џиро ди италија – Kurir.mk

Заштитните маски се враќаат на Џиро ди Италија

Бошко Тасиќ — Thu, 18 May 2023 05:03:44 +0000

Поради раст на бројот заразени со коронавирусот организаторите на велосипедската трка Џиро д’Италија одлучија да ги заострат правилата за време на тестирањата, вклучувајќи и задолжително носење заштитни маски. Досега шест велосипедисти пред време ја напуштија трката поради позитивен тест на Ковид-19. Меѓу нив беше и Белгиецот Ремко Евенепол, кој беше во водството по првите девет етапи на Џиро д’Италија. „Прерано се опуштивме“, рече директорот на трката Мауро Вењи во изјава за италијанските медиуми. „Оваа недела враќаме некои од ограничувањата кои беа укинати, како обврската за носење маски на местата каде доаѓате во контакт со возачите. Дали ова требаше да го воведеме порано? Веројатно да“, додаде првиот човек на Џиро д’Италија.

Хиндли победник на Џиро д’Италија

Бошко Тасиќ — Sun, 29 May 2022 19:44:37 +0000

Дваесет години откако Кејдел Еванс стана првиот Австралиец кој ја носел розевата маичка на Џиро Д’Италија, неговиот сонародник Џеј Хиндли е првиот велосипедист од оваа земја со титула од „Ла корса роса“ откако беше 15. на последната етапа од тринеделната трка низ Италија. Ова значи дека тој загуби само 7 секунди од Еквадорецот Рихард Карапаз за да ја запечати титулата, откако во саботата во драматичен ден на Доломитите го искористи „крахот“ на фаворитот за да му ја одземе „маља роса“. Матео Собреро ја доби последната етапа, 17.4 километарската трка на хронометар во Верона, со 22:24, пред Холанѓаните Тимен Аренсман (23 секунди заостанување) и Матју ван де Пел (40 секунди послабо време). „Чувството е прекрасно и знаев дека нема да дозволам да се повтори 2020 кога пропуштив голема шанса во Италија. Знаев дека имам добро време, но останав внимателен до крај. Горд сум што сум првиот Австралиец со овој трофеј“, изјави Хиндли.

Гирмај со историска етапна победа на Џиро Диталија

Бошко Тасиќ — Tue, 17 May 2022 20:15:08 +0000

Бинијам Гирмај од Еритреја е победник на 10. етапа на Џиро Диталија влегувајќи во историјата како прв црн Африканец што победил на една етапа на трите големи велосипедски трки (Џиро, Тур де Франс и Вуелта Еспања. 22-годишниот Гирмај го совлада холандскиот ас Матју ван дер Пел за славна победа. Иако повеќекратниот шампион од Тур де Франс, Крис Фрум, е роден во Кенија, а Дарил Импи од Јужна Африка, има етапни победи, Гирмај е првиот црн Африканец со победа. Ова не е првпат велосипедистот на Интермарш да влезе во историјата – во март тој стана првиот Африканец со победа на класична трка на Гент-Вевелгем, тогаш на само 21 година.

Џирото стартуваше од Ерусалим, Димулан победи на првата етапа

Матеја Петровски — Fri, 04 May 2018 17:39:42 +0000

Сто и првото издание на легендарната трка Џиро ди Италија за прв пат почна во Израел, а на првата етапа најдобрите светски велосипедисти возеа индивидуален хронометар во должина од 9,7 километри. Холандскиот велосипедист Том Димулан, кој лани триумфираше на Џирото, победи на првата етапа која стартуваше од Ерусалим. Димулан оставри најдобро време од 12:02 минути, а зад него беа Австралијанецот Денис Рохан и Белгиецот Виктор Кампенаертс кои имаа за две секунди послаб резултат. Британецот Крис Фурм, кој минатата сезона ги освои Тур де Франс и Вуелта, првата етапа на годинашното Џиро ја заврши на 21 место. Фрум на тренингот пред стартот се повреди, но и покрај тоа возеше на етапата од Ерусалим иако беше видливо дека не е во посакуваната форма. Втората етапа ќе се вози од Хаифа до Тел Авив во должина од 167 километри. (Миа)