џозеф мускат – Kurir.mk

Експертите алармираат: Се почесто ќе сме сведоци на монструозните бизнис зделки на Заев

Ивона Петрова — Mon, 03 Feb 2020 11:45:39 +0000

Матните бизнис зделки на поранешниот премиер Зоран Заев се почесто во наредниот период ќе излегуваат на површина. Експертите сметаат дека неговата поврзаност со екс премиерот на Малта Џозеф Мускат и контраверзниот тајкун Шаукат Али Гафур од Либија не е случајна. Преку албанските медиуми се отвори нова афера која говори за тајните средби на троецот Заев-Мускат-Гафур за влез во Македонија и партнерство со државата во македонското здравство. Аналитичарот Сотир Костов во изјава за Курир вели дека не е изненаден од ваквите информации. Според него на Заев предност имаат личните бизнис интереси наместо интересот на граѓаните, во случајов изградбата на новиот Клинички центар. -Воопшто не сум изненаден од новиот политичко-дипломатски бизнис лупинг на екс премиерот Зоран Заев. Доаѓа време кога се почесто ќе сме сведоци на бизнис монструозните зделки на Заев произлезени од подводните гребени на извитоперената Димитровско-Заевистичка дипломатија. Повеќе од очигледно е дека покрај официјалните државнички средби тој одржувал и тајни бизнис договори со премиери кои си дале оставка под притисок на јавноста поради вмешаност во убиство на новинар и корупција. Таква му била и бизнис дружбата со Мускат и контроверзниот бизнисмен Гафур. За Клинички центар ќе почекаме, ама за нарко-бизнисите и марихуанче ќе носила насила закони по најбрза постапка. Тоа е. Заев монструозното и срамно владеење го започна со аферата тендер-здравство, па во тој стил и го завршува, само сега со учество на компромитиран странски екс премиер и контроверзен бизнисмен кој за македонското здравство не дава ни пет пари, туку се грижи за својот профит, вели Костов за Курир. За потсетување, според објавите и анализите на медиумите Али Гафур работи според однапред утврдена шема каде државата учествува во приватното партнерство со одредена сума, се додека таа не се испумпа надвор од државата по што основаните компании банкотираат, што и се случи во Малта поради што има обемна истрага. За неколку месеци од потпишувањето за превземање на малтешките болници од компанијата „VGH“, купена од компанијата на Али Гафур банкротирала во Малта. Иако биле ветувани 7 милијари евра инвестициски пакет, банкротот се случил откако државата инвестирала во проектот 51 милион евра. Корумпираниот договор води директно до врвот на малтешката влада. Концесијата од милијарди евра била купена од компанијата „Стјуард“ за 1 евро и тие веднаш потпишале друг Меморандум за разбирање со Црна Гора, а Меморандумот за разбирање со Албанија останал во сила. Либиецот Шаукат Али Гафур бил во контакт преку премиерот Мускат и со тогашниот македонски премиер Зоран Заев. Инаку Зоран Заев има најмалку две официјални средби со премиерот Мускат. Првата е на 14 ноември 2018 година во Скопје.

Заев со министерот за здравство, Филипче, во посета на Малта

Додека втората е во септември 2019 година во Малта кога и се случила споменуваната тајна средба помеѓу Малтешкиот премиер Мускат, Зоран Заев и тајкунот Шаукат Али Гафур. Интересно е што при посетата на Малта во делегацијата е и министерот за здравство Венко Филипче што само ги зголемува сомневањата дека во Малта се случила споменуваната тајна средба на која се разговарало за контраверзниот бизнис. Инаку Владата на Заев по официјалната средба испрати само во штуро соопштение каде напиша дека во фокус била темата здравство, без да посочи некои поголеми детали. -На средбата помеѓу премиерот Заев и Мускат се разговараше за интензивирање на односите помеѓу двете држави на неколку полиња, меѓу коишто, посебен фокус беше ставен на унапредување на соработката во областа на здравството. За таа цел од страна на премиерот на Малта, Мускат, е упатена покана за министерска посета од Владата на Република Македонија во Република Малта, со цел да се разменат искуства во овие области и да се разгледаат начините на соработка“ стои во владиното соопштение. Но кој е контраверзниот либијски тајкун со кој Заев договарал бизниси и кој перел пари во Малта- од милионер до човек кој раководи со црните фондови на Гадафи. Шаукат Али Гафур е милионер кој доаѓа од Либија. Сопственик на безброј оф-шор компании, но и црни фондови. Политико.еу го врзува како човек кој влече пари од замрзнатите фондови на Гадафи во земјите во Европската Унија за што има и посебна истрага. (Оригиналниот текст на следниот линк) Тие излегоа со прецизна анализа – каде се правени исплати од замрзнатите сметки на Гадафи од сметки од Брисел на банкарски сметки во Луксембург и Бахреин. Таквите исплати најчесто оделе преку државниот фонд Libyan Investment Authority (LIA) а дел од структурите на овој фонд завршуваат и во Малта каде оперира токму пријателот на Заев, либиецот Шакур. Шаукат Али Гафур во Малта настапува откако стекнува пријателство со екс премиерот Џозев Мускат. Тој влегува во партнерство со државата од која испумпуваат пари кои завршуваат во компаниите на Гафур во странство. Скандалот со болниците се дознава кон крајот на минатата година по што медиумите во Малта пишуваа за блиските врски на премиерот на Малта кој делува како посредник во бизнисите на Шаукат.

Шаукат Гафур со шефот на обезбедувањето на Мускат

Пријателот на Заев, премиерот на Малта, Џозев Мускат, e соборен од позицијата поради вмешаност во атентат на новинарка и перење на пари по што е прогласен за криминалец на годината. Џозеф Мускат беше директно посочен за одговорен за убиството на новинарката во Малта која пишуваше за криминалите на власта, Дафне Каруана Галиција. Најпрво во номеври 2019 година беше уапсен поранешниот шеф на кабинетот на премиерот на Малта, Кит Шембри во рамките на истрагата за убиството на новинарката Галиција кое инаку се случи во 2017 година. Со своите најнови откритија, таа посочи со прст на премиерот Џозеф Мускат и двајцата негови најблиски соработници, поврзувајќи ја оф-шор компанијата, со која тројцата се поврзани, со продажбата на малтешки пасоши и исплата од владата на Азербејџан. -Во изминативе две години во извештаите главно се фокусираше на откривањето на т.н. „панамски документи“, односно 11,5 милиони документи што протекоа од внатрешната база на податоци од четвртата најголема офшор правна фирма во светот Мосак Фонсека. Проектот за известување за организираниот криминал и корупцијата (ОЦЦРП) го избра пријателот на Заев, премиерот на Малта Џозеф Мускат за „криминалец на годината“. Главните фактори кои влијаеле врз одлуката се убиството на новинарката, матните офшор зделки и тоа што медитеранската државичка се најде во канџите на криминални интереси од голем обем, соопшти ОЦЦРП. Мускат овој јануари си поднесе оставка по масовните протести во Малта.

ЕП бара оставка од премиерот на Малта поради убиството на новинарката

Ивона Петрова — Thu, 19 Dec 2019 06:29:17 +0000

Европски парламент синоќа усвои резолуција во која се бара премиерот на Малта, Џозеф Мускат да мора да поднесе оставка поради опасноста да ја загрози истрагата за убиството на новинарката Дафне Каруане Галација. „За“ резолуцијата гласаа 581 европратеник, 26 се изјаснија „против“, а 83 беа „воздржани“. Европратениците се загрижени поради веродостојноста на истагата за убиството на новинарката Каруане Галиција, се додека Мускат е на функција постои ризик од загрозување на истрагата. Резолуцијата на ЕП упатува на обвиненија за корупција и перење на пари против премиерот на Малта, како и против неговиот шеф на кабинет и поранешниот министер за туризам, другите членови на Владата, како и приватни фирми и поединци поврзани со него. Настаните на Малта последните години доведоа до сериозни и трајни закани за владеењето на правото, демократијата и основните права, се истакнува во соопштението на ЕП, при тоа изразувајќи загриженост поради слободата на медиумите, независноста на полицијата и правосудниот систем, слободата за мирни собири и поделбата на власта. ЕП исто така бара да се укине Програмата на Малта за доделување на државјанства и право на претстој на инвеститорите, бидејќи тоа подразбира продажба на граѓанството на Европска Унија и е опасен ризик за борбата против перењето пари и прекуграничниот криминал. Европратениците во резолуцијата го поздравија востанувањето на годишната награда „Европска награда за истражувачко новинарство – Дафне Каруана Галиција“. По убиената новинарка претходно е наречена сала во ЕП во Стразбур, во која се одржуваат прес-конференции. Мускат на почетокот од месецот по притисок на јавноста и протестите најави дека ќе поднесе оставка од функцијата на 12 јануари, откако владејачката Лабуристичка партија идниот месец избере нов лидер. Каруана Галиција истражуваше случај на корупција, во кој беа вмешани и соработници на премиерот. Таа на својот блог ги обвинуваше политичарите на Малта за корупција. Новинарката беше убиена во октомври 2017 година кога под нејзиниот автомобил беше поставен експлозив.

Премиерот на Малта во јануари поднесува оставка

Ивона Петрова — Mon, 02 Dec 2019 06:39:41 +0000

Премиерот на Малта Џозеф Мускат изјави синоќа дека ќе си поднесе оставка во јануари по притисокот на граѓаните барајќи вистина за убиството на новинарката во Дафне Каруана Галиција. Мускат во телевизиското обраќање рече дека го известил претседателот дека ќе поднесе оставка на функцијата лидер на владејачката Лабуристичка партија на 12 јануари и дека ќе „поднесе оставка како премиер во наредните денови“. Претходно, членовите на малтешката Лабуристичка партија го поддржаа Мускат. Малтешките медиуми претходно објавија дека Мускат би можел да остане на функцијата до јануари кога партискиот конгрес ќе избере нов лидер. Во меѓувреме, речиси 20.000 луѓе протестираа барајќи оставка на Мускат и Владата.

Премиерот на Малта му порача на Рашковски: Ако мислите дека Малтежаните се измамници, тогаш дојдете и уверете се

Дарко Андоновски — Thu, 11 Jul 2019 14:36:13 +0000

Скандалот со снимките кои излегоа во јавноста и денеска е топ-тема во Малта. тамошните медиуми почнаа и да тераат мајтап со македонската Влада. Џозеф Мускат, премиерот на Малта му порача на генералниот секретар на македонската влада дека ако смета дека Малтежаните се измамници, тогаш очигледно никогаш не се сретнал со жителите на островот Гозо, пишува малтешкиот сајт http://bis-serjeta.com. Имено генералниот секретар Драги Рашковски во својот телефонски разговор со претседателот на македонскиот оператор за контрола на летање М-НАВ изјави дека Малта експлоатира дупки во законите за набавки во ЕУ се со цел да заштеди пари, по што се огласи и премиерот на земјата, пренесува сајтот. -Ја отфрламе во целост изјавата и обвинувањето дека Малтежаните се крадци и арамии, рече премиерот на прес-конференција утрово. Тој додаде дека они се крадци, но во споредба со жителите на островот Гозо, сме невини јагниња. Тој во својата прес-конференција вели и дека Рашковски ако сака да види вистински приказ за измамници нека изнајми куќа на Гозо и да користи такси од фериботскиот терминал.