Џорџо Киелини – Kurir.mk

Киелини: Огромно разочарување за нас, тешко е да се објасни што се случи

Ристе Здравков — Fri, 25 Mar 2022 06:07:26 +0000

Ветеранот во италијанската фудбалска репрезентација Џорџо Киелини не може да поверува што и се случи на неговата репрезентација на синоќешниот дуел со Македонија. – Тешко е да се објасни. Огромно разочарување за нас. Одигравме добар натпревар, но не можевме да постигнеме гол. Од септември до денес направивме грешки и плативме за нив. Јасно е дека сме уништени и здробени, ќе остане голема празнина во нас. Имаме многу добри млади играчи и ќе се обидеме да одиме да го освоиме следното ЕУРО и да се пласираме на СП 2026. Вечерва не примивме ништо освен голот. Создадовме многу шанси, но за жал не успеавме да реализираме. Се надевам дека оваа празнина ќе ни даде поттик да започнеме повторно, се уште се надевам затоа што Манчини се покажа како одличен тренер и може да ни помогне да се рестартираме, истакна Киелини. Во Палермо македонските фудбалери направија вистинска сензација победувајќи го актуелниот европски првак со 1:0 во полуфиналето од плејофот за Светското првенство 2022. Во финалето „црвено-жолтите“ ќе играат против Португалија исто така на гостински терен.

Киелини поради повреда надвор од терените неколку недели

Ивона Петрова — Tue, 08 Feb 2022 13:07:36 +0000

Дефанзивецот на Јувентус, Џорџо Киелини ќе пропушти неколку недели поради повреда, објави официјалниот сајт на торинскиот клуб. Лекарскиот преглед открил повреда на левата нога на 37-годишен Италијанец. Ветеранот оваа сезона одигра 16 натпревари за Јувентус. Договорот на Киелини со „Старата дама“ е со важност до 30 јуни 2023 година. По 24 кола воиИталијанската Серија А, Јувентус освои 45 бода и е четврти во поредокот со осум бода помалку од лидерот Интер.

Киелини и Јувентус ќе ја продолжат соработката

Бошко Тасиќ — Mon, 02 Aug 2021 15:30:07 +0000

"Скај Спорт Италија“ објави дека италлијанскиот фудбалски репрезентативец Џорџо Киелини постигнал договор за нов двегодишен договор со Јувентус. Обновувањето на договорот на капитенот на „бјанконерите“ беше очекувано, само остана нејасно дали новиот „дил“ ќе биде на една или две години. Киелини, кој и помогна на Италија да го подигне европскиот шампионски пехар ова лето, продолжува со „Старата дама“ . „Скај“ денеска објави дека тој си подал рака со управата на тимот за нов двегодишен договор кој треба да биде потврден најдоцна утре.

ХИТ НА ИНТЕРНЕТ: Фудбалер на Милан во соблекувалната се сликаше со Роналдо, но наместо тоа налета на голиот Киелини (ФОТО)

Дарко Андоновски — Tue, 13 Nov 2018 08:43:46 +0000

Јувентус во неделата на „Сан Сиро“ во дербито на италијанското првенство го победи Милан со 0:2. Џенаро Гатузо е познат како тренер кој не сака неговите фудбалерите да даваат значење на нивните идоли кога тие им се противници, токму тоа го направи еден од најталентираните фудбалери од школата на Милан, Раоул Беланова. Беланова после натпреварот успеал да стигне до соблекувалната на Јувентус каде што се сликаше со Кристиано Роналдо и таа фотографија немаше да привлече толкава внимание доколку во позадина Киелини не беше – угол гол, погледнете.

Миленикот на фановите со капитенската лента: Еве кој ќе биде наследникот на големиот Џиџи

Матеја Петровски — Thu, 17 May 2018 18:07:35 +0000

Главната вест во фудбалскиот, а може да се каже и целиот спортски е одлуката на Џанлуиџи Буфон, легенда и капитен на најтрофејниот италијански клуб Јувентус, да го напушти клубот. Миленикот, не само на фановите на Јувентус туку и на најголемиот дел од фудбалските фанови, после 17 години, од кои шест е капитен на торинскиот великан од следната година ќе има свој заменик. Пред Буфон капитен на Старата дама беше Алесандро Дел Пиеро, тие двајца сигурно се меѓу најголемите играчи кои играле за клуб, ако не и најголеми. Прв капитен на Јувентус во 21-от век беше Антонио Конте, кој го 2012 го врати Јувентус на шампионските патеки, по 6 години без титула. Нов лидер на црно-белите од Торино ќе биде уште миленик на навивачите на Јувентус, борбениот Џорџо Киелини, кај фановите познат како Џорџоне. Инаку, Киелини својата кариера ја започна во Ливорно, од каде заминува во Рома, која прво го враќа на позајмица во Ливорно, а го праќа на уште позајмица во Фиорентина, каде фудбалскиот свет ги запознава неговите квалитети. Во Јувентус пристигнува во 2005-та како голем талент на 20 години, во клубот остана и во сезоната помината во Серија Б, а од следната сезона ќе биде капитен на Старата Дама.

Киелини поради повреда ќе го пропушти натпреварот со Интер

Даниел Василев — Mon, 23 Apr 2018 08:23:31 +0000

Фудбалерот Јувентус, Џорџо Киелини, најверојатно, нема да игра на натпреварот од 35. коло на шампионатот на Италија против Интер. 33-годишниот дефанзивец беше повреден во 34. круг со Наполи (0:1) одигран синоќа во Торино. - Киелини, најверојатно, нема да биде подготвен за натпреварот со Интер, кусо изјави тренерот Алегри, при тоа не соопштувајќи повеќе детали за повредата. Натпреварот Интер – Јувентус ќе се игра в саботата (28 април) и е многу значаен за конечниот исход во Серија А. Во пресрет на овој меч Јувентус е прв на табелата со бод предност во однос на Наполи. МИА