Џордан Хендерсон – Kurir.mk

Хендерсон и официјално соиграч со Велковски

Ристе Здравков — Thu, 27 Jul 2023 16:16:41 +0000

Капитенот на Ливерпул, Џордан Хендерсон од денеска и официјално е нов играч на Ал Етифак и кариерата ќе ја продолжи во Саудиска Арабија. Хендерсон ќе биде соиграч со македонскиот интернационалец Дарко Велковски, а тренер му е Стивен Џерард. Хендерсон потпиша договор на три години, а ќе заработува по 350.000 евра неделно, додека Ливерпул за трансферот ќе добие 13 милиони евра. Англискиот фудбалер имаше одлична кариера во дресот со премиерлигашот со кој освои седум титули, а притоа настапи на 330 меча и постигна 29 гола.

Хендерсон останува во Ливерпул до 2025

Ивона Петрова — Tue, 31 Aug 2021 09:48:48 +0000

Англискиот фудбалер Џордан Хендерсон до лето 2025 година го продолжи договорот со премиерлигашот Ливерпул за кој настапува уште од 2011 година. – Со текот на годините минати во овој клуб научив многу работи и станав подобра личност. Благодарен сум поради тоа на голем број луѓе, изјави Хендерсон по потпишувањето на новиот договор. За Ливерпул досега одигра 394 натпревари на кои постигна 30 голови, а играчот за врска со својот долгогодишен клуб освои и пет трофеи, вклучувајќи ја Лигата на шампиони и Премиер лигата. Претходно во кариерата, Хендерсон настапуваше за Сандерленд и Ковентри.

Ливерпул ќе му го продоложи договорот на Хендерсон

Бошко Тасиќ — Mon, 16 Aug 2021 19:22:16 +0000

Англискиот фудбалски тим Ливерпул постигна договор со капитенот Џордан Хендерсон за продолжување на соработката со овој фудбалер. Хендерсон ќе остане на „Енфилд“ и покрај најавите дека сака да го промени клубот, а клучна улога одиграл менаџерот Јирген Клоп. Репрезентативецот на „Гордиот Албион“ се согласил да потпише нов тригодишен договор со можност за уште една година во зависност од тоа колку натпревари ќе одигра во третата година.

Хендерсон ќе го пропушти дуелот со Арсенал

Магдалена Андонова — Fri, 25 Sep 2020 15:31:09 +0000

Играчот за врска и капитен на Ливерпул, Џордан Хендерсон, ќе го пропушти натпреварот од третото коло на Англија против Арсенал во сезоната 2020/21, изјави тренерот на „црвените“ Јирген Клоп. Исто така, Клоп зборуваше за состојбата на другите повредени играчи во тимот. Матип сè уште не се вратил на тренинзите. Мислам дека Гомез ќе започне да тренира денес, барем секој ми зборува за тоа. Што се однесува до Хендерсон, тој сè уште не е во редовите, рано е да се врати на теренот, кажа Клоп. Ливерпул в понеделник гостува кај Арсенал. (МИА)

Хендерсон прогласен за Фудбалер на годината во Англија

Магдалена Андонова — Fri, 24 Jul 2020 11:27:20 +0000

Капитенот на Ливерпул, Џордан Хендерсон е избран за фудбалер на годината во Англија, на најпрестижното гласање на Здружението на новинари. Стандардниот играч на англиската репрезентација претходно беше избран за најдобар во гласањето на колегите фудбалски професионалци. Хендерсон го предводеше Ливерпул до првата титула по 30 години и победи убедливо пред халфот на Манчестер Сити, Кевин де Бруин. Тој е трет играч на Ливерпул во последните седум години што е избран за најдобар, по Луис Суарез во 2014 година и Мохамед Салах во 2018 година. – Не се чувствувам како да сум направил нешто оваа сезона, дури ни во кариерата. Се надевам дека оние што гласаа за мене, исто така, го признаа влијанието на целиот тим, рече Хендерсон. (MИА)

Крај на сезоната за капитенот на Ливерпул

Магдалена Андонова — Fri, 10 Jul 2020 14:25:51 +0000

Капитенот на Ливерпул, Џордан Хендерсон ќе го пропушти остатокот од сезоната поради повреда на левото колено, изјави менаџерот на тимот од „Енфилд“, Јирген Клоп. Хендерсон се повреди во второто полувреме од натпреварот против Брајтон, кој се одигра во средата, во кој „црвените“ како гости славеа со резултат 3: 1. Вториот гол во тој натпревар за новиот шампион на Англија го постигна Хендерсон. Клоп изјави дека на искусниот играч од средниот ред нема да му треба операција. – Тој нема да игра повеќе оваа сезона, но јас сум прилично сигурен дека тој ќе ја започне следната, рече Клоп. (МИА)

Хендерсон ја има најтешката работа во фудбалот во последните 500 години

Ивана Ефремовски — Sun, 07 Apr 2019 11:01:33 +0000

Менаџерот на Ливерпул, Јирген Клоп го преплави со пофалби капитенот на тимот Џордан Хендерсон по неговото одлично претставување во натпреварот против Саутемптон, освоен од „црвените“ со 3:1 на „Сент Мерис“. Англискиот репрезентативец се појави на теренот при резултат 1:1 и беше со главна заслуга за пресвртот, асистираше на Мохамед Салах за 2:1 и го постигна третиот гол за својот тим во натпреварот. За Хендерсон, ова беше прв гол за „црвените“ од септември 2017 година. Фудбалерот на Ливерпул често е критикуван за играта од фановите и медиумите, но според Клоп тоа е така поради големите очекувања кон него. Хендерсон наследи не било кој, туку легендата на клубот Стивен Џерард во 2015 година. Менаџерот на тимот сепак не престанува да го брани својот капитен, и покрај критиките. -Овој гол значи многу за него, како и за нас. Тој е фантастично момче. Хендерсон ги заслужува сите пофалби, иако не добива многу. Од моја гледна точка, Хендо е брилијантен фудбалер. Тој е наш капетан, тој има фантастичен карактер. Ако морав да напишам книга за него, ќе имаше 500 страници. Јас сум позитивен. Најтешката работа во фудбалот во текот на изминатите 500 години е да го замениш Стивен Џерард. Луѓето мислат дека ако тој не е Стиви, тој не е доволно добар. Хендерсон го направи ова исклучително добро и може да биде навистина горд на овој факт, рече Клоп.

Голем шок за „Гордиот Албион“: Против Хрватска без една од најголемите ѕвезди

Ивана Ефремовски — Mon, 09 Jul 2018 07:50:53 +0000

Фудбалерот на Англија, Џордан Хендерсон, е повреден и под знак прашалник е доведен неговиот настап во полуфиналето на Мундијалот против Хрватска. Играч од средниот ред на Ливерпул има повредена задна ложа и до самиот дуел со Хрватите ќе работи под посебен режим. Хендерсон на турнирот во Русија одигра четири натпревари (одмори против Белгија, бидејќи играше вториот тим), а на последниот натпревар против Шведска излезе од играта седум минути пред крајот. Полуфиналето помеѓу Хрватска и Англија ќе се игра в среда со почеток во 20 часот на стадионот Лужники во Москва. (МИА)