада, упатуваме искрено сочувство до семејствата на загинатите и до жителите на Гостивар. Нашите мисли и молитви се со повредените за нивно брзо опоравување, напиша амбасадорот Бејли на Твитер.

Deeply saddened by the tragic loss of lives on the Skopje-Tetovo highway. On behalf of @usembassymkd, our heartfelt condolences to the families of the victims & the people of #Gostivar. Our thoughts and prayers for a full recovery are with the injured. pic.twitter.com/yxfLFyfAOq
— Amb. Jess Baily (@AmbBaily) February 14, 2019

Амбасадорот оди во пензија: Бејли во март го напушта Скопје

Ивана Ефремовски — Thu, 31 Jan 2019 20:06:13 +0000

Американскиот амбасадор Џес Бејли најави дека ќе го напушти Скопје во март и дека наскоро потоа ќе се пензионира откако 34 години бил дел од Стејт департментот. -Ми беше најголема чест да работам со овој фантастичен тим, секој ден, во текот на изминатите четири години. Кејпи и јас со нетрпение очекуваме да им се заблагодариме на пријателите и колегите низ целата земја за нивната напорна работа на заедничките цели, мудрите совети и дарежливото гостопримство. Односите меѓу САД и Македонија се посилни од било кога. Ништо нема да го симболизира тоа подобро од тоа да ја видам оваа земја да го добие нејзиното седиште во НАТО, напиша Бејли на „Твитер“.

Earlier today, I announced to @usembassymkd staff that I will be departing Skopje in early March and shortly retiring from the State Department after 34 years. It’s been my highest honor to work with this fantastic team, each and every day, over the past four years. pic.twitter.com/85vSr7aAUM
— Amb. Jess Baily (@AmbBaily) January 31, 2019

Претседателот на САД, Доналд Трамп ја предложи Кејт Мери Брнсза нов амбасадор на САД во Македонија која треба да дојде на местото на сегашниот амбасадор Џес Бејли. Брнс е амбасадорка од кариера и доаѓа од Атина каде што ја вршела функцијата заменик амбасадор на САД во Грција од септември 2017 година.

Кривичниот суд го објави писмото на амбасадорот Бејли

Ристе Здравков — Fri, 28 Dec 2018 11:59:35 +0000

Кривичниот суд го објави писмото на амбасадорот на САД Џес Бејли во кое тој изразува загриженост поради гласините дека Амбасадата на САД влијаела врз македонски судии при донесување на нивните одлуки, пишува порталот nezavisen.mk „Сметајќи на Вашата улога како високо ценет партнер во напорите на Амбасадата на САД за јакнење на владеењето на правото и судската независност во Македонија, Ви се обраќам за помош по прашање што ме загрижува, а се однесува на постојани лажни гласини со наводи дека амбасадата на САД има за цел да влијае на судиите.Во изминативе седмици на моите колеги и мене во повеќе наврати ни беше кажано дека судии наводно, припишувале одлуки донесени во тековни судски предмети, истраги и притвори по „инструкции од Америкнаците”. Ништо не би можело да биде подалеку од вистината. Соединетите Држави продолжуваат и се залагаат за независност на македонското судство. Ние веруваме дека судиите треба да носат одлуки врз основа на важечки закони и дозволени докази, а не врз основа на било какви политички проценки или интервенции од некоја политичка или владина личност. Тоа е наша конзистентна порака, јавно и приватно. Како што знаете, нашите програми за обука и менторство беа дизајнирани за да ги унапредат професионалните вештини и отпорност на македонските судии со цел тие да можат да издржат надворешен притисок и да носат независни, издржани одлуки. Било каква сугестија дека САД сакаат да управуваат со некоја судска разрешница е лажна. Длабоко сум вознемирен од ваквите постојани лажни гласини, со оглед на нашата посветеност на независното судство. Со цел да помогнете да се разобличат ваквите лажни наводи, Ве молам да ја споделите содржината на ова писмо со Вашите колеги судии, со цел тие да се уверат дека нашата позиција е и ќе остане иста, а тоа е дека тие се независни во применувањето на законот и дека ништо друго освен фактите и законот не треба да влијае на нивните одлуки”, стои во писмото од амбасадорот Бејли.

Џолев: Писмото на Бејли е најмногу за соработка со амбасада, за владеење на правото, утре ќе го објавам

Предраг Кукиќ — Thu, 27 Dec 2018 21:16:17 +0000

Точно е дека амбасадорот Џес Бејли упати писмо и беше побарано да ја споделам содржината со колегите и тоа го направив на колегиум, но ете излезе информацијата и во јавност, рече Иван Џолев прв човек на Кривичниот суд гостувајќи на Телевизија 24. -Амбасадорот во писмото ја истакнува соработката и заложбите на амбасадата на САД за незвисно судство, за владење на правото и најголем дел се однесува на тоа. Точно е дека има само една реченица во која изразува загриженост бидејќи имало луѓе не од судот, луѓе кои шпекулираат дека одредени судии своите одлуки ги носеле врз влијание еве конкретно од САД амбасада. И тоа треба да се провери ако навистина некој судија учествувал во такво нешто, ако и тој пласирал такви информации. Треба да истражува и судскиот совет, но тоа е само една реченица, рече Џолев. Тој потенцирше дека не стои дека судиите носат одлуки, туку дека тоа е некое лице кое тврди дека некои судии постапуваат врз основа на влијание. -Комуницирав со амбасадата и побарав писмото да се објави и тоа ќе го направиме утре, ќе биде во целост објавено на интернет страната на Кривичен суд, рече Џолев.

Бејли: Каква било сугестија дека САД сакаат да управуваат со некоја судска разрешница е лажна

Предраг Кукиќ — Thu, 27 Dec 2018 20:00:27 +0000

Каква било сугестија дека САД сакаат да управуваат со некоја судска разрешница е лажна, вели меѓудругото американскиот амбасадор Џес Бејли во писмото, кое пред неколку дена го испратил до претседателот Основниот суд Скопје 1, Иван Џолев. Во писмото, кое е со датум од 18 декември Бејли бара од судии да не ја посочуваат Амбасадата на САД за одговорна за одлуките шти тие ги носат за притворите и пресудите. -Во изминативе седмици, на моите колеги и мене во повеќе наврати ни беше кажано дека судии, наводно, припишувале одлуки донесени во тековни судски предмети, истраги и притвори на „инструкции од Американците“. Ништо не би можело да биде подалеку од вистината. Соединетите Држави поддржуваат и се залагаат за независност на македонското судство. Ние веруваме дека судиите треба да носат одлуки врз основа на важечките закони и дозволени докази, а не врз основа на какви било политички проценки или интервенциии од некоја политичка или владина личност. Тоа е наша конзистентна порака, јавно и приватно, вели тој во писмото. Бејли нагласува дека програмите на САД за обука и менторство биле дизајнирани за да ги унапредат професионалните вештини и отпорност на македонските судии со цел тие да можат да издржат надворешен притисок и да носат независни, издржани одлуки. Нагласува дека каква било сугестија дека САД сакаат да управуваат со некоја судска разрешница е лажна. -Длабоко сум вознемирен од ваквите постојани лажни гласини, со оглед на нашата посветеност за независно судство. Со цел да помогнете да се разобличат ваквите лажни наводи, Ве молам да ја споделите содржината на ова писмо со Вашите колеги судии со цел тие да се уверат дека нашата позиција е и ќе остане иста, а тоа е дека тие се независни во применувањето на законот и дека ништо друго освен фактите и законот не треба да влијае на нивните одлуки, се наведува во писмото на Бејли до Џолев.

Заев ќе бара да се расчисти тврдењето на амбасадорот Бејли

Ивана Ефремовски — Thu, 27 Dec 2018 12:33:26 +0000

Министерката за правда Рената Дескоска ќе добие инструкции да го отвори прашањето во Судскиот совет што го покрена американскиот амбасадор Џес Бејли во писмото пратено до претседателите на судовите со кое бара од нив да не ја посочуваат Амбасадата за одговорна за одлуките што ги носат за притворите и пресудите, порача денеска премиерот Зоран Заев од собраниската говорница.

– Судскиот совет сигурно ќе донесе одлука. Ако имало таква работа, да се посочи и да се понесе одговорност. Ако немало, да биде на чисто Америка преку својот прв репрезент – американскиот пертседател, бидејќи кога зборува амбасадорот, зборува земјата. Тоа е доволен сигнал да преземеме одредени дејствија и анализи за да видиме што е во суштина причината да дојде до такво писмо, рече Заев, одговарајќи на пратеничко прашање. Истакна дека веќе му наложил на неговиот советник за надворешна политика Дане Талески да контактира со заменик американскиот амбасадор. – За писмото од амбасадорот Бејли разбрав од медиумите и сум загрижен од позитивен аспект. Му наложив на советникот за надворешна политика Дане Талески да се сретне со заменик амбасадорот за да добиеме дополнителни појаснувања и уверувам дека до утре ќе ги добиеме. Амбасадорот Бејли не е во земјава и веројатно заменик амбасадорот може да објасни, но ако не, тогаш кога амбасадорот ќе се врати околу нашите божикни празници, директно ќе разговарам со него, рече Заев. Самиот чин на испраќање на писмото, смета Заев, треба да не загрижи сите. – Не ги знам деталите и каде е сомневањето што амбасадорот Бејли го нотира во писмото. Повеќе ја сфатив пораката да се испрати до правосудството и да не се вадат на Амбасадата при носење на одлуките. Амбасадорот го има тоа неколку пати кај мене номинирано, кај шефот на опозицијата и кај други политички претставници. Јас сум еден од сведоците дека и во времето на Пржинскиот договор се зборуваше дека Американсата амбасада тоа го наметнала, ЕУ го наметнала, а сите знаеме дека ние ги носевме одлуките, а од нив баравме да бидат медијатори, рече Заев. (МИА)

Не се вадете на мене кога носите пресуди и одлуки за притвор, им пишал Бејли на Судиите

Дарко Андоновски — Wed, 26 Dec 2018 11:09:29 +0000

Американскиот амбасадор Џес Бејли му пишал на претседателот на Основниот суд Скопје 1 Иван Џолев дека е разочаран од секојдневните информации што стигнувале до него дека судии носеле пресуди и одлуки за притвор под диктат на амбасадата на САД, дознава САКАМДАКАЖАМ.МК од извори од судот. Џолев им ја пренел содржината на писмото на судиите, во кое Бејли предупредил дека тоа е тешка злоупотреба и лажење од страна на судиите. Писмото е испратено и до министерката за правда Рената Дескоска, претседателката на Апелациониот суд Лидија Димчевска, претседателот на Судскиот совет Зоран Караџовски и до претседателот на Врховниот суд Јован Вангеловски. Владата на САД има инвестирано речиси 30 милиони долари од 2002 година за подобрување на судскиот сектор во Македонија.