Џорџ Расел – Kurir.mk

Расел победи во спринтот на бразилското Гран при

Бошко Тасиќ — Sun, 13 Nov 2022 06:47:48 +0000

Возачот на Мерцедес, Џорџ Расел беше најбрз на спинт трката пред главниот настан на бразилското Гран при во Формула 1. На автодромот „Хозе Карлос Пејс“ попознат како „Интерлагос“ Расел го освои првото место и со тоа си обезбеди пол-позиција зa главната трка. Пилотот на Ферари, Карлос Сајнц беше втор, а трет заврши уште еден возач на Мерцедес – Луис Хамилтон. Актуелниот светски шампион Макс Верстапен од Ред Бул остана на четвртото место.

Расел најбрз на првиот тренинг за ГН на Холандија

Тале Кристо — Fri, 02 Sep 2022 15:15:44 +0000

Британецот Џорџ Расел (Мерцедес) оствари најбрзо време со резултат 1:12, 455 минути на денешниот прв тренинг за Големата награда на Холандија. Второ време постигна неговиот клупски колега Луис Хамилтон, кој заостана 24 стотинки, додека трет беше Шпанецот Карлос Саинц (Ферари) со 39 стотинки послабо време. Актуелниот светски првак и лидер во генералниот пласман Макс Ферстапен (Ред Бул) поради технички проблеми со својот болид го пропушти првиот тренинг.

Официјално: Расел потпиша за Мерцедес

Ивана Ефремовски — Tue, 07 Sep 2021 12:11:03 +0000

Возачот на Вилијамс, Џорџ Расел, следната сезона ќе настапува за Мерцедес во светскиот шампионат во Формула 1, објавено е на официјалната веб-страница на германскиот клуб. Дваесет и тригодишниот Британец склучи долгорочен договор со тимот. Расел ќе започне со трки за Мерцедес во сезоната 2022. Негов тимски колега ќе биде седумкратниот светски шампион Луис Хамилтон. Вчера, сè уште актуелниот пилот на Мерцедес, Валтери Ботас, објави дека следната сезона ќе вози за Алфа Ромео. Финецот ќе го замени својот сонародник, поранешниот светски шампион Кими Раиконен, кој најави пензија. (МИА)

Расел од следната сезона во Мерцедес

Ивана Ефремовски — Mon, 06 Sep 2021 11:08:58 +0000

Британскиот возач во Формула 1, Џорџ Расел го напушта тимот на Вилијамс на крајот од сезоната, откако потпишал договор со екипата на Мерцедес, пренесуваат денеска британските медиуми.

Според лондонски „Дејли мејл“, 23-годишниот британски возач викендов на маргините на трката за Големата награда на Холандија ставил потпис на договорот во канцеларијата на директорот на Мерцедес, Тото Волф. Со овој трансфер Расел ќе стане клупски колега на актуелниот светски првак во Формула 1, Луис Хамилтон, и тимот на Мерцедес од идната сезона ќе има британски тандем возачи. „Дејли мејл“ наведе дека Мерцедес официјално треба да го потврди договорот со Расел пред неделната трка во Монца за Големата награда на Италија. Актуелниот клупски колега на Хамилтон, Финецот Валтери Ботас би можел да мине во редовите на Алфа Ромео, откако неговиот сонародник Кими Раиконен најави дека на крајот од оваа сезона ќе се пензионира. (МИА)

Расел: Се надевам дека оваа изведба ќе му зададе главоболка на Тото Волф во иднина

Магдалена Андонова — Mon, 07 Dec 2020 09:54:58 +0000

Привремениот возач на Мерцедес, Џорџ Расел рече дека му било многу тешко да се помири со пропуштената шанса да го освои Гран при на Сахир, но верува дека ја оправдал довербата на Тото Волф. – Имаше трки во мојата кариера во кои тие ми ја одзедоа победата. Но, двапати на една трка … едноставно не можам да верувам. Јас навистина не можев да верувам што се случува. Дадов се од себе, од дното на моето срце, трката беше под контрола – особено на почетокот – и тогаш безбедносното возило се појави на патеката. Следуваа влегувањата во боксот, мое и на Ботас. Сепак, сè уште се чувствував пријатно. Направив одлично претекнување. Бев подготвен да го бркам Чеко (Перез) за повторно да избијам на лидерската позиција. Сигурен сум дека борбата ќе беше многу тесна. Но, тогаш бевме лишени од оваа шанса, изјави Расел. Во исто време, ако пред почетокот на овој викенд ми беше речено дека можам да заработам неколку поени, би бил многу среќен и ќе го сметав овој викенд фантастичен (се смее)! Но, ако ми кажеше дека ќе ја водам трката, а потоа ќе се случи такво нешто … ах … дури и не знам. Но, да, навистина е болен удар, додаде Расел. Младиот пилот доби поддршка од многу страни, секако најголема од неговото семејство и од првиот човек на Мерцедес, Тото Волф. – Веднаш разговарав со моите родители. Знаев низ што минуваат. Тие рекоа дека можам да бидам горд на себе. Истото е со Тото, Џејмс, Боно. Па да, се надевам дека му зададов многу главоболки во иднина на Тото Волф. Среќен сум и горд, нагласи Расел. (МИА)

Џорџ Расел потпиша за Вилијамс

Ивона Петрова — Fri, 12 Oct 2018 17:37:24 +0000

Младиот британски возач Џорџ Расел потпиша повеќегодишен договор со Вилијамс и од следната сезона ќе вози за оваа екипа во Формула 1. - Се чувствувам како да сум на врвот на светот. Ова е остварување на мојот сон, истакна 20-годишниот возач по потпишување на договорот. Тој во моментов е прв во шампионатот на Формула 2, а претходните две години ги помина во програмата на Мерцедес за млади возачи. Расел е третиот Британец кој ќе се натпреварува во Формула 1, покрај Луис Хамилтон во Мерцедес и Лендо Норис во Мекларен. МИА