Џорџино Вајналдум – Kurir.mk

Мурињо му се јавил на Вајналдум да го убедува, трансферот во Рома е на дофат

Ристе Здравков — Fri, 22 Jul 2022 07:24:30 +0000

Жозе Муињо полкека составува одличен тим на „Олимпико“, ставајќи ја Рома во кандидатите за топ-4 во Серија А во претстојната сезона. Откако Пауло Дибала дојде како едно од најголемите засилувања на клубот во последниве десетина години, сега на повидок е трансфер на Џорџино Вајналдум. Холандскиот репрезенативец, кој замина од Ливерпул во ПСЖ минатото лето, немаше сезона каква што посакуваше, со само еден гол и три асистенции во 31 меч, а со доаѓањето на Кристоф Галтие за нов тренер, местото во тимот му виси. Затоа Рома се заинтересира за него и тоа лично Жозе Мурињо му се јавил за да го убеди да дојде во италијанската престолнина. Италијанските медиуми навестуваат дека Рома и ПСЖ лесно ќе се договорат, со оглед на тоа дека на Французите нема да им пречи да се ослободат од играч на кој не сметаат, а зема плата од 9 милиони евра. Проблемот е што Рома не може да плати некоја астрономска отштета за договорот со ПСЖ, кој трае до 2024 година, па единствена опција е позајмица. Дури и тогаш, италијанскиот клуб нема средства за плата од 9 милиони евра, па се претпоставува дека ќе ја исплаќаат по половина со ПСЖ, но со обврска Рома да го ангажира трајно во јуни 2023. Вајналдум има 31 година и 86 настапи за Холандската репрезентација, во кои постигнал 26 гола.

За ПСЖ потпиша пред неколку месеци, а веќе сака да си замине

Ристе Здравков — Tue, 07 Dec 2021 08:19:46 +0000

Џорџино Вајналдум го одбра ПСЖ пред Барселона, но се чини дека брзо се покаја, информациите велат дека сака да си замине. Вајналдум беше една од ѕвездите кои во ПСЖ пристигнаа како слободни фудбалери во минатиот летен преоден рок. Интерес за него имаше и од Барселона, но тој сметаше дека подобро место за него е парискиот клуб. Сепак, работите не се одвиваат онака како што тој замислувал и последните информации велат дека Вајналдум сака да си замине од ПСЖ. Активни се критиките во Париз за поранешниот фудбалер на Ливерпул, а некои информации велат дека ПСЖ сака да го ангажира Брозовиќ, а да го продаде Вајналдум. Според „ТимТок“, Вајналдум жали за одлуката да се пресели во ПСЖ и сака да си замине уште во зимскиот преоден рок. Холанѓанецот би можел да се врати во Премиерлигата, за неговите услуги има силен интерес од Њукасл.

Вајналдум по победата над БиХ: Убаво беше да се радуваме по пет натпревари без триумф

Тале Кристо — Mon, 16 Nov 2020 08:22:33 +0000

Играчот за врска на холандската фудбалска репрезентација Џорџино Вајналдум ги сумираше впечатоците резултатите од натпреварот во Лигата на нации против Босна и Херцеговина (3:1). Вајналдум беше стрелец на два гола и еден од најзаслужните за прекинот на серијата без победа на „лалињата“. -Поминаа пет натпревари од последната наша победа, па затоа беше убаво да се победи повторно. Имавме можности да ја победиме Шпанија, но успеавме, па тоа беше малку вознемирувачко за нас. Го сторив она што се очекуваше од мене. Јас само си ја вршев својата работа, изјави Вајналдум. Холандија по пет кола е втора на табелата во првата група од А-дивизијата во Лигата на нации. Холандија има 8 бода, зад лидерот Италија која собра 9. Полска е трета со 7, додека Босна и Херцеговина има 2.