Џош Хартнет – Kurir.mk

Џош Хартнет и Тамсин Еџертон се венчале на тајна свеченост

Катерина Бојаџиева — Tue, 08 Mar 2022 09:56:19 +0000

Џош Хартнет и неговата долгогодишната девојка Тамсин Еџертон тајно се венчале минатата година. Веста е објавена сега. Тие стапиле во брак на свеченост далеку од очите на јавноста, на 5 ноември, потврди неговиот публицист за „Јаху ентертејнмент“ (Yahoo Entertainment). Двојката се запозна на снимањето на нивниот филм „Љубовници“ (The Lovers) од 2011, а во врска се од 2012 година. Холивудскиот срцекршач е познат по своите романси со колешките Скарлет Јохансон, Кирстен Данст, Џулија Стајлс. Во меѓувреме, Хартнет свесно се тргна себеси од средиштето на вниманието во Холивуд, одбивајќи улоги како Бетмен и други. Тоа тој го нарече „најдоброто нешто за моето ментално здравје и мојата кариера“. – Она на што сум најмногу горд е тоа што сум татко на три деца и имам добри односи со мојата партнерка и одличен семеен живот… И сè уште можам да работам на добри филмови, а, како што стареам, ликовите стануваат и поинтересни!, изјави тој во една прилика. Хартнет и Еџертон добија ќерка во 2015, второто дете во 2017. и трето – во 2019 година. Никогаш не ги открија имињата на нивните деца.

Славниот актер објасни зошто се повлекол од големите филмови

Катерина Бојаџиева — Fri, 10 Dec 2021 10:57:32 +0000

Актерот Џош Хартнет на публиката ѝ е познат по улогите во „Перл Харбор“, „Падот на Црниот јастреб“, „Среќниот број Слевин“ и „40 дена и 40 ноќи“. Иако беше многу популарен на почетокот на овој век, тој одеднаш престана да глуми во големи холивудски хитови, посветувајќи им се на други проекти. Во интервју за каналот „Севен санрајс“, тој ги објаснува причините зад тоа повлекување. – Моето гледање на Холивуд секогаш се движеше меѓу фрустрација и неволно прифаќање. Откако одбив да глумам во познати филмски хитови, не исчезнав од филмската продукција, како што некому му се чини. Само се држев настрана од Холивуд и бомбастичните наслови, бидејќи сфатив тоа не е начинот на кој сакам да живеам и работам, истакна актерот. Тој додаде дека одлуката е важна за неговото ментално здравје, кое се влошувало. Во друго неодамнешно интервју, глумецот потврди дека работи на нови проекти. – Навистина уживав да снимам филмови, но индустријата тогаш беше премногу за 21-годишно момче… Папараците беа на секое ќоше и не можев да одам никаде без некој да ме вознемирува. Не можам да снимам филмови, а да не бидам во средиште на вниманието, па одлучив да излезам од сѐ тоа, објасни Џош. Единствено жали што одбил да глуми во филмот „Планината Броукбек“ (Brokeback Mountain), за улогата што му била доделена на Хит Леџер. Џош сега живее во Велика Британија со своето семејство. Тој и сопругата Тамис Еџертон го добија своето трето дете кон крајот на 2019 година. Според ИМДБ, Хартнет во мигов работи на филмот „Ида Ред“, „Операција Среќа“, ТВ-серијата „Индекс на стравот“ и документарната серија „Истреби ги сите Брутови“.

Беше најголемиот заводник во Холивуд, а потоа исчезна: Еве како денес изгледа Џош Хартнет (ФОТО)

Ивана Ефремовски — Fri, 15 Mar 2019 08:29:07 +0000

Џош Хартнет во 90-тите години важеше за холивудски заводник и момче за кое многу девојки сонуваа. По неколкуте големи улоги кои го прославија, Хартнет потполно исчезна од филмската индустрија и ретко се појавува во јавноста. Денес има 40 години, но неговиот лик останал речиси непроменет. Џош постигна статус на холивудска ѕвезда по улогата во култниот филм “Pearl Harbor”, а подоцна заблеска и во „Black Hawk Down”. По тие две улоги, неговата слава започна да бледнее, а тој се вратил во својот роден град Минесота и одбил поголем дел од улогите кои му биле понудени. Со Тамсин Егертон се венчал во 2012 година. Тие се родители на две деца, но поради фактот што вешто ја кријат својата приватност, не се познати ни имињата ниту возраста на децата. Во друштво на својата сопруга, поранешниот холивудски заводник уживал со дружењето со припадниците на британското кралско семејство на свечената вечера и насмеано се ракувал со принцот Чарлс.