џорџ буш – Kurir.mk

ФОТО: Ковчегот со посмртните останки на Џорџ Буш изложен во Вашингтон

Ивона Петрова — Tue, 04 Dec 2018 07:50:38 +0000

Ковчегот со посмртните останки на поранешниот претседател на САД Џорџ Херберт Вокер Буш пристигна во Вашингтон. Поранешни министри од времето на Буш, заедно со неговите роднини, меѓу кои беше и неговиот син Џорџ В. Буш, како и двегодишониот лабрадор Сели, се симнаа од претседателскиот авион во базата „Ендрјус“ кај Вашингтон. Наместо називот „Ер Форс 1“, кој се користи само кога актуелниот претседател е во авионот, леталото привремено беше преименувано во „Специјална воздушна мисија 41“ во знак на почит кон 41-от претседател, кој почина во петокот на 94-годишна возраст . Ковчегот на поранешниот претседател, кој бил пилот за време на Втората светска војна, го изнесоа униформирани претставници на различни единици на американските вооружени сили во придружба на воен оркестар и почесна топовска стрелба. Потоа ковчегот беше однесен до Капитол и е изложен на централната сала на зградата на Конгресот на САД, Ротондата, каде говори одржаа лидерите на Сенатот, на Претставничкиот дом и заменик-претседателот Мајк Пенс. Вратите на салата подоцна беа отворени и за пошироката јавност. До утрешниот погреб, покрај ковчегот е поставена почесна гарда. Американскиот претседател Доналд Трамп и првата дама Мелани, кои не присуствуваа на церемонијата на која говореа сентори и Пенс, малку подоцна му оддадоа почит на починатиот поранешен претседател Џорџ Х.В. Буш. Републиканецот Буш јасно стави до знаење дека тој не гласал за Трамп во 2016 година. Но, актуелниот претседател инсистираше да му се дадат сите почести, па и претседателскиот авион со кој беа пренесени посмртните останки во Вашингтон. – Животот на Џорџ Х. В. Буш беше олицетворение на она што ја прави Америка навистина извонредна, изјави Трамп за 41-от американски претседател. МИА

Почина Џорџ Буш постариот, 41-от претседател на САД

Дарко Андоновски — Sat, 01 Dec 2018 08:00:55 +0000

Поранешниот претседател на САД Џорџ Буш постариот почина синоќа на 94-годишна возраст во неговиот дом во Хјустон, Тексас. Веста за смртта на 41. претседател на САД ја објави неговиот син, поранешниот претседател Џорџ Буш помладиот. – Џеб, Нил, Марвин, Дороти и јас со жал ве известуваме дека по 94 забележителни години почина нашиот почитуван татко. Џорџ Херберт Вокер Буш беше благороден човек и најдобриот татко, кој би можел да се поска, напиша Џорџ Буш помладиот во соопштението, објавено на Твитер од портпаролот на семејството Џим Макграт. Џорџ Буш постариот беше 41. претседател на САД. За време на неговото владеење меѓу 1989 и 1993 година заврши Студената војна. Ве негово време беше изведена воената операција „Пустинска бура” против ирачкиот претседател Садам Хусеин. Буш беше претседател во еден мандат. На изборите во 1992 година беше поразен од демократот Бил Клинтон. Џорџ Буш постариот беше ветеран од Втората светска војна, конгресмен од Тексас, директор на ЦИА и потпретседател на Роналд Реган. Неговиот син Џорџ Буш помладиот беше 43-от претседател на САД, а другиот негов син Џеб Буш беше гувернер на Флорида. Во последните години, тој страдаше од Паркинсонова болест. За време на неговото владеење се случи падот на Берлинскиот ѕид, падот на СССР и Варшавскиот пакт. Во 1989 година Буш постариот даде наредба за воен упад во Панама, а во 1991 година, кога Ирак одби да ги повелече своите сили од Кувајт, ја нареди операцијата „Пустинска бура”. Буш постариот сдржа седум средби со шефовите на СССР и Русија Михаил Горбачов и Борис Елцин, како резултат на што беа потпишани два договора за намалување и ограничување на стратегиското вооружување (СНВ-1 и СНВ-2)

Џорџ Буш ја омажи ќерката, невестата како од бајките, а од еден детаљ целиот свет остана во неверување (ФОТО)

Дарко Андоновски — Tue, 09 Oct 2018 10:02:51 +0000

Барбара Буш, ќерка на претседателот Џорџ В. Буш, овој викенд во сојузната држава Мејн, ја круниса со брак врската со сценаристот и актер Крег Којн. Невестата, која беше придружувана на патеката од страна на нејзиниот татко, носеше тесна свилена венчаница од Вера Ванг. Едноставниот венчален фустан кој ја следи одличната силуета на Барбара, го нагласува отворениот грб, додека проѕирниот вел од италијански тул додава дополнителна елеганција на невестинскиот изглед. Инаку светот остана во неверува откако дозна дека свадбената церемонија се одржала во најблискиот круг на семејството и блиските пријатели на младоженците, наместо да има голема свадба како му долекува на поранешен претседател на САД.

Поранешен американски претседател во болница само ден по погребот на неговата сопруга

Даниел Василев — Tue, 24 Apr 2018 08:43:22 +0000

Поранешниот американски претседател Џорџ Буш постариот е примен во болница во Хјустон поради инфекција која се проширила во неговата крв, само ден по погребот на неговата сопруга, Барбара Буш. 93-годишниот Буш бил примен во болницата Хјустон Методист откако во саботата на погребот на неговата сопруга присуствуваше во инвалидска количка. Тие беа во брак 73 години. -Тој е на терапија и во моментот се опоравува, изјави семејниот портпарол, Мек Грат. Буш е најстариот поранешен претседател кој во Овалната соба служеше еден мандат од 1989 до 1993 година. Во минатата година тој беше примен во истата болница поради кашлица, а потоа му беше дијагностицирана пневмонија.

Почина сопругата на Џорџ Буш

Ивона Петрова — Wed, 18 Apr 2018 06:03:53 +0000

Поранешната американска прва дама Барбара Буш почина на возраст од 92 години. Таа беше значајна фигура во политичката династија, која вклучуваше двајца претседатели - нејзиниот сопруг Џорџ Буш и нејзиниот син Џорџ Буш помладиот. Барбара Буш, која беше прва дама од 1989 до 1993 година веќе одреден период се соочувала со здравствени проблеми, но одбила натамошни медицински третмани, јави Би-Би-Си. Нејзиниот сопруг почина на 93 години, со што стана најдолговечниот американски претседател. Нејзиниот син беше избран во 2000 година и служеше два мандати како 43-ти претседател на САД. МИА