џим матис – Kurir.mk

Поранешниот американски министер за одбрана Џим Матис предупредува дека вирусот нема да исчезне сам од себе

Магдалена Андонова — Wed, 24 Jun 2020 12:04:25 +0000

Поранешниот американски министер за одбрана Џим Матис им се придружи на апелите на бројни американски официјални претставници во врска со влошување на епидемијата на коронавирусот во САД и ги повика Американците да носат маски затоа што „вирусот нема да исчезне сам од себе“, јави Си-Ен-Ен. Матис се појави во видеото што го сними за своите сограѓани и ги замоли да се придржуваат кон превентивните мерки, а особено да носат заштитни маски затоа што „вирусот е постојан и нема да исчезне сам“. Поранешниот министер за одбрана на САД, Џим Матис, го постави своето обраќање до своите сограѓани на каналот Јутјуб. (МИА)

Матис ја обвини Сирија дека не ги пушта инспекторите до локациите на наводниот хемиски напад

Ивона Петрова — Thu, 19 Apr 2018 06:28:57 +0000

Американскиот секретар за одбрана Џим Матис ја обвини сириската Влада дека одложува да им дозволи на инспекторите на Организацијата за забрана на хемиско оружје (ОПЦВ) да пристапат до локациите на наводниот хемиски напад. Тој додаде дека тоа е стратегија што се користела во минатото. - Сосема ни е јасно дека тоа доцнење на делегацијата и е наметнато од страна на режимот, но исто така сме сосема свесни за тоа како тие дејствувале во минатото и никого не пуштале на места каде што е користено хемиско оружје, рече Матис. - Со други зборови, пауза по таков напад се користи за да се расчистат доказите пред истражниот тим да добие пристап, додаде тој.