џорџ сорос – Kurir.mk

Сорос империјата од 25 милијарди долари ја предаде на помладиот син Алекс

Ристе Здравков — Mon, 12 Jun 2023 08:42:14 +0000

Џорџ Сорос му ја предаде контролата на своето богатство на својот син Алекс. Сорос (92) според Форбс има нето богатство од 6,7 милијарди долари и е еден од 400-те најбогати луѓе во светот. Во 2017 година, тој префрли 18 милијарди долари од неговата семејна канцеларија на неговата Фондација Отворено општество – група добротворни организации кои работат во повеќе од 100 земји – на кои Алекс беше назначен за претседател во декември. Алекс, зборувајќи за Волстрит журнал во ексклузивно интервју објавено викендов, рече дека е пополитички од неговиот татко и навести значајната финансиска улога на организацијата на Сорос на изборите во САД следната година. Фондацијата Отворено општество не одговори веднаш на барањето на CNBC за коментар, но портпаролот ги потврди деталите од интервјуто за Ројтерс. Џорџ Сорос постариот, кој често е мета на десничарските заговорници, беше еден од најголемите донатори на Демократската партија на САД – донираше околу 140 милиони долари на политички наполнети организации за застапување и иницијативи за гласање во 2021 година. Наречен човекот кој ја „скрши Банката на Англија“ откако ја урна британската фунта во 1992 година, наводно правејќи профит од милијарда долари, Џорџ Сорос ја напушти Унгарија на 17 години за да присуствува на Лондонската школа за економија, работејќи како железничар, портир и келнер. Најстариот син на Сорос и постариот полубрат на Алекс, Џонатан Сорос, основач и главен извршен директор на приватната инвестициска фирма JS Capital Management, претходно беше познат како чист наследник, пишува „Журнал“. „ Не сакав начелно едно од моите деца да ја преземе фондацијата. Мислев дека треба да го води некој кој е најсоодветен“, изјави Џорџ Сорос, додавајќи дека Алекс ја заслужил неговата доверба. Според извештајот на веб-страницата на Фондацијата Отворено општество, Џорџ Сорос беше цитиран: „Мојот успех на финансиските пазари ми даде поголем степен на независност од повеќето други луѓе. Сметам дека треба да се постапи правилно во филантропијата, без разлика дали ќе успее или не“.

Сорос по гласините дека починал: Жив и здрав сум

Тале Кристо — Mon, 15 May 2023 16:50:20 +0000

Американскиот бизнисмен Џорџ Сорос се огласи на својот Твитер налог, демантирајќи ги гласините дека починал, кои од синоќа се актуелни на оваа социјална мрежа. Гласината дека милијардерот (92) починал започна на страницата Politics For All Ireland, која во меѓувреме го отстрани контроверзниот твит. Оттогаш објавата стана вирална, но неговиот портпарол „MailOnlinе“ ја демантираше веста за смртта додека самиот Сорос се огласи на Твитер. „Гласините дека имав срцев удар се целосно лажни. Жив и здрав сум“, напиша тој. Сорос неколку пати на интернет беше „прогласуван за мртов“.

Маричиќ-Сорос: Поддржуваме идеи и иницијативи кои водат кон стабилност и развој на демократското општество

Тале Кристо — Sun, 19 Feb 2023 14:06:24 +0000

Денеска во рамки на рамки на Минхенската конференција за безбедност, вицепремиерот за евроинтеграции Бојан Маричиќ заедно со премиерот Ковачевски се сретнаа со претседателот на Фондацијата Отворено општество Џорџ Сорос и заменик претседателот, Александар Сорос. „Поддржуваме идеи и иницијативи кои водат кон стабилност и развој на демократското општество“, напиша после средбата вицепремиерот Маричиќ на својот Фејсбук профил. На состанокот било разговарано за евроинтеграцискиот процес, регионалната соработка, реформите и за можностите за унапредување на соработката во областите кои ќе бидат приоритетни за Северна Македонија во оваа фаза од пристапните преговори и кои ќе го забрзаат процесот, како владеењето на правото и функционирањето на демократските институции.

Интегрален текст од објавата на вицепремиерот Маричиќ: „На средбата со основачот на Фондацијата Отворено општество, Џорџ Сорос и заменик-претседателот Александар Сорос, се согласивме дека промоцијата на демократските вредности и регионалната соработка се импулс за економски развој, поголема мобилност и подобрување на животниот стандард на граѓаните. Поддршката која во континуитет ја имаме од Фондацијата во реформите, преку проекти во различни области и пренесување на добри практики, значи побрз пристап кон европската интеграција. Благодарни сме за досегашната помош и како Влада сме отворени за унапредување на соработката со нашите пријатели од Отворено општество, особено во областите кои за нас во моментов се клучни за преговорите со ЕУ, а тоа се владеењето на правото и функционирањето на демократските институции“, пишува во објавата на Маричиќ.

Ковачевски – Сорос: Продолжуваме со поддршка на слободоумното граѓанство, вредностите на демократијата и отвореното општество (ВИДЕО)

Тале Кристо — Sun, 19 Feb 2023 12:00:32 +0000

Претседателот на Владата на Република Северна Македонија, Димитар Ковачевски и вицепремиерот за евроинтеграции Бојан Маричиќ, денеска се сретна со Џорџ и Александар Сорос. На средбата беше истакнато дека Владата во Северна Македонија ги промовира и практикува вредностите на демократијата, заштитата на човековите права, владеењето на правото и отвореното општество, истите вредности за кои се залага и Фондацијата отворено општество. Соговорниците истакнаа дека отвореноста на државата за развој на демократијата, владеење на правото се клучни за развој на економијата, за нови инвестиции од домашни и странски компании. Ковачевски додаде дека Владата ќе продолжи да го поддржува слободоумното граѓанство и критичката маса.

СОРОС ја затвора својата фондација во Скопје

Катерина Бојаџиева — Tue, 29 Nov 2022 10:08:46 +0000

Фондацијата Институт Отворено Општество на филантропот Џорџ Сорос ја затвора својата подружница во Скопје – дознава Радио Лидер од извори блиски до Њујоршката централа на организацијата. Како што дознава Лидер, од централата на Сорос одлучиле проектите во Македонија да бидат опслужувани преку подружницата на фондацијата во Тирана. Во исто време, нивниот извор тврди дека нема да бидат продолжени договорите на менаџментот во Скопје и на директорката Фани Каранфилова Пановска. Фондацијата на Џорџ Сорос, со години инвестираше десетици милиони долари во проекти за развој на цивилното општество во земјава и зајакнување на институционалните капацитети. Во изминатите години филантропските активности на оваа фондација, беа предмет на низа коментари, контроверзи и теории на заговор од медиумите и политичките чинители во земјава. Како што дознава Радио Лидер, затворањето на канцеларијата во Скопје нема да значи дека оваа фондација веќе нема да има проекти во Македонија. Проекти ќе има во намален обем и тие ќе одат преку Тирана. Инаку, филантропот Џорџ Сорос и неговиот син Алекс се блиски пријатели до албанскиот премиер Еди Рама, па оттука на познавачите им станува разбирливо зошто Албанија станува регионален центар. Идеологија на фондацијата отворено општество доаѓа од филозофијата на еден од најистакнатите интелектуалци во дваесетиот век, Карл Попер.

Сорос, Зоран Сорос

Љупчо Цветановски — Fri, 17 Jun 2022 08:49:52 +0000

На 4-годишнината од Преспанската капитулација во Нивици, додека Македонија се подготвуваше за мега-протест, на Бугарија и се случуваше Македонија, а Црпко се спремаше да стане Сорос. Не е шега, Зоче сака да стане Џорџ, ама многу. Знаете ли како џемсбондовски се претставувал на сон, па и кога уште е нерасонет? - Сорос, Зоран Сорос. Во време кога вистинскиот Сорос ора на исток, факт е дека новопечениот муртински филантроп тоталка влезе во филмот на идолот му Џорџ. Па по негов урнек новокомпонираниот Црпко „доброчинитељ“ формира фондации, помага со донации и храна по светот, дели ум за справување со кризни ситуации по форуми. Се прашувате, што е следно од репертоарот на Црпко? Спонзорирање на шарена револуција во Мали или Уганда? Купете ајвар и помогнете им на трансродовите во Сомалија?! Постои и втора опција, она кога муртинско-урбаната легенда за оксиморонскиот мизантропски филантроп со фондација, која е „копи-пејст“ на организацијата ко Сорос, всушност, е само идеја за компензација на „другарчето“ ЗЗ за неприсуството на престолонаследникот Таче во Киев, оти на пустиот многу му фуфкало... Дали, со 20-те тони струмички земјоделски производи испратени кај Зеленски, најзелениот по киксови Црпко, всушност, вели: „Извини другарче Зеленски, го носев и на бајачка кај Баба Дара и Иван Исцелител, ама бадијала, прпаџија е голем, ево ти струмичка компензација, им ги земав за џабе. Се’ ќе направи Таче, ќе се церека на глупи шали на Еди до утре сабајле, ќе глуми премиер цел живот ако треба, ама не можам да го качам у авион за Украина, страв не е заебанција! Ако помага, и Порошенко ми е другарче!“ Башка, подобро упатените во прикаската велат дека ЗЗ вака со непродаден ајвар со рок на одминување си купувал уште некоја година мир и поени кај сојузниците, да го раатисаат и да не го чепкаат за авантите и рушветот земен дури бил на власт... Други, пак, велат дека за неколку дена украинските странски платеници на сета мака ќе биле многу, многу посреќни и побезгрижни. Грдата шега во сето црнило е дека освен ајвар-производите кои се гледале на сликите, грото или најголемиот дел од пратката бил составен од една психотропна билка, на која одгледувачот не можел да и најде пласман ни на црно во земјата која пред него се викаше Македонија. Саглам решение на тешкиот муртински таксират... Шегата на страна, неа ѓаволот одамна ја однесе од Македонија, но вистината е дека Зоран стана Џорџ, ама„скроз“... Зоран Сорос или Џорџ Заев? Зошто, ќе се запрашате? Еве зошто... Џорџ Сорос или оригинално на унгарски Ѓеорге Шорош во превод би бил Црниот Ѓорги на македонски (Шорош=црн). Нешто ко Црниот Заев со истиот тој „забетониран“ идентитет и јазик кој ООН сега го бојкотира преку интерни депеши. Е, истиот тој Црн Ѓорѓи во Втората Светска Војна ги продавал своите сонародници Евреи на германските нацисти. Тоа бил стартот и интрото на неговата империја. Првите пари, најважните. Па пребегал „во Америките“... Црпко го стори истото кон својот народ. Кон Македонците. Откако го црпнаа од муртинската нива, го сторија градоначалник, па чувар на тронот на БЦ, па преЦедник на партија, црпнувачите ги видоа неговите неверојатни и ненадминливи ултра квалитети. Сфатиле пустите, дека ЗЗ Сорос е еден во милијарда. Уникатен лик кој за троа моќ, власт и шака сребреници (башка малу слобода и долари/евра/рубљи/јени) без гајле ќе ги превесла Македонците и со ќеф ќе ги продаде националните интереси, одредници и обележја на национал-шовинистички расположените и секогаш жедни за уништување на Македонија соседи. Случајно, сите земји соработници на нацистичка Германија во периодот кога Шорош ги правел првите пари... И така, Зоче Соросов, македонскиот основоположник на идеологијата „дај пари и ќе направам се против својот народ“ и на „имагинарната“ Тиранска платформа (така непостоечка и така парадоксално исполнета 90 насто, освен знаме и химна), на Договорот за добрососедство (потпишан лично од него и Бојко Љубави) и на Преспанската капитулација (со параф од квази „разбудениот“ Димитров), сега има фондација наречена „Едно општество за сите“??!?!?! Исто ко Сорос, цццц... Веројатно, кога ќе му згрешиш на сопствениот народ како Зоран и Џорџ, следна етапа за да се испереш пред себе и Бога, свесен за злото што си им го нанел е да бидеш за измислено, нолиберално и измислено едно општество за сите. Да, фејк-општество во кое нема нации, нема припадност кон еден народ, нема поврзаност кон истиот, без историја, без емоции. Оти, ако ги има, ќе треба самиот пред себе, пред народот и пред Бога да одговориш – зошто си му го нанел сето тоа зло! Вака е полесно, полезет за сите неолиберални дилајли, па и за Црпко, Сорос и следбениците. Ќе паламудите за тоа дека сите се исти, за анационалност, за трансродови глупоштии, дека луѓето се родени апатриди, дека патриотизмот е глупост, за фри-сексуални ѓурултии и што ли не. Се’, само и само за да бидете чисти пред себе. Ко септичка јама... Велат дека Зоќи се спремал за преЦедник на Македонија. Тоа му бил сонот, а затоа и за да испере пари и да „спонзорира“медиуми и подмитува НВО-а и институции, ја оформил и соросоидната фондација. И Стево не е некое откровение, ама само замислете: Прием на кој се Бајден, Путин и Макрон, оти кај и да е ќе се смират. Таму е и Црпко Сорос претседател, а Таче Ќуран премиер. Едниот треска, другиот се гази од смеење, првиот лупа уште позелена, вториот се ваља по подот, монархот плеска црн бисер, престолонаследникот со солзи тропа со ноџињата и рачињата легнат на подот од цепките на врховниот командант Муртинхаузен. А од страна е Рама кој ги трола и с’ска двајцата западнобугарски и источноалбански суртуци... Многу е, нели? „Не дај Боже“, ќе речете, „пу-пу-пу“. Епа, ајде да направиме нешто за да не ни се „деси“ таа забегана комбинација, антимакедонска Црпко-Таче констелација која не ни бега ако останеме така апатични, депресивни и рамнодушни ко досега... П.С. Ако се оди со институционални средства, опозицијата е крива што не протестирала на улица,требало мнооооогу по хард-кор, со клоци и шамари да се игра. Ако народот сам организира протести, немало луѓе затоа што ВМРО не застанале зад нив. А, ако опозицијата излезе на улица, не излегуваат затоа што сега вмровците собирале поени?!?!? И после, Цацко ни е крив. П.П.С. А, всушност, ние сме најкриви што истиот тој Цацко и цела армија северџгански паразити преку баснословни хонорари и плати ни ги јаде народните пари. Ајде, да ги симнеме Заевци од местото кое никогаш и не им припаѓало...

Џорџ Сорос и Бил Гејтс ќе ја преземат фирмата за брзи ковид тестови

Ивона Петрова — Tue, 20 Jul 2021 07:30:39 +0000

Конзорциум на инвеститори, предводен од Фондот за економски развој на Џорџ Сорос (СЕДФ) и Фондацијата „Бил и Мелинда Гејтс“, ќе финансира купување на британската компанија за дијагностичка технологија „Мологик“, која разви брз, десетминутен тест за откривање на коронавирусот, објави Фајненшл тајмс. За извршување на аквизицијата, конзорциумот го формираше социјалното претпријатие „Глобал Аксес Хелт“ (ГАХ), чија цел е да се прошири пристапот до достапната медицинска технологија. Членовите на ГАХ, како што е наведено, се подготвени да инвестираат над 41 милијарда долари за финансирање на аквизицијата. Трансакцијата ќе вклучува купување на сите постојни акции на „Мологик“. „Пандемијата на Ковид-19 болно ги демонстрираше основните нееднаквости во глобалното јавно здравство, а особено клучната важност на пристапот до дијагностички алатки за спасување живот. Во оваа единствена трансакција, филантропските фондови и инвеститорите работат заедно за да се справат барем со дел од овој недостаток, овозможувајќи најсовремената трговска компанија да ги насочи сите свои ресурси кон решавање на еден од најитните светски проблеми со јавното здравство, рече Шон Хинтон, извршен директор на СЕДФ. „Мологик“ неодамна доби милион фунти од британските власти за развој на тестови за Ковид-19, но подоцна ја обвини владата дека ја „цементира“ употребата на тие тестови во матичната земја. Генералниот директор на „Мологик“, Марк Дејвис го поздрави договорот за аквизиција, истакнувајќи дека тоа значи трансформација на неговата компанија во социјално претпријатие, што тој го оцени како „промислен, логичен и природен чекор насочен кон обезбедување прифатлива дијагностика и биотехнологија на местата што се маргинализирани во немилосрдната трка за профит“.

Дел од најбогатите луѓе во светот со години не плаќале данок на доход, еве кој се најде на оваа листа

Ивона Петрова — Wed, 09 Jun 2021 05:54:44 +0000

Некои американски милијардери меѓу кои се и најбогатите луѓе во светот, Џеф Безос и Илон Макс, во изминатите 15 години повремено успевале да избегнат федерален данок на доход, објави ПроПублика. ПроПублика, портал кој се занимава со новинарски истражувања, ги црпи своите податоци од опширни „тајни“ материјали добиени од Даночната служба на САД (ИРС). Досега се сметаше дека даночните информации од официјалните органи на САД се тешко достапни. Така на пример, Безос, основач на Амазон и најбогатиот човек во светот, не платил федерален данок на доход во 2007 и во 2011 година. Основачот на Тесла, Илон Маск, втор на листата светски милијардери, избегнал да плати данк во 2018 година. Истото може да се каже и за Мајкл Блумберг, инвеститорите Карл Ајкан и Ворен Бафет, како и финансиерот Џорџ Сорос, при што последниов успеал да избегне уплата на федерален данок на доход три години по ред. Добиените информации го порекнуваат митот дека даночниот систем на САД е фер, коментираат од ПроПублика. Податоците од ИРС укажуваат дека најбогатите луѓе плаќаат сосем мали суми споредено со нивното богатство, и тоа се прави легално. Тие користат стратегии за избегнување данок недостапни за обичните луѓе. Богатството на милијардете произлегува од вредноста на нивниот капитал, акции и сопственоста. Според американските закони, данок се плаќа во случај на продажба на тие активи. Во изминатите години просечно американско семејство заработува околу 70.000 долари годишно и плаќа 14 проценти федерален данок. За доход повисок од 628.000 долари од оваа година во сила е даночна стапка од 37 проценти, но според ПроПублика податоците укажуваат дека супербогатите успешно го заобиколувале системот. Најбогатите 25 Американци, според рејтингот на Форбс, од 2014 до 2018 година станале побогати за 401 милијарда долари но платиле 13.6 милијарди долари, или само 3.4 отсто. Закоодавци во американскиот Конгрес во март претставија нацрт-закон за оданочување на супербогатите. Според авторите, економијата со тоа ќе стане поправедна и од тие даноци за десет години ќе се соберат околу три трилиони долари. Во случај на донесување на овој закон стоте ајбогати Американци во 2021 година би требало да платат 78 милијарди долари данок на доход. За да заштеди повеќе, Маск лани во декември одлучи да се пресели од Калифорнија во Тексас, каде нема државен данок на доход.

ЈАНША ДО СОРОС: Твоите валкани пари за т.н. невладини се најсилниот генератор на конфликти во Европа и ја уриваат демократијата

Дарко Андоновски — Sun, 13 Dec 2020 16:49:16 +0000

Словенечкиот премиер Јанез Јанша жестоко му одговори на Твитер на Џорџ Сорос, кој го критикуваше договорот на ЕУ со Унгарија и Полска за повеќегодишниот буџет и Пакетот за оздравување на економијата. Милијардерот Џорџ Сорос на Твитер напиша дека „Унгарија и Полска ги загрозуваат основните вредности на ЕУ“. Компромисот околу буџетот покажува погрешно верување дека оваа закана може да се отстрани само со желба “. Сорос реагираше на овој начин затоа што европските лидери направија компромис со двете земји, кои се заканија дека ќе го блокираат буџетот и пакетот за помош, поради спротивставување на новиот механизам, кој го условува буџетското финансирање со почитување на владеењето на правото во земјите-членки. Словенечкиот премиер Јанез Јанша жестоко му одговори на Сорос на Твитер. „Стој подалеку од подалеку од Европа и ЕУ. Твоите валкани пари за таканаречените невладини организации се најсилниот генератор на конфликти на континентот и ја уништуваат довербата меѓу луѓето и кон демократијата. Еден Брегзит беше доволен. На Европската унија и треба закрепнување и стабилност. Канцеларката Меркел заврши добра работа, напиша Јанша.

Stay away from #EU and Europe, please. Your dirty money for so called #NGOs is the strongest generator of conflicts on the continent, destroying trust among people and democracy. One #Brexit has been enough. EU needs recovery and stability. Chancellor #Merkel did a good job. https://t.co/IF7ho773PD
— Janez Janša (@JJansaSDS) December 11, 2020

Плагијатори: Владата на СДСМ ја „позајмила“ фразата НОВА НОРМАЛНОСТ од менторот Сорос

Љупчо Цветаноски — Wed, 27 May 2020 09:47:48 +0000

Веројатно се прашувавте кој на СДСМ им ја смисли нелогичната фраза НОВА НОРМАЛНОСТ, која треба да го убеди народот дека короната е нешто најнормално за да излезе на избори и која сега сите министри и врхушката на партијата беспоштедно и катадневно ја „верглаат“ и користат во секоја втора реченица? Ни помалку, ни повеќе - сентенцата е плагијат преземен од нивниот заштитник Џорџ Сорос. Уште еден доказ кој ги влече конците во Македонија. „Абе еднаш, само еднаш да им текнеше нешто нивно сопствено, оригинално и изворно... Откако плагијатарот им го презеде ПР-от се вакви работи им се случуваат.“ велат на ТВитер. Твитерџите во Македонија обелоденија дека Владата на СДСМ повторно изврши класична копи-пејст кражба и „новата“ фраза „НОВА НОРМАЛНОСТ“ ја презема од сопствениот и долгогодишен ментор Џорџ Сорос. Терминот е во употреба токму од нивниот децениски заштитник, мецената на Шарената „револуција“ и НВО организациите кои сега се вработија во влада, па станаа ВО, владини организаци. Токму Џорџ Сорос минатата бегалска криза. која го зафати светот, ја нарече НОВА НОРМАЛНОСТ. Копирањето премина во навика на СДСМ. За потсетување и кампањата на СДСМ за изборите во 2016-та беше гола кражба, за која српската партија Двери најави тужба за плагијат. За престедателските избори со Стево Пендаровски, пак, го копираа целосно изборното лого на Хилари Клинтон.