Џузепе Марота – Kurir.mk

Санчез би можел да се пресели во Интер

Ивона Петрова — Mon, 21 Aug 2023 14:00:47 +0000

Извршниот директор на Интер, Џузепе Марота изјави дека поранешниот напаѓач на „нероаѕурите“ Алексис Санчез го известил за неговата желба да се врати во италијанскиот клуб. - Санчез сака да се врати овде. Алексис ни испрати јасни сигнали за неговата желба да се врати во Интер, вистина е, го цитира Марота новинарот Фабрицио Романо. Алексис Санчез играше за Интер од август 2019 до август 2022 година. Заедно со тимот го освои италијанското првенство, како и Купот и Суперкупот на земјата. Чилеанецот има 109 настапи за Интер во сите натпреварувања, постигнувајќи 20 гола и 23 асистенции. Во сезоната 2022/23, 34-годишниот Санчез одигра 44 натпревари за Марсеј и постигна 18 гола во сите натпреварувања. Во моментов има статус на слободен играч. зс/ На 4 август се појави информација дека Санчез би можел да се врати во Барселона, за која играше од јули 2011 до јули 2014 година.

Шкрињар остана без капитенската лента во Интер

Ивона Петрова — Mon, 06 Feb 2023 09:41:01 +0000

Извршниот директор на Интер, Џузепе Марота го коментираше одземањето на капитенската лента на дефанзивецот на тимот, Милан Шкрињар. Претходно Словакот одби да го продолжи договорот со „нероаѕурите“ и најави дека во летниот преоден рок ќе се пресели во ПСЖ. - Капитенската лента има одредено значење, и ако некој не го разбира тоа, мора да направиме соодветен избор. Одземањето на капитенската лента на Шкрињар не е поврзано со дисциплински причини, тој е професионалец, изјави Марота за „ДАЗН“. Оваа сезона, 27-годишниот Шкрињар забележа 27 настапи за „нероаѕурите“ во сите натпреварувања и има една асистенција. Неговиот договор со клубот е до летото 2023 година.

Марота нaсмеан од уво до уво најави големо засилување на Интер

Ристе Здравков — Wed, 08 Jun 2022 10:28:27 +0000

По средбата со челниците на клубовите од Серија А, спортскиот директор на Интер, Џузепе Марота, со широка насмевка им даде повод на новинарите да ги објават големите засилувања на „Џузепе Меаца“. Интер остана без титула на крајот од сезоната и му ја препушти на градскиот ривал Милан, нo сепак го освоија Купот, а имаат големи планови пред сезоната 2022/23. Амбициозното раководство на клубот има намера да доведе нови засилувања. Трансферот на искусниот играч за врска Хенрих Мхитарјан од Рома е веќе договорен, но повеќето навивачи се уште ги интересира дали ќе дојде во Милано Пауло Дибал кој е без договор и кој сега ги разгледува понудите. Марота е експерт за доведување добри играчи без отштета, одлично се снајде во Јувентус, а се чини дека од Торино ќе „грабне“ важен фактор за неговиот тим во наредните сезони. Откако новинарите го прашаа дали ќе дојде Дибала, Марота со широка насмевка рече: „Ќе видиме“. Сепак, изразот на неговото лице во голема мера сугерира дека Аргентинецот е на пат и ќе го облече дресот на Интер, а во тек се преговори за враќање на Ромелу Лукаку од Челзи. Доколку дојдат и двајцата, Интер без сомнение ќе биде меѓу главните фаворити за скудетото.

Марота: Ниту еден италијански клуб не може да си го дозволи Меси

Ивона Петрова — Wed, 29 Jul 2020 06:32:03 +0000

Извршниот директор на Интер, Џузепе Марота смета дека ниту еден италијански клуб не може да го донесе во своите редови напаѓачот на Барселона, Лионел Меси. Претходно италијанските медиуми објавија дека договорот на Аргентинецот со Каталонците ќе истече летото 2021 година, а клубот од Милано очекува да го добие бесплатно. – Ниту еден италијански клуб не може да организира ваков трансфер без сопствениците кои би дале голем придонес. Затоа, имајќи ги предвид правилата на финансискиот фер-плеј, ние мора да бидеме стабилни. Точно е дека треба да ја направиме Серија А повторно таква лига каде доаѓаат најдобрите. Тоа ќе ја зголеми цената на Серија А при продажбата на првата на телевизиите. При тоа мора да оцениме што продаваме и да сме свесни дека имињата на нашите ѕвезди ја зголемуваат вредноста на брендот, изјави Марота. Претходно, сомневање околу евентуален трансфер на Меси во Интер, искажа и тренерот на „неро-азурите“ Антонио Конте

Марота го потврди интересот на Интер за Ериксен

Тале Кристо — Tue, 07 Jan 2020 16:03:16 +0000

Главниот извршен директор на Интер, Џузепе Марота потврди дека клубот е заинтересиран за Кристијан Ериксен, но призна дека досега не остварил контакт со Тотенхем. Минатата недела „Скај Италија“ објави дека Интер е еден од неколкуте клубови кои контактирале со претставниците на Данецот во врска со неговата иднина. Договорот на 27-годишниот играч од средниот ред истекува во текот на летото, а тој е слободен да разговара со други клубови од овој месец. – Честопати важни играчи се предмет на наш интерес. Ериксен е одличен фудбалер чиј договор истекува во јуни, но ние не разговаравме со Тотенхем. Сè уште верувам дека има многу клубови кои се заинтересирани за неговите услуги и сè уште не сме започнале преговори. Она што ќе го кажам е дека тој е многу важен и интересен играч. Бараме играч од средниот ред и крило. Имаме неколку контакти со компании и агенти за да се обидеме да го подобриме нашиот состав. Сè уште не сме дошле до заклучок затоа што сакаме да ги правиме работите многу мирно, изјави Марота за „Скај Италија“. Ериксен во текот на летото изјави дека е подготвен да ги напушти Спарси и да проба нешто ново, но дека „секој трансфер треба да биде чекор напред“. Менаџерот на Тотенхем, Жозе Мурињо, во петокот изјави дека не е сигурен дали данскиот репрезентативец ќе го напушти клубот овој месец. Ериксен одигра 29 натпревари за „петлите“ во сезоната, постигнувајќи седум гола.

Марота за договорот на Икарди: Оптимист сум, нема да има проблеми

Предраг Кукиќ — Mon, 14 Jan 2019 14:39:47 +0000

Извршниот директор на Интер, Џузепе Марота го прокоментира вчерашниот амбиент на „Џузепе Меаца“ против тимот на Беневенто. Иако го победија противникот со 6:2, „нероазурите“ не можеа да уживаат на поддршката од своите навивачите на трибините. Причината е изречената казна на Интер по расистичките скандирања кон дефанзивецот на Наполи, Калиду Кулибали и ексцесите меѓу фановите на двата клуба надвор од стадионот. – Италија не е расистичка земја и не е во ред да се затвори целиот стадион кога 95 отсто од граѓаните имаат право да уживаат во спектаклот. Знаевме дека против Беневенто нема да го искористиме факторот домашен терен. Затоа ни беше потребна дополнителна мотивација против ривал кој немаше што да загуби. Расизмот на стадионите? Вината не е само во спортот, туку на повисоко ниво. Мора да постои врска помеѓу владата и другите органи, со цел да се изгради култура, изјави Марота. Екс-шефот на Јувентус, исто така, ја коментираше ситуацијата со новиот договор на Мауро Икарди. Во последните неколку дена има извештаи дека разликите меѓу двете страни се големи и аргентинскиот репрезентативец нема да го продолжи договорот. – Споделив пред фановите на Интер да бидат смирени за новиот договор на Икарди. Таквите работи се нормални во фудбалот, особено кога истекуваат договорите на играчите. Мислам дека нема да има никакви проблеми. Двете страни имаат желба да продолжат со својата работа заедно, и ова е повод за оптимизам, заврши директорот на Интер.

Новиот спортски директор по стапките на Марота: Четири големи ѕвезди бесплатно пристигнуваат во Јувентус

Матеја Петровски — Wed, 10 Oct 2018 13:30:16 +0000

Џузепе Бепе Марота за две недели официјално ќе ја напушти функцијата извршен директор на Јувентус, а негов наследник веќе скоро сигурно ќе биде неговата досегашна десна рака, Фабио Паратичи. Марота е познат по бесплатното доведување на големи имиња во торинскиот клуб. Андреа Пирло, Пол Погба, Сами Кедира, Емре Џан се само некои од имињата. Паратичи планира да продолжи таму каде што застана Марота, а во редовите на Јувентус според пишувањето на весникот Кориере ди Торино, планира бесплатно да се засили со уште неколку звучни имиња. На листата на Паратичи се Адриен Рабио, Анхел Ди Марија, Ентони Марсијал и Матео Дармијан. Претставникот на Јувентус наводно веќе ги направил првите чекори кон доведување на овие играчи.

Крај на осумгодишната љубов: Трансфер „мастерот“ на Јувентус преминува во големиот ривал

Матеја Петровски — Wed, 03 Oct 2018 08:35:13 +0000

На крајот на октомври му истекува договорот со клубот на спортскиот директор на Јувентус, Џуезепе Марота. Веќе е објавено дека соработката нема да биде продолжена. Го повикаа од Наполи- одби. Се споменуваше преоѓање во Манчестер Јунајтед со Конте- ништо ниту од тоа. Нов клуб на искусниот Марота ќе биде Интер, барем така тврди „Тутоспорт“. Тој веќе имал разговори со Стивен Жанг, кој во Милано ја претставува Санинг групацијата и начелно постигнале договор. Марота беше на позицијата спортски директор во Јувентус минативе осум години и освои седум титули во Калчото по ред. Договорот му истекува на 25 октомври, а синоќа воопшто не беше на стадионот кога Старата дама со хет- трикот на Дибала го совлада Јанг Бојс во второто коло од Лигата на шампионите. Инаку, Марота во годините минати во Јувентус стана еден од најдобрите ако не и најдобар трансфер работник на светот.

Шефот на Јуве: Бонучи сака да се врати кај нас, преговараме со Милан

Даниел Василев — Thu, 26 Jul 2018 07:58:08 +0000

Генералниот директор на Јувентус, Џузепе Марота потврди дека капитенот на Милан Леонардо Бонучи сака да се врати во тимот на „старата дама“. Централниот дефанзивец го напушти Торино со шокантен трансфер минатото лето и потпиша со „росонерите“ во договор вреден 40 милиони евра. - Леонардо сака да се врати кај нас и ние ќе ја исполниме неговата желба. Преговорите се комплексни. Ние правиме се што можеме, исто така го понудивме Гонзало Игуаин на Милан, но резултатот не е позитивен, рече Марота. Тој додаде и дека Матија Калдара нема да премине во Милано како дел од евентуална зделка и дека тој „не е за продавање“. МИА