Мекинро: Ѓоковиќ заслужува многу повеќе почитување

Катерина Бојаџиева — Sat, 28 Jan 2023 14:17:44 +0000

Тенисот што го игра Србинот Новак Ѓоковиќ се потценува, оцени легендарниот американски тенисер Џон Мекинро, додавајќи оти освојувачот на 21 грен – слем титули заслужува поголемо почитување од публиката. -Роџер Федерер и Рафаел Надал се меѓу најталентираните и најценети играчи кои некогаш сме ги виделе. За мене, Роџер играше најубав тенис, додека интензитетот на Рафа е неверојатен. Меѓутоа, Новак направи фантастична работа „вмешувајќи“ меѓу нив двајца и веројатно во еден момент обајцата ќе ги надмине, изјави Мекинро. Легендарниот американски тенисер додаде дека стилот на игра на Ѓоковиќ се потценува. -Неговиот стил на игра е технички исклучително цврст, а неговата ментална сила, исто така, е импресивна, истакна Мекинро. Ѓоковиќ утре против Гркот Стефанос Циципас ќе игра во финалето на Австралија опен и со победа по десетти пат ќе триумфира во Мелбурн и ќе ја освои 22. грен – слем титула со што би го израмнил рекордот на Рафаел Надал.

Мекинро: Трамп ми понуди еден милион долари да играм против Серена Вилијамс!

Дарко Андоновски — Thu, 10 May 2018 12:21:32 +0000

Американската тениска легенда и поранешен број 1 во светот, Џон Мекинро направи интересно признание во емисијата „In Depth with Graham Bensinger“, која се прикажува на Ен-Би-Си. Toј изјави дека пред повеќе години, Доналд Трамп во својство на промотор му понудил еден милион долари за да одигра натпревар со Серена Вилијамс или нејзината сестра Венус. - Добив писмо од Доналд Трамп, кој тогаш беше промотор и никој не замислуваше дека еден ден ќе стане претседател на САД. Ова е можеби најлудиот случај во историјата на САД. Во него пишуваше дека ми нуди еден милион долари за натпревар против Серена или Винус. Никогаш во животот не сум сакал да излезам на терен против жена, па затоа одбив, изјави легендарниот американски тенисер. Тој сподели и какви шанси би имал против Серена Вилијамс, доколку излегол на дуел против неа. - Сега не сум толку сигурен како тогаш, дека ќе победам, бидејќи сум постар. Но, тогаш немав сомнеж, бидејќи бев светски број еден, воопшто не бев лош играч. Но, моите деца не веруваа дека би можел да ја победам Серена, дури и тие не беа на моја страна, се пошегува Мекинро.

џон мекинро – Kurir.mk

Мекинро: Ѓоковиќ заслужува многу повеќе почитување

Мекинро: Трамп ми понуди еден милион долари да играм против Серена Вилијамс!