Џулија Робертс – Kurir.mk

ФОТО: Џулија Робертс направи драстична промена, новата фризура одлично и прилега

Ивона Петрова — Thu, 30 Mar 2023 19:38:39 +0000

Една од најубавите актерки Џулија Робертс со години не го менува својот изглед, а сега реши да направи драстична промена за промоција на луксузните часовници од брендот „Chopard“ во Женева. Џулија за споменатата пригода се „скоцка“ од глава до пети, а за панел дискусијата и промоцијата на часовниците од споменатиот бренд избра убав бел костум. Сепак, вниманието на јавноста го привлече фризурата на актерката, односно свежо исечените шишки кои во комбинација со нејзината стандардна долга коса ја истакнаа линијата на лицето.

Џенифер Анистон и Џулија Робертс во нова комедија

Ивона Петрова — Wed, 01 Feb 2023 12:37:06 +0000

Џенифер Анистон и Џулија Робертс наскоро ќе се појават заедно во нова комедија. Филмот е сè уште ненасловен, а режисер е Макс Барбаков. По успехот на последниот филм со Џулија и Џорџ Клуни, романтичната комедија „Билет за рајот“ (Ticket to Paradise), не е чудо што бројни студија се борат за претстојната комедија. Инаку, Џулија и Џенифер, и двете среде шестото десетлетие од својот живот, првпат соработуваа во епизода од втората сезона на комичната серија „Пријатели“, а во 2016 година глумеа во филмот „Денот на мајката“. Во меѓувреме, Џенифер неодамна го заврши снимањето на акционата комедија „Мистериозно убиство 2" (Murder Mystery 2) - продолжение на Нетфликс-хитот од 2019 година со Адам Сендлер во главната улога. Филмов излегува на стрим-сервисот на 31 март.

ФОТО: Цел свет гледа во фустанот на Џулија Робертс, а на него ликот на познатиот актер

Ивона Петрова — Mon, 05 Dec 2022 14:14:41 +0000

Актерот Џорџ Клуни е еден од добитниците на наградата „Кенеди центар“ која веќе 45 години им се доделува на оние кои придонеле за развој на американската култура. На настанот присуствуваше и долгогодишната пријателка на Клуни, актерката Џулија Робертс која несомнено го привлече целото внимание кон себе. Таа направи нешто што никој не го сторил до сега. Се појави во долг црн фустан, а кој имаше слики од Клуни. Светските медиуми пишуваат дека Џулија која на настанот дојде со својот сопруг, на овој начин сакала да му пружи поддршка на својот пријател.

Близнаците на Џулија Робертс слават роденден, нивната славна мајка им честиташе со емотивна објава (ФОТО)

Ивана Ефремовски — Tue, 29 Nov 2022 08:55:07 +0000

Познатата актерка Џулија Робертс од 2002-ра година е во брак со Даниел Модер, со кој има три деца, синовите Хенри и Финеj и ќерката Хејзел. Хејзел и Финеj се близнаци, кои сега го прославија својот 18-ти роденден. Нивната мајка се огласи на Инстаграм и сподели досега невидена фотографија од близнаците од времето кога тие беа бебиња. Таа само го ставила бројот 18 во описот и додала: „Ве сакам“.

View this post on Instagram

A post shared by Julia Roberts (@juliaroberts)

Животната приказна на Џулија Робертс може да биде инспирација за филм

Катерина Бојаџиева — Mon, 31 Oct 2022 17:01:47 +0000

Eдна од најдобрите холивудски актерки, славната Џулија Робертс зачекори во шестата деценија од животот, но нејзината глума и изглед сè уште го привлекуваат интересот на јавноста. Нејзината животна приказна е толку возбудлива што е само прашање на време кога некој ќе се осмели да ја пренесе таа приказна на екранот. Џулија Робертс важи за една од најплатените актерки во Холивуд. По освојувањето на Златен глобус за улогата во „Челични магнолии“, таа беше номинирана и за Оскар. Џулија е позната како голем поддржувач на природниот изглед, поради што одбивала секакви естетски корекции. Таа сака да изгледа во склад со годините, а би се рекло дека токму поради тоа и денес е многу ангажирана актерка. Џулија Робертс е родена на 28 септември 1967 година во Смирна, Џорџија. Нејзиното целосно име е Џулија Фиона Робертс. Нејзиниот татко се викал Волтер Градли, а мајка ѝ Бети Лу. Кога Џулија имала само четири години, бракот на нејзините родители завршил со развод, по што нејзината мајка се омажила за Мајкл Моатс. Ликот на Мајкл бил многу непредвидлив, а често имал изливи на гнев и навредливи коментари упатени кон Џулија, па нејзиното детство со очувот не било воопшто лесно. Постојаните изливи на гнев и агресивното однесување го загорчуваа животот не само на Џулија, туку и на нејзиниот брат и сестра. Таткото на Џулија почина од рак во 1977 година и тоа беше еден од најтешките периоди во нејзиниот живот. Џулија има постар брат Ерик и помлада сестра Лиза, кои исто така се занимаваат со глума, но ни приближно не се толку успешни како Џулија. Покрај нив, Џулија имаше и полусестра, Ненси. За жал, Ненси се самоуби во 2014 година, а неколку месеци подоцна почина и нејзината мајка по долга и тешка борба со ракот. За време на средношколските денови, Џулија почнала да се занимава со глума, а потоа заминала во Њујорк, каде набрзо почнала да работи како модел, за да заработи за живот. Така таа влезе во светот на филмот, глумејќи прва во нискобуџетни филмови. Актерката беше во врска со ирскиот актер Лиам Нисон, канадскиот актер Кифер Сатерленд, Џејсон Патрик, Метју Пери и Бенџамин Брет. Во 1991 година се вери со актерот Кифер Сатерленд, со кого раскинаа три дена пред свадбата. Во 1993 година го запознала пејачот Лио Ловет во кој лудо се заљуби, а набрзо парот тргнал на пат. По две години брак, парот се разведува. Џулија изјавила дека премногу набрзина стапила во брак за кој не била подготвена, дека ја прилекувала голема љубов кон интересен музичар. Исто така, таа не беше подготвена за улогата на мајка, додека Ловет многу го сакаше тоа. Различните светогледи и животни патишта значеа дека парот не може да најде начин да преживее. Во 2001 година, на снимањето на филмот „Мексиканец“ со нејзиниот партнер и пријател Бред Пит, Џулија го запознала камерманот Даниел Модер, кој полека го освоил нејзиното срце и со кого започнала љубовна врска, која на крајот завршила со бракот на парот во Ново Мексико во 2002. годинина. Рекла дека вистинската љубов ја запознала само со Даниел, дека со него созревала и сфатила што е суштината на животот и дека Даниел и го променил животот од корен. Кога се запознале, тој беше во брак со Вера Стајмберг, а набргу откако познатата актерка влезе во неговиот живот, поднесе барање за развод. Во тоа време, некои луѓе ја нарекуваа Џулија „уништувач на бракови“, бидејќи, како што беше напишано, таа киднапирала туѓ сопруг. На 28 ноември 2004 година, благодарение на ин витро оплодувањето, двајцата станаа родители на прекрасни близнаци – Хејзел Патриша и Фајнс Волтер. Три години подоцна двојката добила уште еден син, Хенри.

Метју Пери бил во тајна врска со Џулија Робертс, актерот откри зошто раскинале

Ивона Петрова — Mon, 24 Oct 2022 08:09:42 +0000

Ѕвездата на „Пријатели“ Метју Пери проговори за својот љубовен живот, откривајќи ги деталите од неговата тајна романса со актерката Џулија Робертс. Иако признал дека во еден момент „истрчал дома да и ги чита писмата“, врската, за жал, не траела долго. Пери за првпат отворено проговори за својот љубовен живот, спомнувајќи ги врските со едни од најубавите дами во светот. Покрај Гвинет Палтроу и неговата колешка од сетот Џенифер Анистон, во која бил толку заљубен што довело да се случуваат непријатни ситуации на снимањето на серијата, актерот тајно се забавувал и со Џулија Робертс со која постојано разменувале пораки. Пери откри дека сè почнало откако ја добил улогата на Чендлер Бинг, тогаш го забележала и самата Јулија. На негово изненадување, таа дури се согласила да се појави во една епизода од „Пријатели Супер Боул“ во 1995 година за да биде со актерот. Имено, ко-креаторот на серијата му рекол на Метју да стапи во контакт со Јулија и да и испрати цвеќе. -Морав да и се додворувам. И испратив три пакети црвени рози, а на картичката пишуваше: „Единственото нешто повозбудливо од тоа да се биде во шоуто е конечно да имам изговор да ти испратам цвеќе“, се присети Пери.

Тој изјавил дека набрзо добил одговор од актерката, која му кажала дека се согласува да биде во серијата доколку Пери „адекватно и ја објасни квантната физика“. -Следниот ден ѝ испратив хартија за дуалноста на брановите честички и заплеткувањето, со метафоричен дел. Јулија не само што се согласи да се појави во серијата, туку ми испрати и подарок - пакет со вкусни колачи, открива актерот. Во ерата кога немаше интернет или мобилни уреди, парот почнал да разменува пораки преку факс. Ова траело секој ден во период од три месеци, а сето тоа завршило со тоа што Џулија се појавила на прагот на домот на Метју. -Имаше стотици наши факсови. Три или четири пати на ден седев на моето биро и гледав како пристигнува писмото на Јулија. Понекогаш се фаќав себеси, сред забава на која флертувам со атрактивна жена, го прекинував разговорот и трчав дома да проверам дали пристигнал нов факс. Девет од десет пати бев во право, рекол актерот. -Се насмевнував како петнаесетгодишник на првиот состанок, а никогаш не сме се сретнале да излеземе. Потоа, едно утро, нешто се смени. Факсот на Јулија стана романтичен. „Јави ми се“, пишуваше и нејзиниот телефонски број беше на дното... Пет и пол часа подоцна, кога разговорот се ближеше кон крајот, сфатив дека веќе не сум нервозен. После тоа неможеше ништо да не спречи, паѓавме. Не бев сигурен во што, но ние паѓавме, вели Пери. Таа сабота, истакна тој, некој му тропнал на врата, а тоа била Јулија. Ја пуштил да влезе и тогаш започнала нивната врска.

Метју потоа откри како Џулија го однела со приватен авион до нејзиното планинско скривалиште во Ново Мексико за новогодишната ноќ во 1996 година и тој таму го запознал нејзиното семејство. Меѓутоа, прогонуван од сопствените демони и несигурности, Метју ја прекинал нивната врска два месеци подоцна. -Врската со Јулија беше премногу за мене. Бев уверен дека ќе раскине со мене, дека не сум и доволен. Бев скршен, недостоен за љубовта. Па така, наместо да се соочам со неизбежната агонија од евентуална нејзина загуба, јас раскинав со убавата и брилијантна Џулија Робертс, вели Пери и додава дека кога и ја кажал својата одлука, изразот на нејзиното лице оддавал збунетост.

Џорџ Клуни и признал на сопругата: 80 пати ја снимал сцената каде се бакнува со Џулија Робертс

Ивона Петрова — Sun, 16 Oct 2022 20:07:27 +0000

Во новиот холивудски хит филм „Ticket to Paradise“ легендарното актерско дуо Џорџ Клуни и Џулија Робертс играат разведен пар кој се здружува за да ја спречи нивната ќерка да се омажи. И ништо не би било чудно да не ја снимале сцената каде што требало да се бакнат шест месеци! - Да, и кажав на сопругата Амал. Ја снимавме таа сцена 80 пати, тоа и го кажав. На тоа таа реагираше со зборовите - Како, побогу, објасни Клуни. Секако, веднаш се огласи и Џулија Робертс која објасни што се случувало. - Се смеевме првите 79 пати, а потоа по 80-ти пат конечно се бакнавме, рекла актерката, а Џорџ се надоврзал на тоа: – Па, моравме да го направиме тоа како што треба, заклучил тој. Сепак, се чини дека тоа воопшто не и пречеше на жешката адвокатка, бидејќи сите тројца се појавија заедно на годишната гала свеченост во Музејот на филмот во Лос Анџелес.

Ќерката на Џулија Робертс го имаше своето деби на црвениот тепих во Кан

Тале Кристо — Fri, 16 Jul 2021 08:30:04 +0000

Ќерката на холивудската ѕвезда Џулија Робертс, 16-годишната Хејзел Модер дебитираше на црвениот тепих во Кан на годинашниот Филмски фестивал заедно со нејзиниот татко Даниел Модер. Парот татко-ќерка се појавија по повод премиерата на „Денот на знамето“ (Flag Day), на којшто Даниел работел како кинематограф. За пригодата на црвениот тепих, Хејзел облече бледо-жолт фустан со копчиња, додека Модер носеше свечено одело. Taa нема свој удел во филмот. Робертс и Модер ги имаат Хејзел и нејзиниот брат близнак Финеј, од ноември 2004 година. Потоа, во јуни 2007 година, им се роди и синот Хенри. Двојката првпат се сретна на снимањето на филмот со Робертс – „Мексиканецот“ од 2001 година, во кој глумеше заедно со Бред Пит, кога Даниел Модер беше асистент на камера. Робертс и Модер се венчаа на 4 јули 2002 година.

Ова е еден од омилените филмови, а требало да има мрачен крај: Дознајте како требало да заврши „Убава жена“

Ивана Ефремовски — Thu, 06 Jun 2019 12:19:18 +0000

Иако филмот „Убава жена“ беше снимен во 1990-тите години, на многумина сè уште им е еден од омилените, но можеби тоа немаше да биде така ако завршеше како што првично планираа авторите. Пред да стане романтичен љубовен филм, кој Џулија Робертс ја вивна меѓу ѕвездите, сценариото првично беше наречено „3000″, а за омилената хероина, Вивиен требаше да заврши ни малку среќно. -Тоа беше многу мрачен филм, а крај беше многу тежок, вели актерката Патриша Аркет, која исто така била на аудицијата за филмот. Тоа го потврди и Џулија Робертс. -Ако добро се сеќавам, последната сцена требаше да биде таква што тој ја исфрла Вивиен од автомобилот, фрла пари врз неа и ја остава во валкана улица, изјави Џулија. Иако добива улога во „3000″, таа признава дека во таа верзија на филмот никогаш не би сакала да игра. -Не можев да го сторам тогаш тоа, а не би можела и сега. Фала му на Бога што пропадна, вели Џулија. За нејзина среќа, сценариото го презема Дизни, кој го измени крајот и овозможи оваа приказна да заврши среќно за нејзиниот лик, а сè друго е историја.

Лекција за елеганција: Џулија Робертс беше модерна дама на Оскарите (ФОТО)

Ивана Ефремовски — Tue, 26 Feb 2019 09:57:59 +0000

Холивудската актерка воодушевила со својата елеганција на 91-вото доделување Оскари во Лос Анџелес. Џулија Робертс (51) на овогодишното доделување Оскари се најде во улога на еден од водителите на церемонијата, а за таа задача избрала раскошна креација. „Убавата жена“ го прогласи добитникот во категоријата за најдобар филм „Зелената книга“ и излегла на бина во розов фустан со асиметричен крој со потпис на либанскиот дизајнер Ели Саб.