Џеси Лингард – Kurir.mk

Поранешен репрезентативец на Англија ќе игра во Саудиска Арабија

Бошко Тасиќ — Sun, 22 Oct 2023 06:56:55 +0000

Екипата на Ал Етифак, предводена од клупата од легендарниот Стивен Џерард, во јануари би можела да добие уште едно големо засилување. Поранешниот репрезентативец на Англија, Џеси Лингард би требало да стане нов играч на оваа екипа. Во моментов Англичанецот нема клуб, а Џерард со поддршка од Хендерсон и Вајналдум прави се за да го донесе во клубот. Како што пренесуваат странските медиуми, конечната одлука треба да биде донесена во наредните денови.Ако се биде како што се надеваат сите, Лингард би потпишал преддоговор.

Лингард 11. засилување на Нотингем Форест

Дарко Андоновски — Fri, 22 Jul 2022 08:07:04 +0000

Повратникот во Премиер лигата, Нотингем Форест, го ангажираше напаѓачот Џеси Лингард (29), кој дојде без обесштетување, откако ова лето му истече договорот со Манчестер јунајтед. Лингард беше поврзан со Јунајтед дури 22 години, но минатата сезона запиша само 22 настапи и два гола во сите натпреварувања за „Црвените ѓаволи“, додека во сезоната 2020/21 беше позајмен на Вест Хем. Деталите од договорот не се објавени, а англиските медиуми пренесуваат дека Лингард потпишал едногодишен договор со Нотингем Форест. Лингард е 11. засилување во редовите на Форест, кој се врати во Премиер лигата по пауза од 23 години.

Лингард прави шокантен трансфер

Бошко Тасиќ — Sun, 17 Jul 2022 07:21:44 +0000

Поранешниот играч на Манчестер Јунајтед, Џеси Лингард е слободен агент и се уште нема донесено одлука каде ќе игра следната сезона. Медиумите на Островот тврдат дека 29-годишниот Англичанец ќе донесе одлука најдоцна до 22 јули.Лингард е спремен да одбие понуди од клубови од Премиер лигата и американската МЛС и да се пресели во неименуван клуб во Саудиска Арабија, кој е подготвен да му плаќа 10 милиони фунти годишно.

Рома заинтересирана за Лингард

Тале Кристо — Sun, 10 Apr 2022 14:16:31 +0000

Италијанскиот прволигаш Рома е заинтересирана за трансфер на фудбалерот на Манчестер Јунјатед, Џеси Лингард, јавија денеска англиските медиуми. Клубот од Рим, според медиумите, ја предводи трката за ангажман на 29-гоишниот игра за врска, а за услугите на англискиот репрезентативец се заинтересирани уште две италијански екипи, Јувентус и Милан. Интерес за Лингард изразија и премиерлигашите Вест Хем и Њукасл. Лингард го носи дресот на Јунјатед од 2011 година, но неколку пати досега беше позајмуван, во Лестер, Бирмингем, Брајтон, Дерби Каунти и Вест Хем.

Џеси Лингард пред неочекуван трансфер во гигант од Ла Лига

Ристе Здравков — Thu, 14 Oct 2021 19:17:38 +0000

Како што одминува времето станува се појасно дека Џеси Лингард ќе си замине од Манчестер Јунајтед уште во јануарскиот преоден рок со намера да ги задржи шансите за настап на Светското првенство со репрезентацијата на Англија. Фудбалерот остана во Манчестер Јунајтед со ветување дека ќе добие поголема минутажа од Оле Гунар Солскјер, посебно по одличните настапи за Вест Хем минатата сезона. Од неговиот актуелен клуб допрва ќе му понудат нов договор откако првата понуда беше одбиена од страна на Лингард, меѓутоа се верува дека фудбалерот ќе го одбие и тој договор. Според Роб Досон, од „ЕСПН“ Лингард би можел да реализира неочекуван трансфер во јануарскиот преоден рок. Интерес за него има од Барселона, која е во потрага по играч од офанзивата кој ќе ги пополнува празнините настанати од заминувањата на дел од фудбалерите, како и зачестените повреди на другите играчи од офанзивата. Освен Барселона, според истиот новинар интерес за Џеси Лингард има и од тимот на Милан.

Солскјер во одбрана на Лингард: Ниту еден фудбалер не сака да греши, но тоа е дел од играта

Тале Кристо — Wed, 15 Sep 2021 07:32:12 +0000

Тренерот на Манчестер јунајтед, Оле Гунар Солскјер, застана во одбрана на играчот од средниот ред на „Црвените ѓаволи“, Џеси Лингард, чија грешка резултираше со пораз од Јанг Бојс со 1:2 во натпреварот од 1. коло од групната Лига на шампиони. – Ниту еден фудбалер не сака да греши, но тоа е дел од играта. Ќе учиме од ова, Џеси ќе учи од ова. Ќе се снајде и ќе биде подготвен до недела, кога играме со Вест Хем во Премиер лигата, го цитира Би-би-си, Солскјер. Во петтата минута од судиското надополнување на натпреварот против Јанг Бојс одигран вчеравечер, при резултат 1:1, Лингард имаше неуспешно додавање пред својот гол, а неговата грешка ја искористи напаѓачот на швајцарскиот тим Џордан Сибачо, кој го совлада голманот на Јунајтед, Давид де Хеа.

Јунајтед чекаат понуди за Лингард

Дарко Андоновски — Fri, 07 Aug 2020 13:53:05 +0000

Манчестер јунајтед реши да го продаде играчот од средниот ред Џеси Лигард и е подготвен да ги слуша понудите за него ова лето, пренесуваат медиумите во Англија. Иако успеа да се запише двапати во последните два натпревари за тимот, 27-годишниот играч го загуби почетното место по пристигнувањето на Бруно Фернандеѓ на почетокот на годината. Според „Гардијан“, менаџерот на „црвените ѓаволи“ Оле Гунар Солскјер е фан на квалитетите на Лингард, но решил да го продаде и со тоа да собере средства за привлекување на sвездата на Борусија Дортмунд, Џејден Санчо. Се верува дека ако Санчо пристигне на „Олд Трафорд“, тоа дополнително ќе ги ограничи настапите на Лингард, што е дополнителен аргумент за разделба со него.

Лингард жртва на расистички навреди по натпреварот со Дeрби

Катерина Бојаџиева — Fri, 06 Mar 2020 14:07:29 +0000

Манчестер Јунајтед отвори истрага за расистички скандирања против фудбалерот на „црвените ѓаволи“, Џеси Лингард. По победата на Јунајтед со 3:0 над Дерби Каунти, еден навивач започна да го навредува Лингард додека тој се качуваш во тимскиот автобус. Според очевидци, поддржувачот, исто така, го навредил играчот на расистичка основа. Видеото, кое е снимено, се слушаат и критики кон „бројот 14“ на „црвените ѓаволи“ за неговиот недостаток на голови и асистенции, а на самиот крај на видеото, навредите беа упатени до фудбалерот. Според „Скај спортс“, Манчестер Јунајтед не трошеле време и започнале итна истрага за случајот, а исто така ќе сакаат да разговараат со претставниците на Дерби, за да дознаат повеќе за нив. Полицијата во Дерби, исто така, е вклучена во истрагата. Ова не е првпат тоа да се случи со играчите на Јунајтед. Во август, Пол Погба беше жртва на расистички скандирања, откако испушти пенал против Вуверхемптон, а во дербито на Манчестер Сити, Фред и Лингард беа повторно „мета“. Во вториот случај, менаџерот на тимот, Оле Гунар Солскјер рече: „Го видов видеото, Фред и Џеси беа навредувани и тој треба да се срами од самиот себе. Неприфатливо е и се надевам дека тој никогаш повеќе нема да може да гледа фудбал“.

ФОТО: Нови проблеми за Солскјер, Лингард се повреди

Ивона Петрова — Fri, 04 Oct 2019 07:57:10 +0000

Проблемите со повредените играчи на Манчестер Јунајтед продолжуваат да се натрупуваат. Друг играч кој влегува во амбулантата на тимот е Џеси Лингард. Дваесет и шест-годишниот Англичанец влезе во игра како замена на мечот со АЗ Алкмар (0-0) во Лигата на Европа, но набргу потоа сигнализираше дека е повреден и не може да продолжи, со што им се наметна на „црвените ѓаволи“ да го доиграат мечот со 10 лица на теренот. Ова е уште еден проблем за менаџерот Оле Гунар Солскјер, кој не може да смета на Антони Марсијал и Пол Погба. „Црвените ѓаволи“ се соочуваат со сериозни проблеми во првите редови уште од почетокот на сезоната. Друг пример за ова беше средбата со АЗ Алкмар, во која тимот не успеа да упати ниту еден прецизен удар.

Марсијал и Лингард поради повреда ќе паузираа дваесетина дена`

Дарко Андоновски — Fri, 15 Feb 2019 16:29:22 +0000

Фудбалерите на Манчестер јунајтед, Џеси Лингард и Ентони Марсијал следните 2-3 недели поради повреди ќе бидат надвор од теренот. Двајцата повредиле ги добиле на првиот дуел од осминафиналната пресметка од Лигата на шампионите со Пари Сен-Жермен. -Мислам дека ќе пропуштат две или три недели, изјави тренерот на Манчестер Јунајтед, Оле Гунар Солскјер. Според тоа, Лингард и Марсијал нема да учествуваат во натпреварот од осминафиналето на ФА купот против Челзи (18 февруари) и во натпреварот од 27. коло на Премиер лигата против Ливерпул (24 февруари). Оваа сезона, Марсијал настапи на 28 натпревари за Манчестер јунајтед, постигна 11 гола и оствари две асистенции. Лингард играше на 27 средби, постигна пет гола и забележа две додавања.