џордан – Kurir.mk

Џордан донира 100 милиони долари во борба против расизмот

Тале Кристо — Sat, 06 Jun 2020 07:42:58 +0000

Мајкл Џордан најави дека ќе направи донација од 100 милиони долари за поддршка на борбата против расизмот. Легендарниот НБА играч го стори тоа по немирите во Соединетите држави, кои избувнаа по смртта на Џорџ Флојд како резултат на полициското насилство. Донацијата на Џордан ќе биде направена за групите кои се борат против расната нееднаквост и ја бранат социјалната правда. Износот ќе биде дистрибуиран во рок од 10 години. – Заедно, Мајкл Џордан и брендот „Џордан“ решија да направат донација од 100 милиони во текот на следните 10 години. Сите ние мора да ги здружиме силите и да го направиме ефектот на нашите активности трајни, рече претседателот на брендот „Џордан“, Крег Вилијамс.. Ние мора да се слушаме едни со други, да покажеме сочувство и емпатија и никогаш да не вртиме грб на бесмислена бруталност, посочи пак легендарниот бек на Чикаго Булс. – Мора да продолжиме да зборуваме мирно против неправдата, напиша Џордан (57) по смртта на Флојд.

ЕСПН наброи 20 члена на „Куќата на славните“ кои Џордан ги исфрли од НБА плејофот

Тале Кристо — Wed, 20 May 2020 08:15:19 +0000

Американскиот спортски канал, ЕСПН, на својот профил на Твитер наведе 20 члена на „Куќата на славните“ кои Мајкл Џордан ги елиминирал во плејофот. Легендарниот кошаркар во текот на својата кариера во разигрувањето за титулата ги елиминирал следниве НБА ѕбезди: Чарлс Баркли, Владе Дивац, Клајд Дрекслер, Џо Думарс, Патрик Јуинг, Меџик Џонсон, Карл Мелоун, Реџи Милер, Алонзо Морнинг, Крис Малин, Дикембе Мутомбо, Шекил О’Нил, Роберт Периш, Гери Пејтон, Денис Родман, Џек Сикма, Џон Стоктон, Ајзеа Томас, Доминик Вилкинс и Џејмс Ворти. Минатата недела ЕСПН ја заврши премиерата на документарен филм од 10 епизоди за Чикаго булс во 90-тите и за неговиот легендарен кошаркар, летечкиот Мајкл Џордан.

ФОТО: Првите „џорданки“ продадени за сума од над половина милион долари

Тале Кристо — Mon, 18 May 2020 07:48:15 +0000

Првите патики на кошаркарската легенда Мајкл Џордан, кои ги носел во дебитантската сезона во 1985 година беа продадени за неверојатни над половина милион долари. Славните црвено-бели „џорданки“ од колекцијата „Ер Џордан 1“ биле продадени на аукција за 560.000 долари, а ги купил неименуван колекционер после аукцијата која ја организирала аукциската куќа „Сотби“. Ги продал досегашниот сопственик Џорди Гелер. „Одлучив да ги продадам баш во време на документарецот 'последниот танц' (документарец за последната сезона на Џордан во Чикаго Булс – н.з.). Мислам дека беше вистинско време“, рече Гелер.

Air Jordan 1, worn and signed by Michael Jordan in 1985, was sold for $560,000 ?@Sothebys #AirJordan1 #AirJordan #AJ1FAM #aj1 #MichaelJordan #jumpman #sneakers #SneakerScouts #sneakerhead pic.twitter.com/BNBXFMHiOC
— SORT (@sortmagazine) May 17, 2020