Џонс Хопкинс – Kurir.mk

„Џонс Хопкинс“: Во САД годинава од Ковид-19 починале повеќе луѓе отколку во 2020

Ивона Петрова — Thu, 07 Oct 2021 06:37:07 +0000

Ковид-19 во САД годинава веќе уби повеќе луѓе отколку во 2020 година. Од 1 јануари пријавени се повеќе од 353.000 смртни случаи од Ковид-19, околу илјада повеќе од ланските 352.000 за првите 10 месеци од пандемијата, покажуваат податоците на Универзитетот Џонс Хопкинс. Според медицински експерти, постојат клучни разлики меѓу двете години што би можеле да ја објаснат разликата. Професорката на Меѓународниот универзитет во Флорида и претседателка на Одделот за епидемиологија, д-р Мери Џо Трепка, за Њујорк Дејли Њуз изјави дека многу позаразната Делта варијанта го зголемила бројот на случаи, правејќи ги кумулативните збирови многу повисоки. Тоа е надополнето со недостиг на имунитет на стадото поради ниското ниво на вакцинација. – Многу луѓе беа изложени во услови на немање имунитет на стадо и присуство на делта варијантата која многу позаразна, рече Трепка за Дејли Њуз. Покрај тоа, истакна таа, масовна вакцинација немаше до пролетта, а најголемиот пораст оваа година беше во јануари, по празниците. Исто така, за разлика од 2020 година, оваа година немаше строго заклучување. – Коронавирусот не знае која година е, истакна д-р Дејвид Доуди, вонреден професор по епидемиологија на Блумберг школата за јавно здравје на Џонс Хопкинс. „И смртта во голема мера дојде во бранови“.

„Џонс Хопкинс“: Повеќе Американци починаа од коронавирус отколку од шпанскиот грип

Ивана Ефремовски — Tue, 21 Sep 2021 07:04:08 +0000

Во Соединетите Американски Држави од Ковид-19 починаа поголем број жители отколку од шпанскиот грип во периодот од 1918-1919 година, покажуваат податоците што ги објави Универзитетот „Џонс Хопкинс“. Според најновите податоци на Институтот, повеќе од 675.700 луѓе заразени со новиот коронавирус починаа во САД. Историчарите и Центарот за превенција и контрола на болести, главната американска агенција за јавно здравје, проценуваат дека од таканаречениот„шпански убиец“ настрадале најмалку 50 милиони луѓе ширум светот, вклучително и 675.000 во САД. Така, шпанскиот грип, барем во апсолутна вредност, ја загуби титулата најлоша пандемија во поновата историја на САД. Но, за разлика од Ковид-19, таа пандемија сериозно ги погоди возрасните групи како што се децата под пет години и луѓето помеѓу 20 и 40 години. (МИА)

САД: Вторпат за еден месец над илјада смртни случаи од Ковид-19

Ивона Петрова — Wed, 22 Jul 2020 07:26:18 +0000

Според податоците на универзитетот Џонс Хопкинс во Вашингтон, бројот на смртни случаи од Ковид-19 во САД е над илјада – по вторпат овој месец. До синоќа регистрирани се 1.056 смртни случаи и 62.752 новозаразени. Само на 7 јули, бројот на смртни случаи во САД надмина илјада, поточно 1.195, а според анализите на универзитетот бројот на смртни случаи од Ковид-19 беше поголем од илјада вкупно 59 пати за 202 дена од почетокот на пандемијата.