Џина Хаспел – Kurir.mk

Пред инаугурацијата на Бајден, директорката на ЦИА поднесе оставка

Ивона Петрова — Wed, 20 Jan 2021 06:10:26 +0000

Еден ден пред инаугурацијата на новоизбраниот претседател на САД Џо Бајден, директорката на ЦИА Џина Хаспел, назначена од претседателот во заминување Доналд Трамп, поднесе оставка и ја напушти разузнавачката агенција по 36 години работа во неа. Во изјавата објавена на налогот на ЦИА на Твитер, Хаспел посочи дека е „многу горда на заедничката работа“, пренесува порталот Форбс. „Најголемата чест во мојот живот беше тоа што бев шеф на оваа организација“, напиша Хаспел на Твитер. Џина Хаспел беше назначена за директорка на ЦИА во 2018 година, како прва жена на таа позиција, а беше поставена на таа функција на местото на Мајк Помпео, која ја презеде функцијата државен секретар на САД.

ФОТО: Ова е првата жена директор на ЦИА

Ивана Ефремовски — Fri, 18 May 2018 07:14:50 +0000

Џина Хаспел ќе стане прва жена директор на ЦИА откако американскиот Сенат го потврди нејзиниот избор на чело на Агенцијата. Со ова заврши бурната дискусија околу нејзината номинација која се водеше поради нејзината поврзаност со техниката за симулација на давење и други брутални техники за испрашување затвореници, кои ЦИА ги користела во минатото. Хаспел е 33-годишен ветеран на агенцијата, а во моментов ја извршува функцијата вршител на должност директор на ЦИА. За изборот на Хаспел гласале 51 сенатор во телото каде е потребно просто мнозинство за да биде потврдена нејзината номинација. Вкупно 43 членови на Сенатот биле против. (МИА)

Џина Хаспел формално именувана за директор на ЦИА

Ивона Петрова — Wed, 18 Apr 2018 06:42:25 +0000

Американскиот претседател Доналд Трамп го информираше Конгресот за тоа дека и формално ја именувал досегашната заменичка-директор на ЦИА Џина Хаспел за нов директор на таа агенција. Минатиот месец Трамп на Твитер напиша дека ја избрал Хаспел да раководи со Централната разузнавачка агенција на местото на Мајк Помпео, кој е номиниран за државен секретар. Џина Хаспел е дел од ЦИА повеќе од 30 години.