Киелини: Тоти требаше да ја добие Златната топка, Шевченко и Овен не се подобри од Франческо

Магдалена Андонова — Sun, 28 Jun 2020 17:30:03 +0000

Капитенот на Јувентус, Џорџио Киелини изрази мислење дека поранешниот играч од средниот ред на Рома, Франческо Тоти заслужил да ја добие наградата „Златна топка“. – Играв со Франческо Тоти, но скоро секогаш бевме ривали. Го видов на неколку натпревари на италијанскиот национален тим пред СП 2006 година, но потоа престана да игра за репрезентацијата. Франческо беше навистина грандиозен. Штета е што не играше на други турнири, но ова е во извесна смисла романтично – тој целиот живот го посвети на Рома. Тоти победи многу помалку отколку што можеше. Тој требаше да стане сопственик на „Златната топка“. Франческо навистина можеше да ја добие оваа награда пред хегемонијата на двајца вонземјани – Роналдо и Меси. Овој трофеј го добија Овен и Шевченко, кои беа величествени, но не и подобри од Тоти, напиша Киелини во својата автобиографија. Тоти играше за Рома од 1992 до 2017 година. Вкупно, играчот од средниот ред мина повеќе од 600 натпревари за римскиот клуб. (МИА)

Киелини не му даде ниту еден глас на својот тренер Алегри

Ивона Петрова — Tue, 25 Sep 2018 06:51:21 +0000

Капитенот на италијанската фудбалска репрезентација, Џорџио Киелини поради гласањето на ФИФА изборот на најдобрите за минатата сезона, го навлече на себе гневот на италијанската јавност. Киелини кај гласањето за тренер на годината, пет поени му додели на Дидие Дешам, три на Зинедин Зидан, додека еден поен од неговото гласање отиде на контото на Гарет Саутгејт. На капитенот на „Азурите“ му се замерува што ниту еден глас не му додели на својот тренер Масимилијано Алегри, кој зад себе имаше одлична сезона. Што се однесува за гласањето за најдобри фудбалери, Киелини пет поени даде за клупскиот колега Кристијано Роналдо. МИА

Џорџио Киелини – Kurir.mk

Киелини: Тоти требаше да ја добие Златната топка, Шевченко и Овен не се подобри од Франческо

Киелини не му даде ниту еден глас на својот тренер Алегри