џиџи буфон – Kurir.mk

Буфон на 45 години доби понуда вредна 15 милиони евра

Бошко Тасиќ — Sun, 02 Jul 2023 12:38:16 +0000

Сегашниот голман на Парма, легендарниот Џанлуиџи Буфон доби понуда од 15 милиони евра за едногодишен договор од клуб од Саудиска Арабија. Италијанските медиуми објавија дека Буфон во наредните неколку денови би требало да донесе одлука за иднината на кариерата. Во текот на вчерашниот ден познатиот италијански новинар, Џанлука Ди Марцио објави дека Буфон размислува за крај на кариерата.

ФОТО: Буфон по 20 години повторно го облече дресот на Парма

Ристе Здравков — Thu, 22 Jul 2021 10:33:40 +0000

Легендарниот голман Џиџи Буфон ова лето се врати во клубот во кој во 1991 година ја започна кариерата, а од кој во 2001 година замина во Јувентус во трансфер вреден 53 милиони евра. Откако 19 од 20 години помина бранејќи ги боите на „црно-белите“, со една година помината во ПСЖ, сега 43-годишникот по точно 7339 денови на пријателскиот натпревар против повтроно го облече дресот на Парма.

7339 giorni dopo 🟡🔵 #ParmaBochum pic.twitter.com/wgYB7DtGZN
— Gianluigi Buffon (@gianluigibuffon) July 21, 2021

Буфон: Дефинитивно ќе престанам да играм во јуни 2023 година, но можеби и порано

Дарко Андоновски — Wed, 03 Mar 2021 13:51:16 +0000

Голманот на Јувентус, Џанлуиџи Буфон објави дека најмногу што ќе остане активен на терените е до 2023 година. – Го имам зацртано во мојата глава, максимумот. После тоа, дефинитивно нема да играм. Се работи за јуни 2023 година. Ова е максимум, вистински максимум. Но, можам да ја завршам кариерата за четири месеци, соопшти 43-годишниот голман. Буфон оваа сезона одигра пет натпревари во Италијанскиот фудбалски шампионат, од кои на три не прими гол.

Најдобар меѓу најдобрите – стручното жири го избра Буфон

Ивана Ефремовски — Sat, 02 Jan 2021 14:29:24 +0000

Легендариот чувар на мрежата на Јувентус и италијанската репрезентација Џиџи Буфон е прогласен за најдобар голман во историјата, од стручното жири чии членови се 18 легендарни голмани. Буфон доби седум гласа, два повеќе од Лав Јашин, а на третото место заврши Дино Ѕоф. По еден бод освоија Бенкс, Касиљас, Мајер, Мазуркиевич, Рожерио Сени, Тафаеел и Шмајхел. Стручното жири, меѓу другите, го сочинуваа Мануел Нојер, Жулио Цезар, Петер Шмајхел, Габор Кираљи, Сантијаго Кањизарес и други.

Буфон собра сили – фановите на Јувентус ќе се израдуваат на оваа вест

Ивана Ефремовски — Mon, 07 Dec 2020 17:00:52 +0000

Голманот на Јувентус, Џанлуиџи Буфон, денеска тренираше со соиграчите, откако ја залечи повредата поради која ги пропушти последните четири натпревари на актуелниот италијански првак. Четириестидвегодишниот Буфон, како што јавуваат италијанските медиуми, би можел да се најде во почетниот состав на Јувентус веќе во вторник, на мечот од последното коло во групната фаза во Лигата на шампиони (ЛШ) против Барселона. На гостувањето во Барселона, италијанскиот првак ќе биде ослабен за дефанзивците Џорџо Кјелини и Мерих Демирал. Јувентус и Барселона веќе го обезбедија пласманот во нокаут фазата во ЛШ, а за прво место во групата на италијанскиот првак му е потребна победа од три голови разлика. (МИА)

Буфон пред ново историско достигнување

Ивана Ефремовски — Sat, 17 Oct 2020 14:33:59 +0000

Легендата на италијанскиот фудбал и Јувентус Џанлуиџи Буфон е на прагот на ново историско достигнување. Доколку голманот започне денес против Кротоне, тој ќе ја започне својата 24-та сезона во професионалниот фудбал и ќе го одигра својот 650-ти натпревар во Серија „А“. Дуелот на „бјанконерите“ со дебитантот во елитата е денес во 20:45 часот по наше време. Војчех Шчесни веројатно ќе биде подготвен за мечот по тешките натпревари за Полска на турнирот во Лигата на нации, но Андреа Пирло може да му даде пауза и да се обложи на искусниот Буфон, што ќе му даде можност да започне за прв пат под рамките оваа сезона. Откако дебитираше за Парма против Милан на 19 ноември 1995 година, голманот има одиграно 649 натпревари во Серија „А“, што го прави единствен лидер во италијанската елита по бројот на натпревари пред Паоло Малдини со два. Во сите клупски натпреварувања Буфон има 916 натпревари, а за репрезентацијата на Италија има 176 натпревари и уште еден куп настапи за неговата земја на младинско ниво. (МИА)

Кога ќе дознаете како Буфон ја оставил сопругата со која има две деца ќе подзинете- оваа одмазда тешко дека ќе ја заборави оваа убавица

Дарко Андоновски — Sat, 23 Nov 2019 12:02:22 +0000

Алена Шередова за италијанските медиуми проговори за разводот со легендарниот голман Џиџи Буфон. „Слушнав на радио дека ме оставил. Сепак не дознав последна, после мене дозна и мојот татко исто така на радио“ , открила поранешната сопруга на Буфон. Таа додава дека со фудбалерот никогаш не се карале преку медиумите. -Дојдов на себе заради нашите деца, знаев дека морам да направам се за да они се почувствуваат подобро и да имаат горда крената глава, но не беше лесно, додава таа. По разводот со неа светот остана во неверување откако Буфон откри дека е вљубен во убавата италијанска водителка Иларија Дамико. -Мислам дека не сакав да признавам дека не беше нешто во ред со нас, бидејќи тоа би било проблем за нашите деца. Не сакав да се оптоваруваат нашите деца во тој момент, а тоа го направив и со цел тие да немаат трауми во иднина.

Буфон: Сакам да докажам дека се уште сум одличен голман

Даниел Василев — Mon, 09 Jul 2018 16:55:20 +0000

Новото засилување на Пари Сен Жермен, Џанлуиџи Буфон денеска беше официјално претставен на прес-конференција на која 40-годишниот италијански првтпат говореше како играч на францускиот тим. - Внатре во мене почувствував дека имам што уште да дадам. Оваа нова авантура може да ми помогне да пораснам како личност и како играч. Лигата на Шампионите не е опсесија за мене, изјави поранешниот голман на Јувентус. Тој изрази голема радост што е во Париз, додавајќи дека е подготвен да ги исполни своите амбиции. - Стигнав во Париз со ентузијазам на дете. Мислам дека ПСЖ е клубот кој го следам најмногу одблизу во последните години. Бев љубопитен да видам што ќе понудат. Сега е време за да се исполнат големите амбиции, рече Џиџи. Во однос на својата улога во тимот, легендата на „азурите“ вели дека секој сака да игра важна улога во тимот. - Ќе дадам се од себе, за тимот да победува. Сакам да докажам дека сум уште одличен голман. Отсекогаш барав предизвици. Денеска првпат тренирав во Париз. Ми беше убаво да слушнам нов јазик на тренингот. Очекувам одлични моменти во оваа нова средина за мене, изјави Буфон. МИА

Буфон во сабота го игра последниот меч за Јувентус, но не и во кариерата- заминува во клуб со кој ќе освои трофеј

Дарко Андоновски — Thu, 17 May 2018 10:27:36 +0000

Џиџи Буфон и официјално објави дека го напушта Јувентус, но не објави и крај на играчката кариера која би можел да ја продолжи во друг клуб. „Ова е необичен ден за мене, ден полн со емоции, но на овој прес дојдов со смиреност, среќа и чувство на исполнетост. Ова е крај на една прекрасна приказна која имав среќа да ја делам со сите кои го сакаат Јуве“, вели Буфон. „Во сабота ќе биде мојот последен натпревар за Јуве. Мислам дека тоа е најдобриот начин да се простам од оваа прекрасна авантура. Да ја завршам со два важни трофеи“. „Стравував дека би можел да ја завршам авантурата во Јувентус како некој за кој луѓето би велеле дека паднал во формата. Но можам да кажам дека тоа не е случај и горд сум сум што во недела ќе си заминам со можеби не најдобри мои перформанси, но перформанси на нивото на моето име и на Јувентус“. „Имам добиено некои понуди и возбудливи предизвици и за продолжување на кариерата но и за работа во фудбалот. Следната недела кога се ќе се смири ќе одлучам што е најдобро за мене“. „Не е сега момент да прогнозираме каде би можел да заминам. Доколку продолжам, сакам тоа да биде клуб каде што ќе можам да се борам за големи трофеи, бидејќи за тоа и живеам“.

Сестрата на Буфон со емотивна порака го „проколна“ својот брат- ова никако не го прави утре пред очите на целиот фудбалски свет!

Дарко Андоновски — Wed, 16 May 2018 20:43:52 +0000

За утре со почеток во 11:30 часот е закажана прес-конференција на која фудбалскиот свет очекува Џанлуиџи Буфон да објави крај на кариерата. Денес за „Тутоспорт“ зборуваше сестрата на легендарниот голман, Вероника. Таа смета дека нејзиниот брат кој е три години помлад не е спремен да го остави фудбалот. Како што кажува Вероника, таа во неговите очи се уште гледа голема глад за победување и уживање во она што најмногу сака да го прави. -Можам да кажам дека колку повеќе го гледам на теренот, толку повеќе во него гледам играч кој не е спремен да каже збогум. Јас играв професионално одбојка и знам како е кога ставате крај на она што најмногу сакате да го правите. Јас сум сестра на Џиџи и навистина сум горда што можам да го кажам тоа, мислам дека во овој момент тој не е подготвен да стави крај, вели таа. -Во неговите очи гледам се уште голема глад за играње и победување. Разговарав со него повеќе пати, а неговиот одговор беше само насмевка. Како поранешна спортска сакам да кажам дека спортистот заминува кога повеќе нема што да понуди, а со мојот брат тоа не е случај, изјави Вероника за реномираниот „Тутоспорт“.