џими кимел – Kurir.mk

Џими Кимел по трет пат ќе биде домаќин на Оскарите

Магдалена Андонова — Tue, 08 Nov 2022 09:09:36 +0000

Џими Кимел повторно ќе биде домаќин на доделувањето на „Оскарите“ следната 2023 година, објавија организаторите вчера. Американската Академија за филмски уметности и науки се надева дека Кимел, познатиот американски комичар и водител, кој беше домаќин на „Оскарите“ во 2017 и 2018 година, ќе помогне да се зголеми гледаноста на ТВ-настанот, по испадот на Вил Смит и шлаканицата врз Крис Рок годинава. Прикажувањето на престижното доделување годинава на мрежата „Еј-би-си Волт Дизни“, ја забележа втората најниска гледаност во неговата историја, а остана обележана токму по неславната шлаканица. „Џими е совршен домаќин кој ќе ни помогне да препознаеме неверојатни уметници и филмови на следното 95-то доделување на Оскарите. Љубовта кон филмовите, стручноста за ТВ-пренос во живо и способноста за поврзување со публиката ќе создадат незаборавно искуство за милиони наши гледачи ширум светот“, велат во соопштението директорот на Академијата, Бил Крејмер и претседателката Џенет Јанг. Свеченоста на доделувањето ќе се одржи на 12 март во „Долби театарот“ во Лос Анџелес, САД. – Да се биде поканет да биде домаќин на Оскарите по третпат е или голема чест или стапица… Во секој случај, ѝ благодарам на Академијата што ми го постави прашањето толку брзо откако сите добри момци рекоа „не“!, изјави Кимел. Смит, кој доби „Оскар“ за најдобра машка улога за „Кралот Ричард“, јавно му се извини на Рок помалку од еден час по инцидентот со комичарот. Нему му беше забрането да присуствува на „Оскарите“ 10 години, но сепак има право да биде номиниран и да добие одличје. (МИА)

Ова не смееше да го прави додека беше прва дама: Џими Кимел ја предизвика Мишел Обама (ВИДЕО)

Ивана Ефремовски — Sun, 18 Nov 2018 12:41:42 +0000

Додека беше прва дама на САД, очекувано Мишел Обама морала да биде внимателна што и како кажува, но сега ужива во слободата како „обичен човек“. Па, Џими Кимел решил да ја предизвика во неговото шоу, смислил некои работи кои смета дека таа не смеела да ги каже како прва дама и ја тера да ги прочита на глас.

Ибрахимовиќ кај Џими Кимел: Последниот земјотрес во Лос Анџелес беше кога слетав во градот (ВИДЕО)

Даниел Василев — Wed, 18 Apr 2018 13:40:57 +0000

Шведскиот фудбалер Златан Ибрахимовиќ, кој од неодамна е играч на ЛА Галакси, во гостувањето кај американскиот комичар Џими Кимел рече дека не е типичен Швеѓанец, но ти успеал да ја стави Шведска на мапата. Вели дека е најдобар фудбалер во светот заради својата самодоверба, потенцирајќи дека ако не играл фудбал, тогаш во кој било друг спорт би бил најдобар само заради својата самодоверба. -Знам дека во Лос Анџелес има многу земјотреси, но последниот беше кога јас кога слетав во градот, вели Ибрахимовиќ.