Џон Кери – Kurir.mk

Кери во ОАЕ на потпишување регионален договор за чиста вода и енергија

Тале Кристо — Mon, 22 Nov 2021 20:47:54 +0000

Специјалниот претставник на американскиот претседател за климата, Џон Кери ќе отпатува за Обединетите Арапски Емирати, каде ќе присуствува на церемонија за потпишување Проект Просперитет, регионална соработка во областа на чистата вода и енергијата, соопшти Стејт департментот. Во соопштението се наведува дека договорот ќе ги продлабочи партнерствата на земјите како Јордан, Израел и ОАЕ да ги достигнат целите од Парискиот договор за климата и да ги намалат јаглеродните гасови во регионот, како и да се обезбедат нови извори на свежа вода во регионот.

Џон Кери во посета на Европа

Тале Кристо — Wed, 29 Sep 2021 06:41:37 +0000

Американскиот специјален пратеник за климатски промени Џон Кери од денеска до 6 октомври ќе престојува во официјална посета на Швајцарија, Италија и Франција, соопшти прес службата на Стејт департментот. На средбите Кери ќе разговара со своите колеги околу мерките за надминување на климатската криза пред почетокот на 26-та Конференција на Обединетите нации за климатски промени (COP26). Тој денеска во Женева ќе се сретне со бизнисмени, осврнувајќи се на улогата на приватниот сектор во развојот на еколошки чисти технологии за надминување на климатската криза. Прелиминарен состанок на COP26 ќе се одржи во Милано од 30 септември до 2 октомври, на кој Кери ќе учествува. Од 3 до 6 октомври во Париз, тој ќе ја посети Елисејската палата, каде ќе биде домаќин на средба посветена на мобилизирање на глобалните финансиски текови за справување со климатските промени. Кери ќе учествува и на конференцијата „Заеднички вредности: Градење зелена и инклузивна иднина“. Дваесет и шестата Конференција на Обединетите нации за климатски промени (COP-26) ќе се одржи во Глазгов од 31 октомври до 12 ноември.

Џон Кери: Се разгорува нова трка во вооружувањето

Даниел Василев — Tue, 08 May 2018 15:57:48 +0000

Поранешниот американски државен секретар Џон Кери, кој беше главниот преговарач во Администрацијата на поранешниот претседател на САД, Барак Обама за склучување на нуклеарниот договор со Иран, денеска предупреди дека се разгорува „нова трка во вооружувањето“, која ги загорзува договорите за контрола на оружјето. - Опасно е. Денес ние сме опкружени со одредени луѓе, кои говорат за нова трка во вооружувањето, рече Кери, додавајќи дека парите наместо за развоја на оружје, треба да се трошат за здравството, училиштата и инфраструктурата и за градење на иднината. Според Кери, таквите активности ги загрозуваат договорите за нуклеарното оружје со среден дострел и за намалување на стратешкото оружје. Ваквата изјава, Кери ја даде во Милано во пресрет на денешното обраќање на американскиот претседател Доналд Трамп, во кое тој треба да објави дали САД ќе се повлечат од договорот за иранската нуклеарна програма. Како одговор на изјавата на Кери, Трамп оцени дека поранешниот државен секретар „не може да се помири со фактот дека имал своја шанса и ја потрошил", кога е во прашање Иран. - Стој подалеку од преговорите Џон, ти и наштетуваш на својата земја!, напиша Трамп на Твитер, одговарајќи му на Кери. МИА