Роган: Вил Смит направи ужасен преседан

Тале Кристо — Thu, 31 Mar 2022 08:30:05 +0000

Џо Роган во својата интернет-емисија го коментираше инцидентот со Вил Смит и Крис Рок за време на доделувањето на Оскарите. Роган смета дека Смит бил „емоционално кревок“ во тој миг и „дејствувал импулсивно“. – Тоа е глупав нагон, нешто што го правите кога знаете дека нема да има никакви последици, рече Роган при гостувањето на Џош Барнет. Тој додаде дека на Оскарите „не одите и не седите во првиот ред како ѕвезда… Тука секако е професионалниот комичар чија работа е да ги исмејува луѓето… Тоа што (Крис Рок) го направи не беше навредливо. Тоа беше блага шега, рече Роган. Водителот укажа дека не е баш мудро облечен во смокинг, на најгледаните награди во светот да му удрите шлаканица на комичар за „мала шега“. А потоа тој седна на своето место, сè уште се тресе и вика: „Не кажувај го името на жена ми!“ Потегот на Смит е преседан на многу начини, истакна Роган. Тој смета оти не може тукутака да удирате човек в лице пред целиот свет, а потоа да продолжите да работите како ништо да не се случило. – Направен е ужасен преседан. Отиде на сцената и удри комичар?!… Не мислам дека луѓето нужно ќе го променат своето однесување, но глупавите луѓе би можеле, заклучи водителот.

Морничава исповед на славниот боксер: Си купив ново Ферари и тргнав да се самоубијам!

Ивана Ефремовски — Sat, 27 Oct 2018 09:39:18 +0000

Кариерата на Тајсон Фјури, по победата против Владимир Кличко и освојувањето на титулата за најдобар боксер во тешка категорија во 2015. година, доживеа голем пад. Фјури не можеше да го издржи големиот притисок, па имаше сериозни психички проблеми, а падна и на допинг тест, па посветуваше внимание на сè освен на боксот. Меѓутоа, Фјури годинава успешно се врати во рингот и стигна до две победи, додека првиот поголем предизвик ќе го има против Деонтеј Вајлдер на први декември во Лос Анџелес. Фјури синоќа гостуваше во емисија кај Џо Роган и откри некои неверојатни работи, поточно призна дека сакал да се самоубие. -Се забавував цела ноќ, пиев, се дрогирав и сакав само да умрам и да си заминам на забавен начин. Меѓутоа, кога ќе се отрезните, тогаш паѓате во уште поголема депресија. Се обидов да се посветам на други работи. Играв и голф, но чувствував празнина во себе. Се будев пијан и не сакав да сум жив. Ми поминуваа многу луди мисли низ глава. Купив ново Ферари и во 2016. година излегов на автопат и возев со голема брзина. Едноставно сакав да умрам, се откажав од животот и тргнав да го направам тоа, но некој глас во мене ме спречи да го направам тоа, откри Фјури.

Џо Роган – Kurir.mk

Роган: Вил Смит направи ужасен преседан

Морничава исповед на славниот боксер: Си купив ново Ферари и тргнав да се самоубијам!