Џорџ Буш постариот – Kurir.mk

Ден на жалост во Косово по повод смртта на поранешниот американски претседател Буш

Ивона Петрова — Wed, 05 Dec 2018 07:32:56 +0000

Република Косово денеска со ден на жалост му изразува почит на поранешниот претседател на САД, Џорџ Буш Постариот, кој почина на 30 ноември на 94-годишна возраст, јави дописникот на МИА од Приштина. Косовскиот претседател Хашим Тачи, по смртта на Буш Постариот, во знак на државна и граѓанска почит за неговиот придонес за слободата на Косово, денешниот ден го прогласи за ден на државна жалост. Државното знаме на Република Косово денеска ќе биде истакнато на пола копје во сите државни објекти, во и надвор од земјата. Денешниот ден е прогласен за ден на жалост и во САД, чиј 43-ти претседател, од 1989 до 1993 година, беше Буш постариот. МИА

Тачи прогласи Ден на жалост во Косово поради смртта на Џорџ Буш

Ивона Петрова — Tue, 04 Dec 2018 11:17:35 +0000

Хашим Тачи среда ја прогласи за Ден на жалост во Косово поради смртта на поранешниот претседател на САД, Џорџ Буш Постариот. Денот на жалост е прогласен „во знак на почитување кон неговиот придонес во слободата на Косово“, се наведува во соопштението објавено на сајтот на Тачи. Во среда е Ден на жалост и во САД.

Поранешниот претседател на САД пуштен од болница по 13 дена

Даниел Василев — Sat, 05 May 2018 09:30:45 +0000

Поранешниот американски претседател Џорџ Буш постариот (93) е пуштен од болницата во Хјустон, каде помина 13 дена лекувајќи се од инфекција, соопшти семејниот портпарол Џим Мекгрет, пренесува АП. Тој во болница беше примен на 22 април поради инфекција која се проширила во крвотокот и првично беше сместен на одделението за интензивна нега, за потоа да биде преместен во соба за стабилизација на пациентите кога состојбата му се подобрила. Буш постариот е хоспитализиран веднаш по погребот на 92-годишната сопруга Барбара, која почина на 17 април во семејната куќа во Хјустон. Тие беа во брак цели 73 години. Џорџ Буш постариот служеше еден мандат од 1989 до 1993 година. Тој за движење користи инвалидска количка и електричен скутер поради што се развила форма на Паркинсонова болест, а изминатите години неколку пати беше хоспитализиран поради респираторни проблеми, вклучувајќи и воспалување на белите дробови и други инфекции.