Џибути – Kurir.mk

САД го поздравија пристигнувањето на првиот танкер со жито во Џибути

Ивона Петрова — Wed, 31 Aug 2022 06:11:17 +0000

САД го поздравуваат пристигањето во Џибути, земја во регионот на источна Африка, на 23.300 тони житарица од Украина со бродот „Brave Commander“, јавија денеска од Стејт департментот. -Ова жито ќе биде дистрибуирано во Етиопија и Сомалија, земји кои се соочуваат со опасен недостаток од храна по четири години суша, изјави државниот секретар Ентони Блинкен. САД изразија благодарност за важната улога што ја играше Џибути во организирањето на текот на хуманитарната помош во регионот. -Ова жито е дел од 68 милиони долари вредниот удел на САД во Светската програма за храна (ВФП). Ова жито е меѓу првите стасани испораки на украински земјоделски производи извезени од Црното Море што стигаат до најнеобезбедените замји со храна во светот, а од почетокот на рускиот неоправдан, сеопшт напад на Украина. САД се најголемиот приложувач на ВФП од октомври 2021 година со досега обезбедени 5.7 милијарди долари за разните програми за хуманитарна помош. „Украинските земјоделски производи се критични за глобалното обезбедување со храна. САД го поддржуваат договорот меѓу Украина и Русија, модериран од Турција и ОН, да се почне со повторен извоз на земјоделски производи од Украина, и внимателно го следиме спроведувањето на договорот од страна на Русија“, се наведува во соопштението. САД повикаа Русија веднаш да ја запре војната во Украина, тоа што ќе биде во полза на надминување на тековната необезбедност со храна во светот.

Украинско жито стигна во Џибути

Ивона Петрова — Tue, 30 Aug 2022 09:21:57 +0000

Првиот хуманитарен брод што Обединетите Нации (ОН) го изнајмија за да го пренесе украинското жито во Африка, стигна денеска во пристаништето Џибути со околу 23.000 тони пченица. Бродот „Brave Commander“ на 16 август го напушти пристаништето Пивдење кај Харков. Транспортот на жито се овозможи во јули со потпишувањето договор меѓу Киев и Москва, со посредување на Турција и ОН. Со договорот се дозволува извоз на украинско жито, што беше блокирано поради војната. Гладта и најлошата суша во изминатите 40 години остави загрозени околу 22 милиони луѓе на Рогот на Африка, особено во Сомалија, Етиопија, Кенија.

Македонија во друштво со Џибути, Боцвана, Уганда, Замбија и Конго по однос на почитувањето на работничките права

Тале Кристо — Thu, 20 May 2021 10:42:24 +0000

Македонија се најде во друштво со Кенија, Џибути, Боцвана, Уганда, Замбија, Конго и низа други земји од т.н. трет свет по почитувањето на работничките права според извештајот на Mеѓународната Конфедерација на синдикати, извештај кој се смета за најрелевантен кога станува збор за оценување работничките права во земјите низ светот. Македонија е класифицирана со оценка четворка, односно со оценка „систематско кршење на работничките права“, заедно со земји од третиот свет. Полоши од Македонија се само работничките права во Палестина која е зафатена од неколкудеценсики конфликт, Сомалија, Судан, Сирија, Јемен, Либија, Бурунди и Централно Африканска Република. Македонија е во друштво со Кенија, Џибути, Боцвана, Уганда, Замбија, Конго и низа други земји од т.н. трет свет по почитувањето на работничките права според извештајот на Mеѓународната Конфедерација на синдикати, извештај кој се смета за најрелевантен кога станува збор за оценување работничките права во земјите низ светот. Од Македонија подобро се рангирани сите Балкански земји, освен Србија. Со подобра оценка се Црна Гора, Албанија, Бугарија, Хрватска и Словачка. Но подобри се и африканската Того, Мозамбик, Буркина Фасо. Оценката која ја доби Македонија – 4, односно „Систематско кршење на работничките права“, означува дека во земјата се работничките права се кршат од страна на Владата и компании блиски до владата. Владата е вклучена во систематско уништување и задушување на колективниот глас на работниците и нивно организирање во синдикати.