Џими Батлер – Kurir.mk

НБА ѕвездата шокирана од цената на бензинот: „Ова е грабеж, се префрлам на струја!“ (ВИДЕО)

Ристе Здравков — Thu, 28 Sep 2023 18:09:31 +0000

Ѕвезда на Мајами Хитс и еден од клучните играчи во НБА остана згрозен од цената на горивото додека го полнеше својот автомобил, еден од најскапите нови автомобили во светот. Џими Батлер, НБА играчот кој потпиша тригодишен договор вреден повеќе од 146 милиони долари, беше запрепастен од цената на бензинот и тоа го покажа на начин како што би изреагирал и било просечен возач. „Големата вистина“ дека горивото денес е скапо ја дознал додека полнел еден од своите суперскапи автомобили.

Most relatable Jimmy Butler moment 🤣 pic.twitter.com/p3aTP8hxOX
— Brady Hawk (@BradyHawk305) September 26, 2023

Сметката за 19,9 галони чинела нешто повеќе од 145 долари или околу 1,83 евра за литар. „Можете ли да верувате дека чини 145 долари да се надополни „Bugatti“? Батлер го повторил ова додека го возел својот втор, Ролс-Ројс автомобил, што го направи видеото уште побизарно.

Мајами го задржува најдобриот кошаркар со мега договор

Бошко Тасиќ — Sun, 08 Aug 2021 09:13:59 +0000

Мајами хит одлучи да го задржи Џими Батлер и му понуди нов четиригодишен договор вреден неверојатни 184 милиони долари. Батлер прв пат дојде во Мајами пред две години кога беше дел од трампата со Филаделфија. Минатата сезона ја заврши со просек од 21,5 поени, 7,1 асистенции и 6,9 скока по меч, во 52 одиграни дуели. Имаше и просек од 2,8 украдени топки.

Џими Батлер одбил покана за настап на ол-стар,поради тоа што негов соиграч нема да настапи

Бошко Тасиќ — Sun, 28 Feb 2021 08:21:47 +0000

Кошаркарот на Мајами Хит Џими Батлер реши да го одбие повикот за настап на НБА ол-стар мечот кој ќе се игра на 7 март во Атланта. Ѕвездата на Мајами требаше да биде замена за повредениот Кевин Дурант, но сепак нема да биде дел од најдобрите кошаркари на празникот на кошарката во НБА лигата. Верувале или не , Батлер бил револтиран за тоа како неговиот соиграч Бам Адебајо не добил покана за настап на овој атрактивен меч. Адебајо игра одлично сезонава, но тоа не беше доволно да биде на смотрата на најдобрите. Без Адебајо и Батлер реши да не биде дел од спектаклот во Атланта.

Батлер и уште седум играчи на Мајами во изолација поради коронавирус

Тале Кристо — Tue, 12 Jan 2021 12:36:28 +0000

Минатогодишните финалисти во НБА лигата изолираа осум играчи поради протоколот за коронавирус. Во изолација се членовите на првата петорка, Џими Батлер, Бам Адебајо и Горан Драгиќ. Покрај нив, изолирани се и Кендрик Нан, Јудонис Хаслем, Морис Харклес, Кеј Зи Окпала и Ејвори Бредли. Неделниот натпревар на Мајами со Бостон беше одложен. Само шест здрави кошаркари и тројца повредени играчи, кои не се изолирани, останаа во составот на „Хит“. Следниот натпревар екипата треба да го одигра вечер во 1 часот по полноќ на гости против Филаделфија.

Џими Батлер од непозната причина го пропушти првиот тренинг на Мајами

Тале Кристо — Mon, 07 Dec 2020 11:37:57 +0000

Лидерот на Мајами, Џими Батлер не присуствуваше на првиот тренинг на тимот во неделата, објави новинарот на „АП“, Тим Рејнолдс. Ѕвездата на „жешките“ која го предводеше тимот до финале за прв пат од 2014 година, го пропушти тренингот со дозвола на главниот тренер Ерик Споелстра. Сепак, причината за неговото отсуство е непозната. Неколку играчи од НБА беа позитивни на коронавирус пред почетокот на новата сезона. Почетокот на новото првенство е закажано за 22 декември.

Пет Рајли: Фала му на Бога што Батлер е со нас

Магдалена Андонова — Sat, 24 Oct 2020 12:10:57 +0000

Претседателот на Мајами, Пат Рајли, го прогласи за успех резултатот на тимот во сезоната 2019/20, во која „жешките“ стигна до финалето на НБА. Имавме одлична година. Тоа беше многу, многу добра сезона за нас. Навистина ми се допаѓа тимот што го собравме, се движиме во вистинската насока. Со голем оптимизам гледам на иднината. Во исто време, нашата организација има одлична позиција за понатамошен развој. Што се однесува до играта на Џими Батлер, му благодарам на Бога што беше во нашиот клуб, потенцира Рајли. Мајами во финалната серија загуби од Лос Анџелес лејкерс со 4-2 во победи. (МИА)

ФОТО: Батлер тренира на јахта среде океан

Ивона Петрова — Tue, 20 Oct 2020 05:43:08 +0000

Кошаркарот на Мајами хит, Џими Батлер објави фотографија од годишниот одмор. Триесет и едногодишниот Американец вежба шутирање на јахта среде океан во дрес на соиграчот Двејн Вејд. Минатата сезона, Батлер одигра 58 натпревари во просек со 19,9 поени по натпревар. Тој беше еден од најзаслужните за пласманот на „жешките“ во финалето од НБА плејофот каде беа поразени од Лос Анџелес лејкерс.

Батлер одмораше само 48 секунди против Лејкерси, едвај имаше сили да се движи по мечот (ВИДЕО)

Тале Кристо — Sat, 10 Oct 2020 10:27:50 +0000

Џими Батлер херојски одигра во петтиот натпревар од финалната серија на НБА со Лејкерси. Предводникот на Мајами постигна 35 поени, имаше 12 скока и 11 асистенции, ја „остави душата“ на теренот каде го мина скоро целото време, а статистиката вели дека одморил само 48 секунди! Целосно „исцеден“, тој се појави пред новинарите, скршен, во бавно движење, „ранет“ од тешката битка со играчите на Лејкерс … – Ја оставив целата енергија на натпреварот заедно со моите момци. Вака ќе мора да играме од сега додека не заврши серијата – рече Батлер пред едвај да стане од столот, и да отиде на заслужената пауза во грч – до недела и новата битка за тронот во НБА.

Jimmy Butler played 47 of 48 minutes in Game 5.

Respect. (via @sam_amick) pic.twitter.com/nyRys7NPAg
— ESPN (@espn) October 10, 2020

Џими Батлер ги спаси Мајами, „жешките“ не се предаваат во финалната серија со Лејкерси

Тале Кристо — Sat, 10 Oct 2020 07:43:09 +0000

Џими Батлер забележа „трипл-дабл“ со 34 поени, 12 скока, 11 асистенции и пет украдени топки, а Мајами го победи Лос Анџелес Лејкерс со 111-108 и избегна елиминација во финалето на НБА. Хит заостануваат со 2-3 во „меурот“ во Орландо и во недела ќе се борат за израмнување. Данкан Робинсон постигна 26 поени за Хит, Кендрик Нун додаде 14, а Бам Адебајо, Тајлер Хиро и Џеј Краудер постигнаа по 13, 12 и 11, Леброн Џејмс постигна 40 поени и освои 13 скока за Лејкерси, додека Ентони Дејвис запиша 28 поени во петтиот натпревар од серијата. Џејмс го израмни резултатот на 101:101 на само 2:52 минути пред сирената и му донесе предност на својот тим од три поени по уште една минута игра, но Батлер не запре со кошевите. Тој го врати водството на Хит на 1:13 минути пред крајот, а Џејмс одговори со нов кош за 106:105 за Лејкерси на 58,2 секунди на часовникот. Личниот дуел меѓу двајцата продолжи со два удари од фаул на Батлер, но Лејкерси повторно поведоа преку Дејвис за 108:107 на 21,8 секунди до крајот. Во нападот што следеше, Батлер стрелаше точно двапати од линијата за слободни за 109: 108. Лејкерси ја држеа топката за потенцијален последен напад и се обложија на удар од тројка на Дени Грин, кој не успеа да постигне и топката дојде кај Хит. Хиро постигна два коша од пенал, а Џејмс не успеа да израмни со сирената и така серијата ќе продолжи во недела.

Clutch, turnaround, fadeaway buckets in #PhantomCam. #NBAFinals

Game 6: Sunday - 7:30pm/et, ABC pic.twitter.com/PgwydJSBIH
— NBA (@NBA) October 10, 2020

Батлер за поразот од Лејкерс: Повредите не се оправдување за нашата игра

Дарко Андоновски — Thu, 01 Oct 2020 12:40:56 +0000

Кошаркарот на Мајами хит, Џими Батлер, го коментираше поразот од Лејкерс (98:116) во првиот натпревар од финалната серија од плејофот во НБА. Повредите не се оправдување за нашата игра. Разговаравме за тоа како треба да играме скоро совршено, но всушност, не бевме ни блиску до тоа, изјави Батлер. Во текот на натпреварот со Лејкерс, Хит го загуби плејмејкерот Горан Драгиќ и центарот Бам Адебајо, а самиот Батлер ја заврши средбата со повреда на скочниот зглоб. Вториот меч е закажан за ноќта петок кон сабота (почеток 3 часот).