Џон Кирби – Kurir.mk

Кирби: Можно е следните денови по сто камиони со хуманитарна помош дневно да влезат во Појасот Газа

Ивона Петрова — Tue, 31 Oct 2023 10:16:05 +0000

Белата куќа верува дека е можно во следните неколку дена 100 камиони со хуманитарна помош дневно да влезат во Појасот Газа, изјави портпаролот на Советот за национална безбедност на Белата куќа, Џон Кирби. Претседателот на САД, Џо Бајден пред два дена побара „значително и итно“ зголемување на протокот на помош за опколената палестинска територија. Според податоците на ОН, акутниот недостиг на гориво во Појасот Газа веќе влијае на снабдувањето со вода на населението.

Бела куќа: Русија „егзекутира војници“ кои одбиваат наредби во новите напади врз Украина

Ивона Петрова — Thu, 26 Oct 2023 19:11:10 +0000

Русија егзекутира војници кои не ги следат наредбите во нејзината крвава нова офанзива во источна Украина, додека претрпува „значителни“ загуби, нагласи Белата куќа. „Имаме информации дека руската војска всушност егзекутирала војници кои одбиваат да ги следат наредбите“, изјави на брифинг портпаролот на Советот за национална безбедност, Џон Кирби. „Имаме информации дека руските команданти се закануваат со егзекуција на цели единици доколку се обидат да се повлечат од украинскиот артилериски оган“, додаде тој. „Тоа е за осуда“. Кирби не даде повеќе детали на прашањето за наводните егзекуции или како САД дошле до информациите.

Кирби: Евакуацијата на цивилите од Газа за 24 часа е тешка задача

Тале Кристо — Fri, 13 Oct 2023 18:10:19 +0000

Предупредувањата на израелската војска дека околу 1,1 милион цивили во северниот дел на Газа треба да бидат евакуирани на југ од енклавата во следните 24 часа е тешка задача, изјави координаторот за стратешки комуникации на Советот за национална безбедност Џон Кирби. Притоа тој избегна да ги критикува израелските одбранбени сили, јавија британските медиуми. -Ние разбираме што се обидуваат да направат: сакаат да ги извлечат цивилите од опасност и да им дадат фер предупредување, рече Кирби. Тој нагласи дека сега е сè уште многу тешко, бидејќи имаме работа со повеќе од милион луѓе и многу урбана, густо населена средина. -Тоа е веќе борбена зона, па мислам дека никој не треба да го потцени предизвикот за извршување на таа евакуација, рече тој. Кирби истакна дека САД не сакаат да гледаат повредени цивили. -Очигледно, колку повеќе време имаат тие луѓе, толку ќе е подобро, рече американскиот функционер. Кирби додаде дека САД продолжуваат да се залагаат за безбедно излегување од Газа и дека се во континуирана дискусија со израелските и египетските власти за тоа. ОН веќе објавија дека наредбата за масовна евакуација е невозможна без поголеми хуманитарни последици.

Бела куќа: САД се загрижени за потенцијалната одбранбена соработка меѓу Русија и Северна Кореја

Ивана Ефремовски — Thu, 14 Sep 2023 14:58:37 +0000

Портпаролот на Советот за национална безбедност на Белата куќа, Џон Кирби, изјави дека САД се загрижени за каква било потенцијална одбранбена соработка меѓу Русија и Северна Кореја, додавајќи дека САД внимателно ги следат контактите меѓу Москва и Пјонгјанг. „Ниту една земја на планетата, никој не треба да му помага на Путин да ги убие невините Украинци. И ако решат да иницираат некаков договор за оружје, очигледно ние ќе го одмериме тоа и соодветно ќе се справиме со тоа“, изјави Кирби. Претходно, медиумите цитираа неидентификувани западни претставници дека Русија се надева дека ќе добие севернокорејски артилериски гранати за употреба во војната во Украина, додека Пјонгјанг се чини дека сака напредна технологија за своите сателити и подморници на нуклеарен погон, како и помош во храна од Москва. Рускиот претседател Владимир Путин се сретна со севернокорејскиот лидер Ким Џонг-ун во средата на најнапредниот руски космодром поради предупредувањата од САД и Јужна Кореја за потенцијален трансфер на оружје. (МИА)

Кирби: Русија од Северна Кореја најверојатно ќе бара артилерија

Тале Кристо — Wed, 06 Sep 2023 20:47:15 +0000

Русија од Северна Кореја најверојатно сака да набави артилерија затоа што во војната во Украина презачестено ја користи во обидите да се запре украинската офанзива, изјави Џон Кирби, координатор за стратешки комуникации во Белата куќа. На брифинг за новинарите денеска тој истакна дека „тоа што рускиот претседател Владимир Путин посега по Северна Кореја за артилерија, и по Иран за дронови, па и градат фабрики за дронови во Русија, зборува многу“. - Иако рускиот воено индустриски комплекс се уште може да произведува оружје, фактот дека Русија бара оружје од такви места како Северна Кореја покажува дека таа индустрија се соочува со големи проблеми поради санкциите, изјави Кирби. Советникот за национална безбедност, Џејк Саливан, вчера посочи за „напреднат тек на разговори“ за договор меѓу Русија и Северна Кореја за снабдување со оружје и дека се планира претстоечка средба на лидерите на двете земјие. Кирби рече дека САД продолжуват со поддршката за Украина. На новинарско прашање за осетливоста околу испраќањето муниција со збогатен ураниум на Украина, тој укажа дека овој тип на муниција поседува поголема тежина и е поефикасна во пробивање на оклопни возила. - Затоа, САД започнаа и ќе продолжат да ја снабдуваат украинската армија со ваква муниција. Муниција со збогатен ураниум користи и Русија во оваа војна, но тоа никој не го напоменува... Ние сакаме украинската армија да биде поефикасна, изјави Кирби. Во врска со земјите кои ја помагаат Русија со снабдување оружје или со избегнување на санкциите, тој укажа дека „ниту една земја во светот не смее да го помага она што Путин го прави во Украина... и убива Украинци“.

Кирби: САД немаат утврдено чија е вината за уривањето на браната

Ивана Ефремовски — Tue, 06 Jun 2023 19:10:47 +0000

САД не негираат дека руските сили може да се одговорни за уривањето на браната Нова Каховка но сеуште немаат утврдено чија е вината за тоа, изјави денеска Џон Кирби, портпарол на Националниот совет за безбедност во Белата куќа. -Знаеме само дека има многу жртви и исто така многу загинати. Иако ова се рани извештаи и неможеме да специфицираме. Руските сили лани незаконски ја презедоа браната (и електростаницата) и незаконски ја окупираат, рече тој. Додаде дека САД прават колку што можат да се оценат овие извештаи. -Работиме со Украинците да се соберат повеќе информации. Но не можеме да кажеме конкретно што се случило, изјави Кирби. -Тоа што е јасно е дека штетата за украинскиот народ е значителна. Браната обезбедува вода како за наводнување на регионот и за наводнивање на Крим, така и за хидроелектраната но и за нуклерната централа Запорожје, рече тој и додека дека САД со олеснување ја примиле веста од директорит на Меѓународната атомска агенција дека нема непосреден ризик по безбедоста на таа централа. (МИА)

Кирби: И да објави технички банкрот, САД ќе продолжат да доделуваат финансиска помош на Украина

Ивона Петрова — Fri, 12 May 2023 19:09:07 +0000

Во случај и да преминат во состојба на технички банкрот, САД ќе можат да ја помагаат финансиски Украина до крајот на фискалната година (30 септември), а на сметка на средствата доделани од Конгресот, изјави денска Џон Кирби, портпарол за стратешки комуникации на Соетот за безбедност во Белата куќа. Демократите и републиканците не успеваат да договорат зголемување на плафонот на јавниот долг на САД, неопходен законски потег за најголемата светска економија да продолжи да ги плаќа своите обврски, своите службеници и своите доверители. -Што се однесува до подршката за Украина, во случај на неисплата на обврските, тоа ќе зависи од асигнациите што лани ни беа доделени од Конгресот. Ние сеуште можеме да ги ставиме во дејствие тие доделени средства и очекуваме дека можеме да продолжиме да го правиме тоа до крајот на оваа фискална година, изјави Кирби на денешниот брифинг за новинарите, на прашање од новинар како САД ќе ја корегираат подршката за Украина во случај на технички банкрот. Државниот долг на САД моментално е во висина од 31.4 трилиони долари. Министерството за финансии презеде вонредни мерки бидејќи веќе е постигнат плафонот за заеми, во спротивно, ако нема договор до 1 јуни, ќе биде објавена неможност за исплата на обврските. Администрацијата на претседателт на САД бара од Конгресот подигање на плафонот на државниот долг на што се противат републиканците, кои го контролираат долниот дом на Конгресот: тие не се против подигање на лимитот на државниот долг, но само под услов кратење на државните расходи. Разговорите за ова чувствително прашање сеуште траат.

Кирби: Загубите на Русија во борбите за Бахмут се над 100.000 убиени и ранети

Ивана Ефремовски — Tue, 02 May 2023 05:46:41 +0000

Белата куќа синоќа објави разузнавачки информации за тоа дека руските загуби во борбите за Бахмут во изминатите пет месеци достигнале отприлика 100,000 убиени и ранети. Џон Кирби, координатор за стратешки комуникации на Советот за наципнална безбедност при Белата куќа соопшти дека бројката, базирана на проценки од американското разузнавање, вклучува повеќе од 20,000 загинати, половина од нив од приватната воена компанија „Вагнер“, која регрутираше затвореници по руските затвори. -Пропаднаа обидите на Русија да изврши офанзива во Донбас, пред сѐ преку Бахмут. Русија не може да окупира реална и стратешки суштествена територија, рече Кирби. Според него, руската војска можеби постигнала одреден успех во Бахмут, но тоа е постигнато по „ужасна, ужасна цена“ и украинската одбрана во регионот останува силна. -Русија ги истошти своите воени резерви и вооружени сили, и тоа уште од декември, според нашите процени, Русија понесе над стоилјадни загуби, вклучувајќи повеќе од 20.000 убиени во бој, од кои речиси половина се војници-вагнеровци, изјави Кирби. -Овие цифри едноставно се запрепастувачки, истакна тој, додавајќи дека руските загуби во Бахмут се трипати повеќе од американските загуби во битката за Гуадалканал за време на Втората светска војна. Кирби рече дека наскоро ќе биде објавено за уште еден пакет американско оружје за Украина. (МИА)

Кирби: Нема знаци дека Русија ќе употреби нуклеарно оружје

Ивана Ефремовски — Wed, 02 Nov 2022 13:21:13 +0000

САД не забележуваат ниту еден знак дека Русија се подготвува да употреби нуклеарно оружје, изјави денеска портпаролот на Белата куќа, Џон Кирби. Тој рече дека нема посебен коментар за написот на „Њујорк Тајмс“ дека Русија наводно подготвува нуклеарни напади. „САД континуирано ги следат чекорите на Москва откако Русија спомена можна употреба на нуклеарно оружје, а во моментов нема индиции дека такво нешто се подготвува“, посочи Кирби.

Кирби: Следните денови Украина ќе доби нова помош од САД

Ивана Ефремовски — Wed, 31 Aug 2022 19:36:32 +0000

Портпаролот на Пентагон, Џон Кирби денеска најави дека следните денови ќе има нова американска помош за Украина. -Водени од желбата да им обезбедиме на (Украинците) средства неопходни за победа на бојното поле, веќе ветивме повеќе од 13 милијарди долари воена помош за украинските сили. Ќе продолжиме со нашата поддршка и во следните денови ќе објавиме поголема помош, истакна Кирби. На Денот на независноста на Украина, 24 август, американскиот претседател Џо Бајден соопшти дека Киев ќе добие американска помош во износ од речиси три милијарди долари. (МИА)