џон тери – Kurir.mk

Тери пред промоција на клупата на саудиски Ал Шабаб

Тале Кристо — Thu, 07 Sep 2023 18:31:44 +0000

Поранешниот капитен на Челзи и на англиската фудбалска репрезентација Џон Тери е на чекор да ја преземе тренерската должност во саудискиот клуб Ал Шабаб, јавија денеска британските медиуми. Според лондонскиот весник „Сан“, Тери постигнал устен договор со клубот, кој по воведните пет кола во саудиското првенство е на претпоследното, 17., место на табелата. Тери (42) има едногодишен договор и работи како консултант во академијата на Челзи, но медиумите посочуваат дека лондонскиот премиерлигаш нема да му прави проблем во знак на почит кон неговите заслуги за клубот, чиј дрес го носеше речиси две децении. Во својата тренерска кариера Тери досега беше помошник во Астон Вила на Дин Смит.

Џон Тери ќе купува 10% акции во Челси

Бошко Тасиќ — Sun, 20 Mar 2022 07:29:20 +0000

Легендарниот капитен на Челси и фудбалска легенда, Џон Тери, ќе се придружи на конзорциумот „True Blue“, во намерата да купи 10% од акциите на клубот, со цел тие да им припаднат на навивачите.Намерата на конзорциумот е средствата за купување на акциите, да се добијат од сите заинтересирани навивачи. На навивачите ќе им биде овозможен влез во оваа приказна со 100 фунти од секој навивач. Со таквиот потег, навивачите на Челси преку Џон Тери ќе инсистираат да го кажат својот збор во трансфер политиката на клубот при новото ракоцодство. „Челси е важен дел од мојот живот, овде бев 22 години. Сакам да видам како клубот останува во наследство и да влеземе во нова ера со луѓе кои имаат долгорочна визија“, порача Тери.

Тери со коментар за заминувањето на Абрамович од Челси

Ристе Здравков — Thu, 03 Mar 2022 07:59:44 +0000

Роман Абрамович потврди дека планира да го продаде Челси и да се повлече од фудбалската сцена, а оваа информација стана топ тема на светската фудбалска сцена. Инвестициите на рускиот милијардер му донесоа многу трофеи на Челси, кој е и актуелен европски шампион, но наскоро ќе стартува нова ера со друг сопственик. Коментарите на оваа тема ќе бидат актуелни наредниот период, а меѓу првите реагираше и поранешниот капитен на Челси, Џон Тери. – Ти благодарам, Роман. Најдобар сопственик во светот, – искоментира Тери преку социјалните мрежи. Абрамович најави дека парите од продажбата на Челси ќе ги донира за настраданите семејства во војната во Украина.

Џон Тери сака да биде менаџер

Ивона Петрова — Wed, 10 Oct 2018 16:15:57 +0000

Фудбалерот Џон Тери изјави дека сака да биде менаџер, но ја отфрли варијантата да застане на чело на Астон Вила по разрешувањето на Стивен Брус. Триесетиседумгодишниот поранешен англиски репрезентативец го објави неговото повлекување од фудбалот во понеделникот. - Подготвен сум за следното поглавје од мојот живот. Ајде да видиме што ќе ми донесе иднината. Се надевам дека ќе имам барем половина успеси кои ги имав како фудбалер. Франк (Лампард) е мој добар пријател. Го видов пред неколку дена. Мојата желба е иста како неговата - да бидам менаџер. Го посакувам тоа долго време, изјави Тери за Скај Спортс. Во неговите 23 години во фудбалот( од кои 22 во Челзи), Џон Тери одигра 717 натпревари за првиот тим на „сините“ во кој постигна 65 гола. Тери стана капитен на тимот од „Стемфорд Бриџ“ денови пред да наполни 21 година и го напушти клубот 22 години подоцна. Тој освои пет титули во Англија, пет ФА Купа и 3 Лига Купови. Со тимот од Лондон, тој ги крена и трофеите во Лигата на Шампионите во 2012 година и Лига Европа во 2013 година. Во сезоната 2017/18 година, Тери премина во второлигашот Астон Вила, за кој запиша 32 средби. Џон Тери е дел од историјата на националниот тим на Англија, откако има 78 дуели за „Трите лава“ во периодот 2003-2012 година. МИА

Тери ја заврши својата фудбалска кариера

Предраг Кукиќ — Mon, 08 Oct 2018 08:32:15 +0000

Поранешниот капитен на англиската репрезентација и на тимот на Челзи, Џон Тери одлучи да ја заврши својата кариера на возраст од 38 години. Договорот на Тери со англискиот второлигаш Астон Вила истече летото. Тој имаше понуди од Спортинг Лисабон, Спартак Москва и клубови од Кина, но се реши да стави крај на професионалното играње фудбал. Тери сака да се посвети на тренерската работа. Се шпекулира дека во Астон Вила, би можел да почне како асистент на тренерот Тиери Анри. Зад себе Тери има 23 години во англискиот фудбал од кои 22 во дресот на Челзи. Со „сините“ од Лондон освои пет титули во Премиер лигата, Лигата на шампионите, Лигата на Европа, четири ФА купа, и три Лига купа. Со 717 одиграни натпревари е трет на вечната листа по број на настапи за Челзи. Џон Тери има одиграно 78 натпревари за Англија. (МИА)

Џон Тери се враќа во Челзи, ќе го предводи младинскиот тим

Предраг Кукиќ — Sun, 30 Sep 2018 09:21:42 +0000

Поранешниот фудбалер на Челзи, Џон Тери ќе го предводи младинскиот тим на клубот до 23 години, пренесе „Мирор“. На оваа позиција, тој го заменува Џоди Морис, кој сега работи со Френк Лампард во Дерби Каунти. Триесет и седум-годишниот Тери ќе добива по 800.000 фунти за сезона. Тери играше за Челзи од 1998 до 2017 година, а потоа помина една сезона во Астон Вила. Во септември, Џон Тери беше пред потпишување договор со Спартак Москва. Во последен момент, сепак тој ја одби понудата. Англичанецот рече дека ја донел одлуката откако разговарал со своето семејство. (МИА)

Џон Тери поради семејството ја одби понудата на Спартак Москва

Предраг Кукиќ — Wed, 12 Sep 2018 18:45:12 +0000

Легендарниот англиски фудбалер Џон Тери ја одби понудата на Спартак од Москва, а како причина за оваа одлука се наведува неговата желба повеќе време да минува со семејството. Тери викендов ги помина медицинските прегледи и требаше да потпише едногодишен договор со рускиот клуб, но работата во последен момент се изјалови. - Спартак е многу амбициозен клуб и импресиониран сум од нивниот професионализам. Но по разговорите со моето семејство, одлучивме дека тоa во моментов не е најдобар потег зa нас, истакна 37-годишниот фудбалер. Летово на Тери му истече договорот со Астон Вила и како слободен играч можеше да премине во Спартак. (МИА)

Џон Тери ќе ја продолжи кариерата во Спартак Москва

Ивона Петрова — Sat, 08 Sep 2018 16:50:03 +0000

Легендарниот англиски фудбалер Џон Тери денеска ги помина медицинските прегледи во Спартак од Москва и наскоро ќе потпише едногодишен договор со рускиот клуб. Иако се очекуваше тој да стави крај на фудбалската кариера или последните сезони да ги помине во Кина или САД, сепак 37-годишниот фудбалер направи неочекуван чекор и ќе се впушти во прва интернационална авантура. Тери во Москва доаѓа како замена на Самуел Жиго, кој поради тешка повреда ја заврши сезоната. Спартак минатата сезона заврши на третата позиција во руското првенство, а сезонава се натпреварува и во Лига Европа. За Тери рускиот клуб ќе биде само трет во неговата кариера по Челзи и Астон Вила.

Најпознатиот англиски фудбалер изнајмил приватен остров само за него и сопругата за да може да се фотографираат голи (ФОТО)

Дарко Андоновски — Thu, 19 Jul 2018 12:44:29 +0000

Легендарниот фудбалер Џон Тери одлучил заедно со својата сопруга да изнајмат приватен остров на Малдивите.

It was our pleasure to have you with us @johnterry.26 We hope you and your family had a fabulous time ? ? @johnterry.26

A post shared by Coco Privé Private Island (@cocopriveprivateisland) on Jun 20, 2018 at 10:24am PDT

Фудбалерот на Астон Вила и неговата сопруга Тони овие денови уживаат во рајското опкружување на Малдивите, а тоа е доволен повод парот да се раскомоти и да не размислува на папараците, ниту за другите туристи, но не и доволен повод за да бидат присутни во медиумите.

Remembering my morning view @cocopriveprivateisland Mr T always making me smile @johnterry.26 ? ?

A post shared by Toni Terry (@toniterry26) on Jul 14, 2018 at 12:41pm PDT

Имено на својот Инстаграм профил сопругата на Тери секојдневно објавува провокативни фотографии кои предизвикуваат голема медиумска фама.

Think I need to work on my tan lines ??

A post shared by Toni Terry (@toniterry26) on Jul 17, 2018 at 1:54pm PDT