Џо Гомез – Kurir.mk

Нови проблеми за Ливерпул – се повреди Гомез

Ивана Ефремовски — Wed, 11 Nov 2020 18:27:40 +0000

Фудбалерот на Ливерпул, Џо Гомез се здоби со „потенцијално сериозна“ повреда на тренингот на англиската репрезентација, јави Скај Спорт. Гомез се повреди на тренинг пред пријателскиот натпревар против Република Ирска. Повеќе за степенот на повредата ќе се знае по прес-конференцијата што треба да ја одржи селекторот на Англија, Герет Саутгејт. Повредата на Гомез е нов проблем и за тренерот на англискиот шампион Јирген Клоп, кој поради повреди повеќе не може да смета на Вирџил ван Дајк и Фабињо. (МИА)

Стерлинг суспендиран од англиската репрезентација по пресметката со Гомез

Ивона Петрова — Tue, 12 Nov 2019 08:35:39 +0000

Фудбалерот од средниот ред на Манчестер сити, Рахим Стерлинг е суспендиран од репрезентацијата на Англија за квалификацискиот натпревар на ЕУРО 2020 против Црна Гора. Според извештаите на медиумите, Стерлинг имал физичка пресметка со дефанзивецот на Ливерпул, Џо Гомез на еден од тренинзите на „Гордиот Албион“. Тие веќе имаа конфликт за време на дербито во првенството во Англија, во кој Ливерпул беше поуспешен од Манчестер со 3:1. – Решивме да не го вклучиме Рахим во натпреварот против Црна Гора. Една од главните причини е тоа што играчот не може да го одвои клупското ривалство од настапите за репрезентацијата. За жал, неговите емоции по дерби мечот сепак беа свежи. Имам чувство дека донесовме вистинска одлука. Важно е сите играчи да се поддржуваат едни со други и да се фокусираат на натпреварот во четврток, изјави англискиот селектор Гарет Саутгејт.

Ливерпул без Џо Гомез на финалето во Лигата на шампионите

Даниел Василев — Tue, 08 May 2018 18:29:23 +0000

Фудбалерот на Ливерпул, Џо Гомез, поради операцијата на скочниот зглоб, ќе го пропушти финалниот натпревар од Лига на шампионите против Реал Мадрид. Гомез оваа сезона настапи на 31 натпревар и беше дел од стандардните состави на тренерот Јирген Клоп, но поради повредата ги пропушти последните три. Исто така е неизвесен и неговиот настап за репрезентацијата на Англија на Светското првенство во Русија. Гомез за англиската репрезентација досега има настапено на три натпревари. Финалето од Лига на шампионите меѓу Реал Мадрид и Ливерпул ќе се игра на 26 мај во Киев. МИА