ѕвезди – Kurir.mk

Сите ѕвезди на едно место: Почнува продажбата на билети за ракометниот спектакл на 3. јануари!

Ристе Здравков — Mon, 19 Dec 2022 14:36:55 +0000

Од денеска започнува продажбата на билети за ракометниот спектакл во кој на едно место ќе ги видиме нашите најголеми имиња. Имено на 3 јануари во спортскиот центар „Борис Трајковски“ ќе се одигра мечот меѓу ракометните ветерани и актуелните репрезентативци, меч кој ќе има хуманитарен карактер. На истиот ќе се појават многу наши легенди, асови кои оставија трага во ракометот во изминативе години, децении. Билети се во ограничен број и можат да се набават преку мрежата на МК Тикетс по цена од 250 и 300 денари. Приходите од продажбата на билетите, ќе бидат донирани на „СОС Детско село“ од Скопје. Покрај квалитетен ракомет, за време на настанот се предвидува и квалитетна забавна програма модерирана од Сашко Коцев, во која учество потврдија македонските уметници: Дац и Александар, Кики, Некст тајм и Меморија. Билетите може да се набават онлајн на овој линк, како и на продажните места на МК Тикетс на листата подолу: СКОПЈЕ – ЛИТЕРАТУРА: Рамстор Мол Ист Гејт Мол Скопје Сити Мол ТЦ Буњаковец Веро Џамбо ГТЦ Приземје Улица Македонија БИТОЛА: TOBACCO BROTHERS – Широк Сокак ЛИТЕРАТУРА 2 – Широк Сокак 40 ГОСТИВАР: TOBACCO BNB – Ул. ЈНА бр.1 ВОЈНА ПЕТ – Ул. Живко Брајковски 15 ТЕТОВО: ГРАНД ТОБАКО – Ул. 29 Ноември бр.107, локал бр.2 ТОБАКО МОНАКО – Ул. Илинденска 176 СТРУМИЦА: ТА САФАРИ – Ул. Благој Јанков Мучето бр.2 ЛИТЕРАТУРА – Ул. Благој Јанков Мучето бр.4 ОХРИД: ТА ВИС ПОЈ – Бул. Македонски Просветители бр.1 ВЕЛЕС: УНИСОН – Ул. Благој Ѓорев бр.9 РАДОВИШ: HALKIDIKI TRAVEL – Ул. Партизанска бр.43 ПРИЛЕП: Т.А. БРАН – Ул. Пере Тошев 75 КУМАНОВО: Кафе Бар АГОРА – Т.Ц. Гарнизон МАКЕДОНСКА КАМЕНИЦА: CLIFF OF MOHER – PUB Маршал Тито

ВЕЧЕРВА ПОГЛЕДНЕТЕ ВО НЕБОТО И ЗАМИСЛЕТЕ ЖЕЛБА: Верувајте, чуда се можни

Дарко Андоновски — Fri, 20 May 2022 14:19:08 +0000

На денешен ден на небото над Ерусалим, во деновите познати како Света Педесетница, во 9 часот наутро во 357 година се појави Светиот Крст Господов, денот кога неверниците престанаа да се сомневаат! Сите оние кои се сомневаа во Синот Божји со голем страв и восхит го гледаа тој небесен знак, кој светеше со неопислива светлина, посилен од сонцето. Ова излагање беше причина за многумина да го прифатат Православието, да се покаат и да го добијат светото крштевање. Според народните обичаи, треба да погледнете во небото во доцните вечерни часови, а ако видите четири ѕвезди, поставени така да формираат крст, желбата ќе ви се исполни. Исто така, денес треба да се воздржите од каква било женска работа, како шиење, хеклање, везење…

Небесни настани во кои ќе уживаме во мај

Дарко Андоновски — Mon, 10 May 2021 12:22:16 +0000

Небото овој месец ќе биде навистина разиграно, па љубителите на астрономијата ќе имаат полни раце работа, но и оние ентузијастите кои уживаат да гледаат нагоре. На 7 мај веќе посведочивме на полната Месечина, а веќе денеска имаме друг феномен на небото: Меркур преминува во прерихел, односно ќе биде најблиску до Сонцето. За жал тоа нема да биде видливо со голо око. До крајот на месецов ова се небесните настани кои ќе се појавуваат: 12 мај: конјункција на Месечината и Јупитер 12: конјункција на Месечината и Сатурн 14: кометата C/2017 T2 (PANSTARRS) ќе биде најсјајна достигнувајќи магнитудупост - ќе биде видлива со двоглед 14: Месечината ќе биде во својата последна четвртина 15: конјункција на Месечината и Марс 18: Сатурн и Јупитер ќе се доближат еден до друг на 4°41′ 22: конјункција на Венера и Меркур која ќе биде теко видлива од Балканот бидејќи двете планети ќе се наоѓаат многу ниско по зајдисонцето 22: Млада Месечина 24: конјункција на Марс и Венера 29: ѕвезденото јато М4 ќе биде во поволна положба за набљудување; М4 се наоѓа близу црвенкастата ѕвезда Антарес во соѕвездието Скорпија 30: Месечината ќе биде во својата прва четвртина 31: конјункција на Марс и планетоидот Церера во соѕвездието Водолија; Марс привидно ќе помине покрај Церера на растојание од 7°56′, јужно.

Sвездите на Барса треперат од „генерал“ Куман

Магдалена Андонова — Wed, 09 Sep 2020 17:31:36 +0000

Мадридскиот весник „Марка“ откри како новиот тренер на Барселона, Роналд Куман го сменил пристапот кон тренинзите. Холанѓанецот го зголеми времето на тренинг на час и половина. Исто така, постои скок во однос на интензитетот на вежбите. Претходно, тимот тренираше еден час, а во случај на сесија од час и половина, на ветераните им беше дозволено да се одморат. Поранешниот член на „дрим-тимот“ на Јохан Кројф бара од играчите да пристигнат во базата во Барселона еден час пред почетокот на активностите. Досега доцнењето беше во ред и тоа не му се допадна на новиот тренер, кој веќе покажува цврста рака и завидна решителност. (MИА)

Ѕвездите на ПСЖ не сакаат да слушнат за намалување на платите

Тале Кристо — Tue, 28 Apr 2020 16:44:36 +0000

Ѕвездите на Пари Сен Жермен строго ја отфрлија понудата за намалување на нивните плати за одреден временски период. Ова го тврди престижното француско издание „Екип“. За клубот преговараат спортскиот директор на клубот од Париз, Леонардо, додека играчите ги претставуваат Тијаго Силва и Маркињос, кои се капитен на тимот и заменик-капитен. Веќе минатата недела, претседателот на ПСЖ, Ал-Хелаифи, ги повика играчите да му помогнат на клубот да ги намали загубите во месеците кога не се играат натпревари. Во Франција, премиерот на земјата, Едуард Филип, соопшти денеска дека спортските настани, дури и со затворени врати, нема да бидат можни до септември, што значи дека сезоната нема да започне одново. ПСЖ процени дека клубот ќе изгуби околу 240 милиони евра, но тоа не ги допре ѕвездите на тимот во оваа фаза. Нејмар и Килијан Мбапе се најплатени играчи на парижаните. Првиот добива околу 3 милиони евра месечно, додека Французинот собира скоро 1,9 милиони евра за истиот период.

Порно ѕвезди даваат совети за врска

Ристе Здравков — Sat, 08 Dec 2018 18:00:33 +0000

Тие имаат интересни ставови за врските, со оглед на тоа дека сексот им е работа, а сексот е важен дел од врската. Клучен совет што го даваат порно ѕвездите е одржување на комуникацијата меѓу партнерите. Видете кои се другите совети што ги даваат порно ѕвездите.

Дознајте за што плаќате: Еве што всушност означуваат ѕвездичките на хотелите

Катерина Бојаџиева — Fri, 17 Aug 2018 09:37:14 +0000

Што означува секоја од ѕвездичките кои се наоѓаат покрај името на хотелот? Зад тие ѕвезди се кријат одредени стандарди кои хотелите треба да ги задоволат. На ниво на Европската унија требало да се воведе стандардизација за хотелите која би била прифатена во сите држави-членки. Сепак, иако е изработена, таа не е задолжителна и служи само како водич. Турист или 1* Хотелите означени со една ѕвезда најчесто се нарекуваат буџетски хотели и се наменети за оние кои не очекуваат луксуз, ниту премногу удобен кревет. Сите соби мораат да имаат своја бања со туш кабина или када. Задолжително е секојдневно чистење на собите, а во нив треба да има маса со стол, сапун и телевизор во боја со далечински управувач. Рецепцијата во ваков хотел треба да работи барем осум часа на ден, а таму треба да постои факс и телефон за употреба. Појадокот мора да се служи во хотелот, а пијалаците треба да им бидат достапни на гостите преку целиот ден. Стандард или 2* Со сето набројано во претходната категорија, за две ѕвездички не е доволно да се обезбеди појадок во хотелот, туку тоа треба да биде шведска маса. Во собите, покрај тоа што задолжително треба да има телевизор во боја, до креветите треба да има светло за читање и плакар за алишта. Во бањите, наместо сапун треба да има гел за туширање и пешкири, како и некој прибор за лична хигиена. Покрај факсот и телефонот, на рецепцијата треба да биде овозможено и плаќање со кредитни картички. Удобност или 3* Сите услови кои важат за хотелите со една или две ѕвездички, се однесуваат и на хотелите со три. Но, овде правилата се построги, па така, рецепцијата освен тоа што треба да има факс, телефон и можности за плаќање со кредитна картичка, треба да работи и минимум 14 часа дневно, а телефонската врска со вработените (кои мора да зборуваат барем еден странски јазик) мора да биде достапна 24 часа. Со сето тоа, кај рецепцијата треба да има барем три гарнитури за седење и просторија за оставање на багажот. Исто така построги се правилата и за собите. Така, секоја треба да има мини бар или некој пијалак, телефон и пристап до интернет. Иако во пониските категории греењето во бањата не е задолжително, хотелите со три ѕвездички треба да имаат некој уред за греење и фен за коса. Во собата треба да има големо огледало, како и простор за оставање на куферите. Исто така задолжителен е и мини сет за шиење, сет за чистење чевли и можност за оставање на облеката за перење и пеглање. Хотелите со три ѕвезди треба да им обезбедат на гостите дополнителна перница и прекривка и да имаат добро развиен систем на кориснички услуги. Прва класа или 4* И овде важи сѐ како и во претходните категории, но рецепцијата треба да работи минимум 18 часа на ден. Претсобјето, покрај три гарнитури за седење, треба да има и бар. Во овие хотели треба да биде овозможен појадок во собата, а мини барот треба секогаш да биде наполнет. Освен кревет, маса со стол и плакар, собата во хотелот со четири ѕвездички треба да има и фотелја или кауч, како и мала маса. Наметка и влечки треба да има во секоја соба, а ако ги нема, треба да бидат достапни доколку се побараат. Бањата во овие хотели е малку полуксузна, со капа за туширање, козметичко огледало и разни производи за лична хигиена. Иако пониските категории не мораат да имаат ресторан, туку само трпезарија, овие хотели треба да имаат ресторан кој работи 7 дена во неделата. Луксуз или 5* Во хотелите со пет ѕвезди рецепцијата треба да биде отворена 24 часа на ден, а на сите гости треба да им биде на располагање чувар или личност задолжена за паркирање на возилата. Исто така во овие хотели треба да постојат и личности за носење на багажот до собата. Претсобјето треба да биде широко со простор за седење и бар. Секој гостин кога ќе влезе во собата треба да најде свежо цвеќе или некој друг подарок за добредојде. Во собите треба да има сеф и секако, брз Интернет. Хотелот треба да има сервис за пеглање кој ќе им ја подготви облеката на гостите во рок од 1 час. Супер луксуз или 7* Некои хотели ги задоволуваат дури и најстрогите барања, поради што се наградени со седум ѕвездички. Првиот хотел на светот кој спаѓа во оваа категорија е хотелот Бурџ ел Араб во Дубаи, кој е отворен во 1998 година и каде секоја соба има свој сопствен батлер. Тешко е да се каже какви услови треба да задоволува еден ваков хотел. Никаде не постои пишано правило дека таква категоризација официјално постои, но поради луксузот во кој гостите може да уживаат во поединечни хотели, како што е дизајнерскиот мебел, елитните пијалаци и останати задоволства за богатите, јасно е дека сепак по нешто се разликуваат од оние со пет ѕвездички.

Голема трагедија: Загинаа три Јутјуб ѕвезди, паднале од висина од 30 метри (ВИДЕО)

Матеја Петровски — Fri, 06 Jul 2018 20:20:37 +0000

Тројца млади популарни влогери кои на Јутјуб поставуваа снимки од своите авантури загинаа, откако паднаа од водопад во Канада. Рикер Гембл, Алексеј Лијак и Меган Скрапер беа дел од каналот „High on Life” на Јутјуб каде ги закачуваа своите херојски подвизи, пренесе Би-Би-Си. -Тие беа најтоплите, најљубезните и најотворените луѓе кои можевте да ги запознаете, велат од влогерската група. Полицијата соопшти дека тројцата пливале на врвот од водопадот Шенон, во канадската покраина Британска Колумбија кога се лизнале и паднале од висина од 30 метри. Групата има 1,1 милион следбеници на Инстаграм и над 500 илјади претплатници на Јутјуб. Членовите на каналот снимија видео во кое оддадоа почит на починатите пријатели.

Дневен хороскоп: Што велат ѕвездите за денеска

Дарко Андоновски — Tue, 29 May 2018 07:32:16 +0000

Овен Доколку не сте во врска, денеска ќе биде поволен ден за подобрување на вашиот љубовен живот. Прифатете ја понудата за кафе од онаа личност која веќе неколку пати ве покани, и ќе се изненадите од интересниот помин. Бик Денеска доброто расположение и позитивноста ќе биде она што ќе ви го одбележи денот, дури ќе пробате да ги развеселите и луѓето околу вас. Ве очекува повик од некоја личност на која ќе мислите во текот на целиот ден. Близнаци Денеска ќе се чувствувате многу нежно и ќе бидете романтично настроени. Очекувајте изненадување од партнерот кое дополнително ќе ја зголеми вашата среќа. Вечерта искористете ја за забава со пријателите. Рак По сѐ изгледа вашиот љубовен живот полека се враќа во нормала. Конечно повторно ќе може да се забележи насмевака на вашето лице, а за тоа ќе биде заслужна некоја личност кој подолго време ви се допаѓа. Лав Не бидете тврдоглави и попуштет во караницата со партнерот. Moрате да бидете свесни дека вашата тврдоглавост може да ве доведе до раскинување на врската. Прифатете го поразот и соочете се со реалноста. Девица Немојте да им се спротивставувате на пријателите, нивните коментари се најдобронамерни. За подобро расположение релаксирајте се и посветете си време на самите себе. Вага Вашата креативност и снаодливост денеска ќе ви донесе позитивно расположение. Вашето здравје е на задоволително ниво, но, внимавајте на болките во мускулите. Шкорпија Очекувајте додатен поттик на вашата физичка енергија денес. Овој ден е створен за да го средите вашиот дом и да го исчистите плакарот од старите работи. Исто така, добро ќе ви дојде малку возење велосипед. Стрелец Денешниот ден искористете го да помогнете на некој кој има проблем. Не заборавајте дека среќата се множи само кога се дели, па така со споделувањето на вашата хуманост ќе бидете среќни. Јарец Обидете се да не ги запоставувате обврските кои треба да ги завршите, туку посветете ѝ се на работата, бидејќи трудот ќе ви се исплати. Ве очекува изненадување од некоја личност од спротивниот пол. Водолија Во денот кој ви претстои ве очекуваат многу обврски на работа, па затоа бидете подготвени. По работното време, земете пауза од обврските и отидете на шопинг кој ќе го подобри вашето расположение. Риби Ве очекува ден исполнет со позитивна енергија која ќе ви ја испрати планетата Венера. Работите на љубовно поле не се баш најсјајни, но доколку се потрудите можете да ги поправите.