Џон Саливан – Kurir.mk

Американскиот амбасадор во Москва: САД и Русија на крајот повторно ќе воспостават нормални односи

Тале Кристо — Thu, 24 Mar 2022 16:50:21 +0000

САД и Русија на крајот ќе ги вратат нормалните односи, можеби не наскоро, но тоа ќе се случи, изјави денеска американскиот амбасадор во Москва, Џон Саливан. -Апсолутно не сум добар во предвидувањето на иднината, но ќе направат едно предвидување – и тоа не е предвидување, само знам: на крајот, Русите и Американците повторно ќе воспостават нормални односи. Можеби не оваа година, можеби не следната, но тоа ќе се случи. Се надевам дека тоа ќе го доживеам, изјави американскиот дипломат во интервју за „Новаја газета“.

Претседателот Иванов оствари средба со заменикот државен секретар на САД

Ивана Ефремовски — Tue, 18 Dec 2018 16:32:04 +0000

Претседателот на Република Македонија, Ѓорге Иванов, денеска оствари средба со Џон Саливан, заменик државен секретар на Соединетите Американски Држави. На средбата беа разменети мислења за тековните политички случувања во Република Македонија, за евроатлантските перспективи на земјата и за актуелните случувања во регионот. Македонскиот претседател истакна дека европските и евроатлантските интеграции остануваат стратешки цели и највисоки приоритети на Република Македонија. -Секогаш сум бил силен и гласен поддржувач на стратешките приоритети на Македонија, а тоа е целосна интеграција во ЕУ и НАТО. Но, членството во ЕУ и НАТО не смее да се злоупотребува за прифаќање на договор со кој се отвораат многу повеќе прашања, отколку што се затвораат, истакна на средбата претседателот Иванов. Македонскиот претседател потенцираше дека Република Македонија останува стратешки партнер на САД и изрази благодарност за целокупната поддршка и помош во модернизацијата и едукацијата на Армијата на Република Македонија, со цел постигнување на НАТО стандардите. Двајцата соговорници разменија мислења и информации за актуелните предизвици со кои се соочуваат земјите од Западен Балкан.

Иванов ќе оствари средба со Саливан

Ивона Петрова — Tue, 18 Dec 2018 08:24:36 +0000

Претседателот на Република Македонија, Ѓорге Иванов, денеска, вторник, ќе го прими Џон Саливан, заменик државен секретар на Соединетите Американски Држави. Средбата е закажана во 15:30 часот.

Заменик-државниот секретар на САД Саливан денеска во Македонија

Ивона Петрова — Tue, 18 Dec 2018 06:46:54 +0000

Заменик-државниот секретар на САД Џон Саливан денеска ќе престојува во посета на Скопје. Саливан ќе се сретне со премиерот Зоран Заев, по што ќе одржат прес-конференција во Владата на Република Македонија. Неговата посета е во рамки на турнејата низ повеќе европски метрополи, меѓу кои, освен Скопје, ќе ги посети и Братислава, Виена, Софија, Сараево и Варшава. Саливан е највисок функционер на Стејт департментот кој од 2001 година доаѓа во официјална посета на Македонија. Во Скопе планирано е Саливан да разговара за регионалните прашања, а според најавата од Стејт департментот, и да ги охрабри македонските власти да продолжат со реформите на земјата и имплементацијата на Договорот од Преспа, од јуни годинава. За време на својата куса посета на европските дестинации, заменик шефот на Стејт департментот, исто така, ќе има средби со персоналот во американските амбасади во секоја од овие земји, како и со претставници на бизнис заедниците, алумни од американските програми за размена и граѓанското општество. МИА

Заменик-државниот секретар на САД Саливан утре во Македонија

Ивона Петрова — Mon, 17 Dec 2018 09:26:54 +0000

Заменик-државниот секретар на САД Џон Саливан утре ќе престојува во посета на Скопје. Саливан ќе се сретне со премиерот Зоран Заев, по што ќе одржат прес-конференција во Владата на Република Македонија. Неговата посета е во рамки на турнејата низ повеќе европски метрополи, меѓу кои, освен Скопје, ќе ги посети и Братислава, Виена, Софија, Сараево и Варшава. Саливан е највисок функционер на Стејт департментот кој од 2001 година доаѓа во официјална посета на Македонија. Во Скопе планирано е Саливан да разговара за регионалните прашања, а според најавата од Стејт департментот, и да ги охрабри македонските власти да продолжат со реформите на земјата и имплементацијата на Договорот од Преспа, од јуни годинава. За време на својата куса посета на европските дестинации, заменик шефот на Стејт департментот, исто така, ќе има средби со персоналот во американските амбасади во секоја од овие земји, како и со претставници на бизнис заедниците, алумни од американските програми за размена и граѓанското општество. МИА

Џон Саливан, заменикот на Помпео, следната недела во Скопје

Ивана Ефремовски — Wed, 12 Dec 2018 07:37:50 +0000

Заменик државен секретар на американскиот Стејт департментот, Џон Саливан, од денеска во следните осум дена, ќе посети повеќе европски метрополи, меѓу кои следната недела ќе престојува и во Скопје. Заменикот на шефот на американската дипломатија во следните осум дена ќе престојува во Братислава, Виена, Софија, Сараево, Скопје и Варшава. Саливан во Скопје ќе пристигне на 18 декември, како највисок функционер на Стејт департментот кој од 2001 година доаѓа во официјална посета на Макеоднија. Во Скопе планирано е Саливан да разговара за регионалните прашања, но според најавата од Стејт департментот и да ги охрабри македонските власти да продолжат со реформите на земјата и имплементацијата на Договорот од Преспа, од јуни годинава. За време на својата куса посета на европските дестинации, американскиот заменик шеф на Стејт департментот, исто така, ќе има средби со персоналот во американските амбасади во секоја од овие земји, како и претставници на бизнис заедниците, алумни од американските програми за размена и граѓанското општество.