џесика алба – Kurir.mk

Една од најубавите жени по 3 породувања, на плажа го покажа телото без Фотошоп – луѓето се воодушевени од нејзиниот изглед

Ристе Здравков — Sun, 09 Apr 2023 13:20:47 +0000

Џесика Алба (41) неодамна покажала зошто важи за една од најубавите природни актерки на светот. Актерката моментално ужива со сопругот, филмскиот продуцент Кеш Ворен (44) и нивните три деца на Хаваи. Додека се дружела со ќерките Онор (14) и Хејвен (11), но и со синот Хејсон (5), секој нејзин мускул доаѓал до израз и блескала во зеленото бикини од брендот „Hunza G“ чија цена изнесува околу 155 долари. Мајката на три деца не ги извадила очилата за сонце, а многумина ги забележале бројните алки на нејзината лева рака. Меѓутоа, дамите забележале и дека холивудската актерка има целулит иако се труди да се грижи за здравиот начин на живот. Тоа покажува дека Алба не е преоптоварена со својот изглед, но сака да се труди да направи сè што може без интервенција. Често можат да се прочитаат коментари и дека Џесика која се посветила на својата компанија „The Honest Company“ за производи кои целосно се на природна база, не старее и дека годините за неа се само број. Но, актерката вели дека ништо не е резултат на магија туку на напорните тренинзи и исхраната. „Вежбањето е тоа што ме придвижува. Благодарение на вежбањето мојот мозок е попродуктивен. Како што стареам и откако станав мајка, приоритет ми е да бидам поздрава“, вели Алба.

Џенсен Еклс: Џесика Алба беше ужасна колешка

Тале Кристо — Thu, 20 Jan 2022 09:42:49 +0000

Американскиот глумец Џенсен Еклс смета дека Џесика Алба „му го отежнувала животот“ додека работеле заедно пред околу 20 години. Алба глумеше во „Мрачниот ангел“ (Dark Angel) од 2000 до 2003 година и тоа ѝ донесе светска слава. Прашан за снимањето на „Мрачниот ангел“, во интернет-емисијата на Мајкл Розенбаум, ТВ-ѕвездата и од подоцнежната хит-серија „Натприродно“ (Supernatural), вели дека неговата тогаш 20-годишна колешка „била ужасна“, и оти „тоа отворено ѝ го кажал в лице“. – Ја сакам Џес, што, знам, некако му противречи на ова што штотуку го кажав… Таа беше под огромен притисок во таа серија. Беше млада и беше во врска со (колегата од серијата, Мајкл Ведерли, б.п.) – тоа ѝ беше тешко и таа предизвикуваше непотребен стрес, мислам – на снимањето, вели Еклс. Тој го опиша својот однос со Алба како „најлошиот вид караница меѓу еден брат и една сестра“, и сѐ тоа зашто таа го гледала како непотребното „убаво момче“ во серијата. Решил да ѝ врати „мило за драго“, па смета дека овој негов пристап, сепак „изградил одредена заемна почит“ меѓу нив и дека дури и се дружеле „на платонски начин“. Џесика Алба не одговори на овие студено-топли коментари и сеќавања.

Џесика Алба конечно прозборе: Зошто избега од Холивуд и како трите деца го променија нејзиниот живот?

Ивана Ефремовски — Fri, 26 Mar 2021 08:38:03 +0000

Џесика Алба проговори за својата одлука малку да се оттргне и повлече од глумата откако 2008 година го роди своето прво дете. Имено, таа во ново интервју за „Ромпер“ појаснува дека не избегала од Холивуд, туку сега има здраво и среќно семејство и поинакви приоритети во животот. -Мајка ми имаше рак на многу рана возраст, во нејзините 20-ти години. Јас пораснав со хронична болест… Имав пет операции пред 11-та година… Го имав овој вистински миг, па сега сакав да живеам и да напредувам и да минувам што е можно повеќе време со оваа мала личност што ја воведувам во светот и да останам со неа. Значи, нашето здравје е важно. Сакам оваа мала личност да биде здрава. И навистина е „излудувачко тешко“ да си среќен кога го немаш своето здравје, вели таа. Алба сега е мајка на три деца, па има и поинаков поглед и на животот и на нејзината кариера уште откако го родила првото. -Мојата мотивација веќе не беше – „Дали некогаш ќе се вработам повторно?“ Искрено, тогаш бев на врвот на мојата кариера… Не можев да се вратам на она што го правев претходно и пак да бидам автентична. Едноставно, не можев. Не ми беше грижа за тоа на ист начин како претходно, додава глумицата. Загриженоста за здравјето и благосостојбата на нејзините деца доведе дури до раѓање на „Искрено друштво“ (Honest Company) – брендот на производи за широка потрошувачка на Алба, кој обезбедува еколошки производи за бебиња и производи за чистење без хемикалии. Се почна со пелена што таа ја пушти во продажба 2012 година. Сега, брендот има разни други понуди. Следниот филм каде што Алба ќе глуми, е трилерот „Истрел за предупредување“ (Trigger Warning) којшто е во претпродукција. (МИА)

ФОТО: Таа е сон на секој маж, а на жените може да и биде пример!

Тале Кристо — Thu, 04 Mar 2021 07:52:02 +0000

Популарната и атрактивна актерка Џесика Алба (39) фотографирана е низ улиците на Лос Анџелес во совршена комбинација, а многумина коментираат дека изгледа феноменално. Имено, популарната актерка се прошетала во широки фармеки, црна мајчка и карирано сако и со својот стил ги воодушеви сите и предизвика бура на позитивни коментари. -Ова жена не греши со облекувањето, гласи коментар на нејзина обожавателка. Во продолжение можете да ги погледнете фотографиите од атрактивната актерка и тоа во каков стил продефилирала низ улиците на Лос Анџелес.

Прошетаа две убавици: Дали се сестри или мајка и ќерка? (ФОТО)

Ивана Ефремовски — Tue, 17 Nov 2020 11:17:25 +0000

Најголемата ќерката на Џесика Алба сè повеќе започнува да наликува на својата славна мајка.

39-годишната актерка и 12-годишното девојче беа фотографирани во спортско издание во Лос Анџелес. Поради младоликиот изглед на Алба, многумина коментираа дека изгледаат како да се сестри.

Џесика изгледа совршено и кога носи обични фармерки

Ивана Ефремовски — Thu, 12 Mar 2020 09:01:03 +0000

Џесика Алба, 38-годишна актерка и успешна сопственичка на мултимилионската компанија Honor, која ја основаше во 2011 година, е голема инспирација за многу љубители на мода. Прекрасната бринета изгледаше одлично во чифт тесни црни фармерки, кои ги комбинира со кафеаво сако и бела маица, дополнувајќи го својот спортско-елегантен изглед со чанта во боја на црвено вино и т.н. мери џејн-чевли во бежова нијанса. Алба е мајка на три деца, а во неодамнешното интервју истакна дека станала подобар претприемач благодарение на своите родителски способности. -Постојано имате нови предизвици што треба да ги решите. Учите многу нешта, и тоа сè во движење, рече Џесика.

Џесика Алба ги отвори вратите од својот дом и покажа во каков луксуз живее (ВИДЕО)

Предраг Кукиќ — Fri, 24 May 2019 13:29:09 +0000

Актерката Џесика Алба за прв пат ги отвори вратите од својот дом каде со сопругот Кеш Ворен и своите пет деца живеат во луксуз. Куќата е купена пред 7 години, а Џесика вели дека било потребно многу труд за да изгледа вака како што е денес.

Џесика Алба ја раскажа својата мрачна приказна

Ивана Ефремовски — Thu, 25 Oct 2018 11:26:19 +0000

Таа е една од најпознатите ѕвезди на Холивуд и успешна деловна жена. Иако по успешните филмови „Хани“, „Син Сити“ и „Фантастична четворка“ се повлече од јавниот живот, Џесика Алба е позната во целиот свет. Во последниве години, таа е посветена на нејзината компанија The Honest Company и на семејството, кое и дава утеха по тешкото детство. Како што раскажа, во училиште ја нарекувале курва, а кога имала 15 години била киднапирана. Таа ни денес не сака да зборува за овој трауматичен настан.

View this post on Instagram

Hey yo! Have you registered to vote yet? Swipe through to see all the deadlines -some are today! Link in bio ??to register -it’s the easiest thing you’ll do today :) “VOTE THE CHANGE YOU WANT TO SEE IN THE WORLD” ~@cleowade

A post shared by Jessica Alba (@jessicaalba) on Oct 9, 2018 at 2:12pm PDT

Во тоа време, во 1996 година ја снимила првата серија „Флипер“. Одеднаш таа почнала да добива чудни телефонски повици, за кои мислела дека се нечија шега. Во еден момент целосно исчезнала и никој не знаел каде била цели 14 часа. Беше пронајдена со заврзани раце и нозе, со превез преку очи и затната уста во багажникот на автомобилот. Бидејќи не можела да обезбеди информации за напаѓачите, случајот бил одбиен. Таа досега одбиваше да одговори на сите прашања во врска со случајот.

View this post on Instagram

Hi ? #setlife? #LAsFinest

A post shared by Jessica Alba (@jessicaalba) on Oct 19, 2018 at 3:38pm PDT

Мајката одамна е ѕвезда, а сега ќе ве освои и нејзината ќерка: Џесика Алба и нејзината мини копија уживаат во Италија (ФОТО)

Ивана Ефремовски — Thu, 30 Aug 2018 16:22:50 +0000

Џесика Алба моментално е на одмор со својата ќерка, во Италија. 37-годишната актерка и нејзината 10-годишна ќерка вчера мамеле погледи на улиците во Милано, а изгледа дека малата Хонор од мајка си го наследила беспрекорнит стил, но и убавината, бидејќи изгледа како нејзина мини копија. Мајката и ќерката прошетале низ градот, држејќи се за рака и ги воодушевиле минувачите со својот изглед. Актерката искомбинирала бела блуза со деколте, сиво сако и тренди панталони со широки ногавици, а целиот изглед го надополнила со очила за сонце, златен накит, црна ташна и бели чевли. Мини Џесика е иста како нејзината мајка. Таа исто така носела очила за сонце и сако, под кое носела кариран комбинезон и облекла патики. Двете ги пуштиле косите, а 10-годишната ќерка ги обила краевите во виолетова боја, со што на својот детски стајлинг му дала мала доза на разиграност. Алба и на својот Инстаграм профил споделила неколку фотографии од заедничкиот одмор на кој исто така носат усогласени аутфити.

Had an awesome stay @principesavoia in #milano #italy #worktrip #motherdaughtertrip @honest_beauty

A post shared by Jessica Alba (@jessicaalba) on Aug 30, 2018 at 12:04am PDT

#Milano #motherdaughtertrip ??

A post shared by Jessica Alba (@jessicaalba) on Aug 28, 2018 at 7:48am PDT

Hit the ground running #firenze #italy #motherdaughtertrip

A post shared by Jessica Alba (@jessicaalba) on Aug 25, 2018 at 9:22am PDT

ФОТО: Познатата актерка го доби најубавиот новогодишен подарок, се породи на Нова година

Ивона Петрова — Tue, 02 Jan 2018 08:38:06 +0000

Триесет и шест годишната актерка се породи на 31-ви декември 2017 и го доби најубавиот новогодишен подарок. Нејзините две ќеркички добија братче кое ќе се вика Хејз Алба Ворен. Џесика Алба и нејзиниот сопруг објавија фотографија со новороденото синче и напишаа дека се пресреќни.