џошуа – Kurir.mk

Фјури: Во три рунди ќе го нокаутирам Џошуа

Тале Кристо — Sun, 13 Dec 2020 13:23:52 +0000

Британскиот боксер Тајсон Фјури експресно одговори на „фрлената ракавица“ од Ентони Џошуа, порачувајќи му на својот сонародник да се подготви за меч во кој нема да издржи подолго од три рунди. Џошуа синоќа со нокаут против Бугаринот Кубрат Пулев ја одбрани титулата светски првак во супертешка категорија во верзиите IBF, WBA и WBO и го предизвика шампионот во верзијата WBC. – Мојот следен противник нека биде оној, кој го поседува појасот што ми недостасува. Ако е тоа Фјури, тогаш нека биде Фјури, порача Џошуа по победата над Пулев во Лондон. -Подготвен сум за него, сакам тоа да биде мојата следна борба. Ќе го нокаутирам во првите три рунди, експресно му возврати Фјури, додека неговиот менаџер Боб Арум претстојниот дуел за обединување на титулите го најави како најголемиот меч во историјата по оној меѓу легендарните Мухамед Али и Џое Фрејзер од пред половина век. -Очигледно се е подготвено за најголемиот меч во супертешка категорија во историјата по Али – Фрејзер во 1971 година“, порача Арум.

Како изгледа лицето на Поветки по мечот со Џошуа (видео)

Ристе Здравков — Mon, 24 Sep 2018 11:33:40 +0000

Рускиот боксер Александар Поветкин беше нокаутиран од Џошуа на мечот во Лондон на „Вембли“. Поветкин се најде на подот во рингот во седмата рунда, откако Британецот му зададе неколку силни крошеа. По мечот, Џошуа отиде во соблекувалната на Поветкин за да види во каква состојба е и да му честите на добрата борба. Британскиот боксер по победата над 39-годишниот Русин ги одбрани титулите во ВБО, ВБА, ИБО и ИБФ верзиите.

Џошуа и Милер за малку не се степаа (ВИДЕО)

Ристе Здравков — Wed, 18 Jul 2018 11:01:43 +0000

Ентони Џошуа и Џарел Милер за малку не се степаа за време на промоцијата на следниот меч на Британецот против Александар Поветкин. Светскиот шампион официјално објави дека ќе ја брани титулата против Русинот на медиумски настан во Њујорк. Тогаш Милер се качи на сцената и почна да го провоцира Џошуа. Двајцата разменија остри зборови и мораше да бидат раздвоени. Поветкин го гледаше ова од страна. „Со кој си мислиш дека зборуваш. Замолчи и слегувај од сцената, мала кучко. Ќе те нашамарам. Покажи почит“, избувна Џошуа. Инаку Џарел Милер трбаше да се бори со Кубрат Пулев, но тој одби да се бори во Софија.