џуд белингем – Kurir.mk

Белингем: Сакам да играм во Реал Мадрид уште 15 години

Бошко Тасиќ — Thu, 19 Oct 2023 03:57:44 +0000

20-годишниот супер-талент Џуд Белингем се наметнува како еден од најдобрите светски фудбалери во моментов и за Реал Мадрид досега постигна дванаесет гола и четири асистенции и се чини дека нема намера да запре со спектакуларните игри. Самиот Белингем сѐ уште е скромен и вели дека има уште многу работа за да го оправда богатиот договор во „кралскиот клуб“. „Уживам во фудбалот. Играм на највисоко можно ниво и неизмерно сум радосен поради тоа. Почнав да го остварувам мојот сон, а Реал е вистинското место за такво нешто. Сакам да освоиме сѐ што можеме и знам дека овој тим има неверојатен потенцијал. Сонувам да играм тука во следните 10-15 години, а круна на кариерата би била освојувањето на Европско или Светско првенство со Англија. Имаме млада екипа, надополнета со искусни играчи кои буквално можат да пишуваат книги за успешност во фудбалот. Кога играш покрај родени шампиони, голема е веројатноста и ти да станеш успешен. Сега мислам само на новите предизвици, сакам да ја оправдам дадената доверба и да покажам дека богатиот договор со Реал не бил само случајност за мене“, заклучи Белингем.

Хоселу: Белингем ќе влезе во историјата на Реал

Бошко Тасиќ — Wed, 11 Oct 2023 05:28:34 +0000

Реал Мадрид игра добро во Примера и Лигата на шампионите, а голема заслуга за тоа има летното засилување Џуд Белингем кој игра ефикасно во двете конкуренции, дава голови и бележи асистенции. Сега Хоселу го тера вториот „мандат“ во Реал и е многу близок со Белингем за кого е убеден дека ќе испише историја. -Белингем е играч кој има многу да се развива бидејќи е роден да игра за Реал Мадрид. Ни дава нешто поразлично од играч од средниот ред или плејмејкер, како сакате наречете го. Тој е играч кој застана на нозе и внатре во соблекувалната и надвор, тој е многу сакан од навивачите и од нас, поради неговиот начин на живот. Тој е играч кој ќе направи многу добри бројки и ќе влезе во историјата во Реал Мадрид. Многу скромно момче, кое се труди да разговара со сите. Многу комуницирам со него бидејќи зборувам англиски. Се трудам многу да се дружам со него. Тој е многу вредно момче, има 20 години, но изгледа како да има 30. Има неверојатна зрелост и знаење, -вели Хоселу кој посочи дека Џуд се обидува да го научи шпанскиот јазик.

Белингем го надмина рекордот на Кристијано Роналдо

Ивона Петрова — Sat, 07 Oct 2023 20:52:06 +0000

Џуд Белингем за краток период успеа да сруши рекордот на Кристијано Роналдо во Ла Лига. Играчот од средниот ред на Реал Мадрид денес го отвори резултатот во 9. минута од мечот со Осасуна во 9. коло, а во 54. уште еднаш се запиша во листата на стрелците. Ова се негов седми и осум гол во шпанското фудбалско првенство. Кристијано Роналдо во истиот период во 2009 година постигна седум гола за Мадрид. Воедно, во првите 10 натпревари за Реал на сите турнири, 20-годишниот Белингем е пред Португалецот по ефективни акции. Англичанецот има 10 гола и 3 асистенции, напаѓачот има 10 постигнати голови и 1 асистенција.

Анчелоти: Белингем има неверојатен квалитет и карактер

Бошко Тасиќ — Wed, 04 Oct 2023 04:03:18 +0000

Џуд Белингем е играч од средниот ред кој е супер ефикасен за Реал Мадрид на стартот од сезоната. Многу од неговите голови беа и одлучувачки. Белингем постигна гол и вечерва против Наполи, а Анчелоти по мечот не штедеше пофалби за него. „Тоа што ме изненадува кај Белингем е дека тој има 20 години. Тој има многу квалитет и е неверојатно зрел и има голем карактер за негова возраст. Тоа е тоа што кај него ме изненадува најмногу“, рече Анчелоти.

Белингам: Станувате свесни за Реал Мадрид колку е голем овој клуб кога ќе потпишете за нив

Бошко Тасиќ — Fri, 22 Sep 2023 04:05:25 +0000

Како што стојат работите, ова лето Реал Мадрид го доби играчот кој го посакуваа, Џуд Белингам. Момчето кое од Дортмунд се пресели во Реал Мадрид, има фантастичен почеток во дресот на „кралевите“, тој директно реши во корист на Реал три натпревари на почетокот од сезоната, што најавува возбудливост за нивните фанови. Белингам веќе има пет погодоци на исто толку натпревари и ветува многу за во иднина. „Искрено не знаете колку е голем Реал додека не станете дел од него, тоа е навистина неверојатно. Јас по природа сум срамежливо момче, но овде брзо и добро се прилагодив во клубот, секогаш имам насмевка на лицето“, порача Белингам по вчерашниот натпревар против Унион Берлин.

Белингем ја одбра „петката“ на Зидан и порача: Не сум сметководител, не ме интересира колку Реал плати за мене

Ристе Здравков — Thu, 15 Jun 2023 12:43:36 +0000

Џуд Белингем попладнево беше промовиран како нов фудбалер на Реал Мадрид, Англичанецот го одбра дресот со број 5 кој во минатото го носеше легендарниот Зинедин Зидан. 19 годишниот Џуд Белингем е новиот „галактико“ на Флорентино Перез, Реал Мадрид синоќа го комплетираше трансферот вреден 103+34 милиони евра, па Англичанецот денеска се појави пред медиумите. „Задоволство е да се биде тука, Реал е најголемиот клуб во историјата, не му се укажува шанса на секого да заигра тука. Благодарен сум им на луѓето кои ме донесоа и ми дадоа прилика да го облечам белиот дрес“ – вели Белингем. Тој го одбра број 5, кој во минатото го носеше легендарниот Зинедин Зидан. „Најпрво сакам да му се заблагодарам на Ваљехо што ми го отстапи бројот, разговаравме и не правеше проблеми. Се работи за одлично момче, навистина сум му благодарен“. „Го обожавам Зидан многу, неговoто наследство во овој клуб и со овој дрес. Ме инспирира овој број, чест и задоволство е да се носи „5та“. Сепак, јас сум малку поинаков профил на фудбалер“. За високата сума која Реал Мадрид ја плати, тој вели: „Знам дека платија многу, но сумата не ме загрижува. Не сум сметководител, ниту пак адвокат, јас сум фудбалер и дојдов да играм фудбал“.

Белингем го одби новиот договор од Борусија Дортмунд

Бошко Тасиќ — Mon, 23 Jan 2023 06:11:01 +0000

Англиските медиуми веќе почнаа да шпекулираат дека младиот фудбалер на Борусија Дортмунд, Џуд Белингем и дефинитивно ќе замине од оваа екипа во летниот преоден рок. Причина за тоа било што играчот им дал дознаење на првите луѓе на германскиот клуб дека ќе одбие нов договор доколку истиот му биде понуден. Дел од медиумите пак веќе потврдија дека Белингем на маса добил договор за продолжување на соработката и дека истиот експресно го одбил со надеж дека на лето ќе реализира трансфер во некој врвен клуб. 19 годишниот фудбалер за врска е врзан со Борусија Дортмунд до 2025 година, па и онака „милиониерите“ ќе заработат многу на негов евентуален трансфер. Засега како најсериозни кандидати за неговиот потпис се споменуваат Ливерпул и Реал Мадрид.

ПСЖ е подготвен да плати повеќе од 120 милиони евра за Белингем

Ивана Ефремовски — Sun, 11 Dec 2022 16:39:14 +0000

Пари Сен-Жермен не се откажа од борбата за потпис на играчот од средниот ред на Борусија Дортмунд, Џуд Белингем, објави „Ел Национал“. Парискиот клуб е подготвен да плати повеќе од 120 милиони евра за 19-годишниот англиски репрезентативец. Претходно медиумите пишуваа дека за играчот се заинтересирани и Челзи, Ливерпул, Манчестер јунајтед, Реал Мадрид и Манчестер сити. Оваа сезона Англичанецот забележа 22 настапи за „милионерите“ во сите натпреварувања, постигнувајќи девет гола и три асистенции. Белингем игра за Борусија Дортмунд од 2020 година. Неговиот актуелен договор истекува на 30 јуни 2025 година. (МИА)

Кин: Белингем ќе биде суперѕвезда, тој веќе игра како да има 100 настапи за Англија

Тале Кристо — Tue, 06 Dec 2022 09:24:26 +0000

Легендарниот фудбалер на Манчестер јунајтед, Рој Кин го оцени настапот на Џуд Белингем во осминафиналето на Светското првенство 2022. На овој меч Англија го победи Сенегал со 3:0, а 19-годишниот играч од средниот ред на Борусија Дортмунд направи асистенција. – Кога работите стануваат тешки, потребен ви е играч од средниот ред кој може да направи магија и тоа е она што го направи Белингам. Брилијантно. Тоа е она што го сакате од играч од средниот ред: моќен, силен, со визија и малку среќа. Тој ќе стане суперѕвезда. Овој збор го користиме постојано, но погледнете ја неговата зрелост. Тој игра како веќе да има одиграно 100 натпревари за Англија. Одамна не сум видел млад играч од средниот ред да игра вака. Импресионира со неговата зрелост, неговото одлучување, изјави Кин за „ITV Sport“. Англија во четвртфиналето на Мундијалот во Катар ќе се соочи со Франција.

Само Мајкл Овен е пред него: Белингам испиша историја со голот против Иран

Ристе Здравков — Mon, 21 Nov 2022 14:32:43 +0000

Tинејџерската ѕвезда, Џуд Белингем е единствениот фудбалер кој не игра во Премиер лигата во репрезентацијата на Англија, а денес против Иран испиша историја. Англија за едно полувреме на Иран му даде три гола, а натпреварот го отвори Белингам после половина час игра. Со 19 години и 145 дена Белигам стана втор најмлад стрелец за Англија на Мундијалите пред него сега е само Мајкл Овен кој со 18 години 190 дена беше стрелец на Светското првенство во 1998 година. До крајот на првото полувреме мрежата на Иран ја погодија уште Букајо Сака и Рахим Стерлинг.