џин – Kurir.mk

ВИДЕО: Египетскиот „џин“ кој беше мета на Вардар му даде 11 гола на Магдебург на Супер Глоб

Ристе Здравков — Fri, 21 Oct 2022 09:03:10 +0000

Екипата на Ал Калај немаше сили за сензација против Магдебург на Супер Глоб и не успеа да се пласира во втората фаза од Светското клупско првенство на ИХФ. Германскиот тим рутински славеше со 35-29, но натпреварот во Џеда го одбележа ракометарот на домашниот тим Хасан Кадах. Египетскиот „џин“ (205 сантиметри) имаше брилијантен настап против моќниот бундеслигаш и натпреварот го заврши со единаесет гола, од кои девет во првиот дел. Одличниот настап на Кадах против Магдебург: 22-годишниот бек е член на Киелце, но на овој Супер Глоб настапи за Ал Калај. Своевремено беше и мета на македонскиот шампион Вардар, но полскиот гигант беше поконкретен во понудата и успеа да го „украде“.

ФОТО: Елизабета Втора лансира свој бренд на џин

Ивона Петрова — Tue, 24 Nov 2020 08:29:51 +0000

Британската кралица Елизабета Втора отпочна свое сопствено производство и продажба на џин, пренесува „Дејли Мејл“. Напивката, наречена „Sandringham Celebration Gin“, се произведува во дестилерија на имотот на кралицата во северен Норфолк. Ќе се продава во шишиња од 500 милилитри – едно за 50 фунти. Според порталот, џинот е еден од омилените алкохолни пијалаци на Елизабета Втора. А, ова е трет бренд алкохол, што произлегол од кралското семејство. Бакингамската палата во јули го претстави џинот „Royal Collection Trust“, а неколку месеци подоцна, синот на кралицата – принцот Чарлс го пушти напитокот „Highgrove“ во продажба.

Чини 1.350 долари: Дали би пробале џин од чисто злато?

Магдалена Андонова — Fri, 04 Sep 2020 13:23:37 +0000

Сè што сјае не е злато, но сигурно може да биде чаша џин… Зборуваме за најновото издание на Liquid Gold Alcohol, претставено како џин од 24 карати, кој е направен со чисто злато. Произведен во Велика Британија, овој луксузен џин содржи богати билки како што се лаванда, семе од анасон и смрека, сите измешани со еден допир на течно злато. Џинот е создаден како рачна работа од професионални миксолози, и нуди свеж вкус со мазна завршница. Коментирајќи за џинот од чисто злато, Дејвид Конор, неговиот творец, изјави: „Златото го користеле за консумирање најмудрите и најбогатите луѓе од памтивек. Во Александрија, пред 5000 години, златото се сметаше за минерал кој има бројни придобивки кога станува збор за медицината и емиграцијата. Во тоа време се веруваше дека ја стимулира виталноста. Денес, студиите покажуваат дека содржи траги на уникатни минерали со неверојатни својства, што му дава шпекулативна вредност. За нас, тоа ги подобрува перформансите на телото и умот и промовира добро расположение. Ако сте заинтересирани да го испробате златниот џин, можете да најдете повеќе детали на официјалната веб-страница на брендот. Инаку, цената на едно шише е 1.350 долари.

Рајан Рејнолдс го продава својот џин пијалак за 610 милиони долари

Ивона Петрова — Tue, 18 Aug 2020 08:27:45 +0000

Во време на корона-пандемијата, кога филмовите сѐ повеќе се префрлаат од киносалите на стрим-платформите, а снимањата сѐ уште се во застој, и познатите ѕвезди бараат алтернативни начини на заработка… Така, Рајан Рејнолдс одлучи да го продаде својот бренд – американскиот „Авиејшн џин“ на компанијата Дијагео. Договорот е проценет на 610 милиони американски долари, со услов и со првична уплата од 335 милиони долари. – Пред нешто повеќе од две години, станав сопственик на џинот „Авиејшн“ затоа што го сакам тој вкус повеќе од кој било друг џин. Она што не го очекував беше чиста умствена исполнетост од изучувањето на оваа нова индустрија. Растот на марката со мојата компанија „Максимум ефорт маркетинг“, беше меѓу најобемните проекти во кои сум бил вклучен. Сакам да му се заблагодарам на Дијагео за нивниот неверојатен тим и за страста. Ние сме уште повозбудени околу следното поглавје на „Авиејшн џин“, за кое, ве уверувам, ќе треба исто толку читање, изјави Рејнолдс. Дијагео во својата понова историја, имаше и 700.000 долари „тешка“ зделка со Џорџ Клуни, а тука вреди да се спомне и нивната соработка со Ренди Гарбер и Мајк Мелдман и нивниот Касамигос бренд на текила.