Џон Ленон – Kurir.mk

Најавена нова песна на „Битлси“, денес ќе го чуете гласот на Џон Ленон

Ивана Ефремовски — Thu, 02 Nov 2023 09:21:22 +0000

Нова песна на „Битлс“, произведена со мала помош од вештачката интелигенција и со вокалот на Џон Ленон, ќе биде објавена денеска, повеќе од четири децении откако првично била снимена како демо-трака. „Now And Then“ (Сега и тогаш), е една од неколкуте песни на касета што Ленон ги снимил за Макартни во својот дом во Њујорк, 1979 година - една година пред неговата смрт. Снимката на Макартни му ја подарила вдовицата на Ленон, Јоко Оно во 1994 година. Напишана и испеана од Ленон во 1978 година, песната ја завршија неговите колеги од поп-рок бендот, Пол Макартни и Ринго Стар - и ВИ. Макартни (81) го најави објавувањето на песната во јуни, во видео под наслов „Последната песна на Битлс“.

Пол Макартни за Битлси, откри кој член е виновен за распадот

Ивона Петрова — Mon, 11 Oct 2021 08:35:49 +0000

Пол Макартни изнесе бомбастично тврдење, дека починатиот Џон Ленон е виновен за распадот на Битлси. Познатиот рокер вели дека Ленон еден ден само дошол и кажал дека заминува од групата. -Не го покренав јас растурањето. Тоа беше Џони, вели Макартни. Фановите на бендот долго време расправаа за одговорноста, а многумина го обвинуваа токму Макартни. Меѓутоа рокерот вели дека желбата на Ленон за слобода била главна причина за распадот на легендарниот бенд.

Убиецот на Џон Ленон по 40 години и се извини на Јоко Оно

Магдалена Андонова — Tue, 22 Sep 2020 17:20:22 +0000

Во 1980 година, Чепмен го застрела Ленон четири пати пред неговиот стан во Менхетен, додека Оно била таму. Минатиот месец, судот го одби неговото барање за условно ослободување по 11-ти пат, пишува Би-Би-Си. За време на сослушувањето, Чепмен рече дека ја убил 40-годишната sвезда поради слава и дека заслужува смртна казна. Тој додаде дека цело време размислувал за грозоморниот чин и прифаќа дека може да го помине остатокот од својот живот во затвор. -Само сакам да повторам дека жалам за моето злосторство“, рече Чепмен пред одборот за помилување во затворот Венде во американската држава Њујорк. "Немам изговор. Тоа беше за моја слава. Мислам дека тоа е најлошото злосторство што може да го сториш на некој што е невин.Тој беше исклучително познат. Јас не го убив поради неговиот карактер или за тоа каков човек беше. Тој беше семеен човек. Тој беше икона. Тој беше некој што зборуваше за работи за кои можеме да зборуваме сега и тоа е одлично.Го убив, да го употребам твојот збор, бидејќи тој беше многу познат и тоа е единствената причина. Бев желен за слава и многу себичен. Сакам да го додадам и да го потенцирам. Тоа беше исклучително себичен чин. Жал ми е за болката што и ја предизвикав на Оно. Мислам на тоа цело време. Пред пет години, јапонската уметничка, сега на 87 година, која се спротивстави на какво било негово барање за ослободување, за Дејли бист изјави дека живее во страв да дека ќе излезе од затвор. -Ако го сторил тоа еднаш, можеше да го стори повторно, на некој друг. Може да бидам јас, може да биде Шон (нејзиниот син), Секој може, па затоа сум загрижена, рече Оно. Документите од последното рочиште што го одржа Здружението за печат откриваат дека комитетот го одбил неговото ослободување со образложение дека тоа би било „некомпатибилно со благосостојбата на општеството“. Чепмен имал 25 години кога го убил Ленон. Денес има 65 години, тој е оженет и неговата сопруга живее во близина на затворот каде што е затворен последните осум години. На сослушувањето, тој се опиша себеси како длабоко религиозен и побожен христијанин. Чепмен е исто така службеник во посебен дел од затворот, каде што е сместен заради сопствена безбедност. Убиецот на Ленон го носел романот „Ловец на жито“ од Селинџер кога го извршил убиството. Говорејќи за тоа, рече дека се идентификувал со изолацијата и осаменоста на главниот лик. Тој додаде дека заслужува смртна казна, што е укината во Њујорк во 2007 година, додека последен пат била извршена во 1963 година. -Кога свесно планирате нечие убиство и знаете дека не е во ред и го правите тоа за себе, тоа е според мене е за смртна казна, рече Чепмен. -Некои не се согласуваат со мене, но секој добива втора шанса. На прашањето дали правдата е задоволена, Чепмен рече дека не заслужува ништо. -Ако законот и вие одлучите да ме оставите овде до крајот на мојот живот, не се жалам. Во својата одлука, Комитетот за поправки и надзор на заедницата во Њујорк соопшти дека смета дека изјавата на Чепмен дека „срамот носи слава“ е вознемирувачка и препорачува „личен раст и продуктивно користење на времето“. Комитетот исто така забележа дека „себичниот чин на Чепмен им ја украде можноста на идните обожаватели да ги искусат зборовите на инспирација што овој уметник им ги дал на милиони луѓе“. -Вашиот насилен чин предизвика уништување не само на семејството и поранешните членови на бендот, туку и на целиот свет, се додава во одлуката. Чепмен следниот пат ќе се квалификува за условно ослободување по две години.

Убиецот на Џон Ленон ѝ се извини на Јоко Оно

Ивона Петрова — Tue, 22 Sep 2020 09:33:55 +0000

Убиецот на Џон Ленон, Марк Дејвид Чепмен, по 40 години од убиството, ѝ се извини на Јоко Оно – вдовицата на славниот член на групата „Битлс“. На Чепмен (65) пред скоро еден месец по 11-ти пат му беше одбиено барањето за условно пуштање од затвор. Тој издржува доживотна казна и ќе остане зад решетки уште најмалку две години, кога повторно ќе има право да бара условно ослободување. Според записниците од последното сослушување, тој пред судските власти изјавил дека го извршил убиството поради слава за себе. – Сакам да го додадам и да го нагласам тоа. Тоа беше крајно себичен чин. Жалам за болката што ѝ ја нанесов нејзе (на Оно). Постојано мислам на тоа, вели Чепмен. Тој го уби Ленон со пиштол на 8 декември 1980 година пред зградата Дакота во Њујорк.

Овие ѕвезди имаа проблеми со законот, а ретко кој знае за тоа: Погледнете за кого ФБИ собирале тајни информации! (ФОТО)

Ивана Ефремовски — Fri, 06 Sep 2019 08:00:25 +0000

Низ годините, ФБИ имаат собрано тајни информации за милиони луѓе ширум светот, а славните очигледно не се исклучок. Многу актери, музичари и познати имиња во светот на шоу бизнисот биле „на мета“ на истражувањата на ФБИ поради сомнеж за криминал. За овие ѕвезди со сигурност се знае дека имале досие:

Витни Хјустон

Поради турбулентната историја со дрога, големи суми на пари, бурни романси, како и анонимни писма, во ФБИ будно се следело нејзиното име.

Стив Џобс

Во 1991 година ФБИ направиле истражување на Џобс, кога постоела можност да се сретне со тогашниот претседател на САД.

Мерилин Монро

Со оглед на тоа што Мерилин била подвижна мистерија околу која постојано имало прашина и била поврзувана со значајни имиња, не е ни чудо што имала отворено досие.

Волт Дизни

Волт Дизни и ФБИ имале „комплицирана врска“ преку 30 години.

Чарли Чаплин

Чарли Чаплин имал прилично долго досие, кој од непознати причини бил воедно сметан за закана за националната безбедност.

Џон Ленон

Популарноста во ’60-тите му донела можност да биде „погласен“ и на тема политика, па поради активизмот на тоа поле во неколку наврати бил тема на тајни истражувања.

Мајкл Џексон

Сите сме сведоци на темната страна која го следеше со години, како и шпекулациите за секакви бизарни навики, па во овој случај не нè чуди информацијата дека постои ФБИ досие со негово име.

Убиецот на Џон Ленон по 30 години конечно изговори нешто што многумина чекаа

Ивона Петрова — Mon, 19 Nov 2018 21:34:36 +0000

Марк Дејвид Чепмен, убиецот на Џон Ленон, на кој во август судот за помилување по десетти пат го одби неговото барање за пуштање на условна слобода, конечно рекол дека се срами поради она што го направи, пишува Ролинг Стоунс. “Пред 30 години не можев да речам дека се срамам, но сега знам што е срам”, рекол Чепмен на сослушувањето. Како што пренесува Associated Press, додал дека како што поминувале годините, сè повеќе жалел за тој чин. Иако сослушувањето пред судот во Њујорк било одржано во август, извештајот е објавен пред неколку дена. Судот го одби неговото барање, со образложение дека тоа би ја ублажила сериозноста на неговото злодело и би можело да ја згрози јавноста во случај некој да го нападне поради одмазда. На сослушувањето ги прераскажа настаните од 8 декември 1980 година кога успеал да земе автограм од Џон Ленон и го убил неколку часа подоцна. Рекол дека се борел со одлуката дали да го убие или не, со оглед на тоа дека Ленон бил многу љубезен кон него. “Премногу бев опседнат со таа идеја. Се сеќавам дека помислив: “Еј, доби автограм на албумот, ти го потпиша, само оди дома”. Но, не постоеше шанса само така да си заминам дома”, рекол Чепмен. Убиството сега се смета за бесмислено и истакнува дека само сакал популарност и дека не чувствувал никакво непријателство кон покојниот член на Битлси. Сепак, одлучил да употреби шупливи куршуми кои се посмртоносни од обичните. “Се осигурав дека куршумите ќе го убијат. Веднаш после злосторството бев загрижен да не страда”, рекол. На Чепмен последниот пат кога му го одбиле барањето било во 2016 година. Тогаш судот даде слично објаснување, истакнувајќи дека неговото пуштање на слобода не е во согласност со општеството и дека на тој начин ќе се омаловажи злоделото и дека тоа е поигрување со законот. Вистина.мк

Пред 38 години ја уби најголемата музичка ѕвезда: Погледнете како денес изгледа убиецот на Џон Ленон

Ивана Ефремовски — Fri, 24 Aug 2018 15:21:45 +0000

На убиецот на Џон Ленон по десети пат му е одбиено барањето да биде пуштен на условна слобода. На затвореното сослушување вчера било одлучено дека тој се уште е непогоден за вклучување во општеството. 63-годишниот Марк Дејвид Чепмен на 8-ми декември 1980-та година го уби членот на популарната музичка група „Битлси“, пукајќи четири пати во неговиот грб, додека Ленон се враќал во својот дом пред Дакота зградата на Менхетн. Како што пренесуваат американските медиуми, убиецот бил сослушан од група на тројца луѓе кои што уште еднаш одлучиле да не биде пуштен на условна слобода. Чепмен има право уште еднаш да поднесе барање, 11-ти пат по ред за две години, односно во 2020-та година кога ќе има 65 години. Убиецот на Џон Ленон издржува доживотна казна со можност за помилување после 20 години зад решетки во затворот Атика. Чепмен тогаш изјавил дека е љубоморен на славата на Џон Ленон и сметал дека тој е обичен измамник. Опсесијата го довела до убиство на музичарот роден во Ливерпул, пред неговата зграда во Њујорк, додека бил со сопругата Јоко Оно. Чепмен и во 2016-та година поднел барање за пуштање на слобода, но тогаш судијата донел одлука дека поради „природата на злосторството направено со предумисла“, Чепмен е се уште несоодветен за враќање во јавниот живот. Сопругата на Џон Ленон, неодамна во писмо открила дека се плаши за безбедноста на нивните двајца синови која би можела да биде загрозена доколку Чепмен биде пуштен на слобода. Таа исто така порачала дека Чепмен може да биде на мета на бесните фанови на Џон Ленон. Покрај тоа, мајката на убиецот, Рејти Бретелер се плаши дека нејзиниот син би можел да ја убие затоа што бил одвоен од неговиот татко. Чепмен често ѝ пишувал на својата мајка од затвор, прашувајќи ја за неговиот татко. Откако неговиот татко починал, но на својата мајка не ѝ испратил ниту едно писмо.