џошуа кимих – Kurir.mk

Капитенот на Баерн Минхен се сели во Барселона

Бошко Тасиќ — Wed, 11 Oct 2023 05:31:24 +0000

Капитенот на германскиот шампион Баерн Минхен, Џошуа Кимих, по завршување на сезоната може да си замине од „Алијанц арената“ и да го следи стапките на Роберт Левандовски од минатото лето и да се пресели во Барселона. Кимих и летово се поврзуваше и со трансфер во Барселона, но постои голема можност трансферот да се реализира идното лето бидејќи фудбалерот ќе влезе во последната година од договорот, а преговорите за нов договор, сè уште не се започнати. Причина за тоа е што Кимих е лут на управата на Баерн бидејќи го смени тренерот Јулијан Нагелсман, атмосферата во соблекувалната не е идеална под водство на Томас Тухел. Дополнителен адут на Барселона за потпис со Кимих и е тренерот Чави Ернандес кој му е идол на германскиот фудбалер.

ВИДЕО: „Бомбата“ на Кимих во 90-та минута која го спаси Баерн од бламажа

Ристе Здравков — Wed, 25 Jan 2023 08:45:20 +0000

Баерн Минхен одигра второ реми во низа, сега против Келн на домашен терен (1:1). Бламажата за клубот од Минхен ќе беше поголема ако Кимих со една „бомба“ од 30-тина метри не ги спасеше баварците од пораз. Келн водеше по само четири минути игра, додека Баерн дури во 90. минута успеаа да стигне до гол за бод.

Кимих: Ми доаѓа да пропаднам во земја!

Ристе Здравков — Fri, 02 Dec 2022 14:00:57 +0000

Германската репрезентација е елиминирана од Светското првенство во Катар. Германците завршија на третото место во групата Е зад Јапонија и Шпанија и ќе мора да се вратат дома вторпат по ред по само три натпревари на Мундијалот. Германија синоќа во последното коло од групната фаза ја совлада Костарика со 4-2, но поради победата на Јапонија над Шпанија од 2-1 пропушти пласман во осминафиналето. Еден од најискусните играчи во тимот на „панцирите“, играчот од средниот ред на Баерн, Џошуа Кимих, во изјава по натпреварот истакна дека испаѓањето од Мундијалот е катастрофа. „За мене ова е најлошиот ден во мојата кариера. Би пропаднал во земја! На крајот на краиштата, мислам дека овие неуспеси се поврзани со мене”, вели Кимих. Репрезентацијата на Германија го освои Светското првенство во Бразил во 2014 година, но не се прослави на следните три големи натпреварувања. На ЕП 2016 испаднаа во полуфиналето, на СП 2018 веќе во групната фаза, додека на минатогодишното ЕВРО испаднаа во осминафиналето.

Баерн без двајца клучни фудбалери во ЛШ

Бошко Тасиќ — Sun, 02 Oct 2022 06:01:32 +0000

Фудбалерите на Баерн Минхен, Томас Милер и Џошуа Кимих се позитивни на коронавирус поради што ќе го пропуштат натпреварот од третото коло во Лигата на шампионите против Викторија Плзењ што ќе се игра во вторник.

– Џошуа Кимих и Томас Милер, денеска беа позитивни на коронавирус. И двајцата немаат симптои и добро се чувствуваат. Тие се наоѓаат во домашна изолација – соопшти баварскиот тим.

Во Баварија, карантинот престанува по пет дена доколку лицето што било позитивно, во последните 48 часа нема симптоми на коронавирус.

Конечно си легна на брашното: Големиот „анти-ваксер“ се вакцинираше!

Ристе Здравков — Thu, 24 Mar 2022 07:53:52 +0000

Германскиот фудбалер Џошуа Кимих, одлучи дефинитивно да се вакцинира, иако претходно го знаевме дека е антиваксер. Тој на крајот од месец февруари ја примил првата доза на вакцината, а деновиве и втората. За него доста се пишуваше низ германските медиуми, пред се затоа што отворено одби да се вакцинира. Баерн Минхен на почетокот одлучи да ги казнува своите фудбалери кои ќе завршат во изолација, а не се вакцинирани. До сега на Кимих од платата му биле добиени 800.000 евра, а кога заболе од коронавирус на крајот од минатата година и кога претрпе сериозни проблеми со дишењето, дефинитивно го промени мислењето. „Ми беше тешко да се носам со стравот и загриженоста со вакцинацијата, затоа бев неодлучен. Гледајки наназад, подобро ќе беше да се вакцинирам“, порача Кимих. На ист став беше и Новак Ѓоковиќ, кој поради вакцината мораше да ја пропушти Австралија Опен, па останува да се види дали и тој ќе го промени ставот пред Ролан Гарос.

Џошуа Кимих најдобар фудбалер на Германија за 2021 година

Тале Кристо — Thu, 13 Jan 2022 14:44:51 +0000

Играчот од средниот ред на Баерн Минхен, Џошуа Кимих е најдобар фудбалер во репрезентацијата на Германија за 2021 година во изборот на навивачите. Дваесет и шестгодишниот играч од средниот ред доби 33,8 % од гласовите. На второто место е играчот од средниот ред на Челзи, Каи Хаверц (22,7%), додека трет е крилото на Баерн, Лерој Сане (13,6%). За потсетување, на минатогодишното Евро, Германија беше елиминирана од Англија во осминафиналната фаза.

Кимих не сака да се вакцинира, Баерн Минхен го казни 800.000 евра

Бошко Тасиќ — Sun, 21 Nov 2021 07:49:39 +0000

Германскиот фудбалер Џошуа Кимих буквално е во невоља. Играчот на Баерн е во изолација затоа што бил во контакт со лице заразено од Ковид 19, а згора на тоа тој не е вакциниран. Челниците на Баерн со сета сила се обидуваа да го натераат Кимих да се вакцинира но тој според сопствените убедувања тоа не го стори. Затоа, не беше во комбинација за неколку мечеви, па клубот реши да го санкционира на единствениот начин на кој што може. Со парична казна. Кимих ќе биде „олеснет“ со 800.000 евра од годишната плата.

Кимих го обнови договорот со Баерн до 2025 година

Ивона Петрова — Mon, 23 Aug 2021 08:15:07 +0000

Фудбалерот за врска Џошуа Кимих го продолжи договорот со Баерн Минхен, соопшти прес -службата на Баварците. Новиот договор е со важност до 2025 година. Кимих игра за Баерн Минхен од јули 2015 година. Во сезоната 2020/21, 26-годишниот Германец настапи на 39 натпревари за тимот на сите турнири, постигна шест гола и направи 14 асистенции.

Фудбалерот на Баерн Минхен Џошуа Кимих постави рекорд во Лигата на шампионите

Тале Кристо — Wed, 24 Feb 2021 06:54:55 +0000

Фудбалерот за врска на Баерн Минхен, Џошуа Кимих, синоќа учествуваше на првиот натпревар од осминафиналето во Лигата на шампионите со Лацио. Дваесет и шестгодишниот Германец стигна до 38 победи на првите 50 натпревари на турнирот, соборувајќи го рекордот во елитното натпреварување. Кимих ги надмина соиграчот Томас Милер и играчот за врска на Реал Мадрид, Каземиро, кои имаат по 36 победи на своите први 50 средби во Лигата на шампионите. Баерн го победи Лацио во Рим со 4:1 и направи голем исчекор кон четвртфиналето. Баварците се бранители на трофејот во најсилното клупско европско натпреварување.

Кимих: Нема поголема чест од играњето во ЛШ

Ивона Петрова — Sun, 23 Aug 2020 09:02:27 +0000

Фудбалерот на Баерн, Џошуа Кимих изјави дека неговиот тим сака да ја искористи можноста што им е дадена со пласманот во финалето на Лигата на шампионите и ќе дадат се од себе за да го освојат трофејот. – Нема поголема чест од играњето на ова ниво. Како дете, секогаш уживате да ја гледате ЛШ. Имаме огромна можност да ги оствариме желбите. Ова е прва можност за оваа генерација и ќе дадеме се од себе да го кренеме трофејот. Очекувам изедначен натпревар. Ова се два клуба кои заслужуваат да играат во финалето, рече Кимих. Тој рече дека е подготвен за дуели со Нејмар и Килијан Мбапе, кои ќе бидат негови директни ривали на позицијата десен бек што игра. Кимих изјави дека екипата на Баерн значително се променила во однос на пред три години, кога последен пат се сретнале со Пари Сен Жермен и дека тие дуели не треба да се споредуваат со утрешните.