Џон Траволта – Kurir.mk

Oделото на Џон Траволта oд „Треска на саботната вечер“ оди на аукција

Ивона Петрова — Fri, 07 Apr 2023 09:32:07 +0000

Oделото на Џон Траволта oд американскиот филм „Треска на саботната вечер“ (Saturday Night Fever) од 70-тите, оди на продажба. Имено, можеби најпознатите три парчиња полиестер во филмската историја овој месец одат на наддавање во аукциската куќа „Џулиен'с“ во Калифорнија, на 22 и 23 април. „Крилестото“ бело одело, панталоните-ѕвонарки, појасот и, веројатно - „неисцрпниот извор“ на статички електрицитет, се очекува да достигне 200.000 долари или повисока цена. - Мислам, ова беше диско-ерата!, нагласи извршниот директор на „Џулиен'с“, Мартин Нолан. - Ова е она што го паметиме. Кога луѓето зборуваат за диско, сите ја имаме на ум „Треска на саботната вечер“... Ги имате предвиди „Би џис“, Џон Траволта, додава тој. Понудата е една од околу 1.400 предмети од последните над 100 години кинематографија. Меѓу другите сувенири е и бастунот на Чарли Чаплин, скејт-даската од „Враќање во иднината III“ и оригиналната наметка што ја носела глумицата Теда Бара во „Клеопатра“ од 1917 година. Обожавателите на „Хари Потер“ ќе може да наддаваат разни реквизит-стапчиња, а ќе има и костими од „Џон Вик“, „Бетмен“, „Железниот човек“ и „Војна на ѕвездите“.

Џон Траволта на својата покојна сопруга и посвети емотивна објава: „Ни недостигаш“ (ФОТО)

Магдалена Андонова — Fri, 14 Oct 2022 07:25:30 +0000

Американскиот глумец Џон Траволта (68) ѝ посвети емотивна објава на Инстаграм, на својата покојна сопруга Кели Престон, која почина 2020 година од рак на дојка. Да беше жива, овој 13 октомври Кели ќе го прославеше својот 59. роденден. - Среќен роденден на мојата омилена партнерка за танц! Те сакаме и ни недостасуваш, Кели, напиша Траволта покрај нивна заедничка фотографија. Во коментарите под објавата, бројни пријатели, познати личности и обожаватели се јавија да му изразат поддршка и сочувство на глумецот. Траволта и Престон се запознале 1987 година на снимањето на филмот „Експерти“, а се венчаа четири години подоцна. Заедно имаат два сина и ќерка, а нивниот најстар син Џет почина во 2009., на 16-годишна возраст. (MИА)

Почина сопругата на Џон Траволта: Eве која е причината!

Тале Кристо — Mon, 13 Jul 2020 07:33:11 +0000

Сопругата на Џон Траволта, Кели Престон, почина по долга битка со рак на градите на 57-годишна возраст. На својот Инстаграм профил, сопругот Џон Траволта кажа дека неговата сопруга, која се има појавено во многу филмови како „Џери Мегвајер“ и „Што сака една девојка“, почина во неделата наутро. Траволта напиша: „Со тешко срце ви кажувам дека почина мојата преубава сопруга Кели, по две годишна битка со ракот. Таа храбро се бореше со многу љубов и поддршка од целото семејство“. Тој истакна дека им благодари на сите доктори кои се трудеа за Кели и упати убава порака кон неговата сопруга: - Љубовта на Кели секогаш ќе биде запаметена и јас ќе се тргнам за некое време од социјалните мрежи за да им помогнам на децата, која ја изгубија мајка им.

ФОТО: 41 година од филмот „Брилијантин“, Траволта и Оливија на повторна средба

Ивона Петрова — Mon, 16 Dec 2019 08:41:43 +0000

Актерите Џон Траволта и Оливија Њутн-Џон се појавија на повторната средба по повод 41-годишнина од филмот „Брилијантин“, во кој 1978 година глумеа заедно. Настанот се одржа во Вест Палм Бич во јужна Флорида, САД. – Првпат во вакви костими откако го снимивме филмот. Многу е возбудливо, напиша Оливија на својот профил на Инстаграм до фотографијата на којашто позира во легендарниот жолт комплет.

View this post on Instagram

Grease will ALWAYS be the word.

A post shared by John Travolta (@johntravolta) on Dec 15, 2019 at 3:10pm PST

Оливија инаку таа кожна јакна ја продаде во хуманитарни цели (за 250.509 долари), но анонимниот купувач ѝ ја врати и ја замоли да ја искористи за некој нов таков проект.

View this post on Instagram

#Grease is still the word. Opening night of #MeetNGrease at the @coralskyamp in West Palm Beach!

A post shared by John Travolta (@johntravolta) on Dec 13, 2019 at 8:48pm PST

Нема да го препознаете: Беше голем заводник, а денес славниот актер изгледа вака (ВИДЕО)

Ивана Ефремовски — Sat, 27 Jul 2019 12:03:44 +0000

Џон Траволта само сакаше да се добие автограм, но оваа желба го доведе на бизарно патување што не може да заврши добро - ова накратко е содржината на новиот филм „Фанатик", во кој 65-годишниот Траволта ја игра главната улога. Неговиот карактер Mус е целосно заслепен од акциската ѕвезда Хантер Данбар (кого го игра од 40-годишниот Девон Соу), а на патот до својот идол овој средовечен човек ништо нема да го запре, меѓу другото, од еден од папараците ја добива адресата на актерот и му се појави пред врата. -Еј, не можеш да се појавиш само така на мојот приватен имот! Слушај, пријателе, јас не знам како ме најде, но никогаш веќе не сакам да те видам во оваа населба, му се закани Хантер, не знаејќи што ќе му се случи по оваа неочекувана средба. Трејлерот за филмот Fanatic е објавен овие денови, а Џон Траволта во него навистина изгледа непрепознатливо. Ако се сеќавате на него како секси заводник во култниот „Брилијантин", дефинитивно ќе го запознаете во потполно поинакво светло. Филмот е во режија на Фред Дарст (48), а во американските кина ќе почне да се прикажува во август.

Траволта и Оливија Њутн танцуваа на 40-тиот роденден на „Брилијантин“

Ивона Петрова — Sun, 19 Aug 2018 07:46:13 +0000

Глумците Џон Траволта (64) и Оливија Њутн Џон (69) го прославија 40-тиот роденден на познатиот мјузикл „Брилијантин“, во кој ги играа главните улоги. Траволта и Оливија танцувале за време на свечената проекција на филмот. На проекцијата присуствувал и режисерот на филмот, Рендал Клајсер. Филмот „Брилијантин“ е адаптација на бродвејски мјузикл и изобилува со музички хитови.

Таа се бори со ракот, а тој нагло остаре: Како изгледаат денес Дени и Сенди од „Брилијантин“? (ФОТО)

Ивана Ефремовски — Fri, 02 Feb 2018 13:07:17 +0000

Оваа година се одбележуваат 40 години од првото прикажување на еден од најромантичните филмови на сите времиња – „Брилијантин“. Џон Траволта и Оливија Њутн-Џон, актерите кои влегоа во улогите на Дени и Сенди во култниот филм од 1978 година, се сретнаа повторно на гала во Лос Анџелес. 63-годишниот актер и 69-годишната актерка и пејачка заедно одржаа говор на сцената. Оливија во мај минатата година откри дека по вторпат се бори со рак. Имено, 25 години откако првпат ѝ бил дијагностициран рак на дојка, докторите откриле дека ракот се вратил и дека метастазирал во крстната коска. И покрај здравствените проблеми, Оливија со ведра насмевка освојува каде и да се појави. -Немам повеќе болки и среќна сум што можам да работам повторно, изјавила таа во ноември минатата година.