Ѕвонко Давидовиќ – Kurir.mk

Давидовиќ: Дончев и Кичеец вршеле притисок за да добијат удел и дел од продажната цена на Диаверум

Предраг Кукиќ — Mon, 30 Sep 2019 17:11:55 +0000

Адвокатот Ѕвонко Давидовиќ во интервју за Алфа Телевизија, изјави дека Ден Дончев и Зоран Милески Кичеец ги уценувале поранешните сопственици на Диаверум за да добијат удел во фирмата, а кога не успеале во тоа продолжиле со уцените за да добијат дел од парите од продажбата. Моите овластодавци, бившиот сопственик на Диаверум и нејзиниот сопруг кои дадоа изјави и кои се доставени до обвинителството тврдат дека во изминатиов период додека траеле преговорите за продажбата, второ пријавениот за кого е проширена истрагата, Кичеец, заедно со Ден Дончев вршеле притисок на нив за да ја сменат сопственичката структура и да добијат удел во Дијаверум, кога не успеале во тоа и кога виделе дека се вршат и понатаму преговори за продажба побарале да добијат дел од продажната цена, истакна Давидовиќ. Тој за оправдувањата на Дончев дека предупредувал, вели дека прво тоа не е негова надлежност, а потоа врши кривично дело затоа што изнесува лажни факти и делови од истрага која во тој момент не постоела и затоа се сомнева дека Дончев имал други намери бидејќи тендерот се уште е функционален и фондот врз основа на тој тендер врши исплата. Ако не го оспорите тендерот и тој тендер до ден денешен не е оспорен, и тој тендер функционира тогаш имате друга намера и некаква друга цел. Да не заборавиме, две ревизорски куќи и две адвокатски друштва учествуваа во испитување на друштвото Дијаверум на фирмата којашто и дале позитивен сигнал на странскиот партнер за да ја купи . Ниту еден странец без добро да ја испита положбата на правното лице нема да даде пари, нагласи Давидовиќ.

Мандатот на СЈО е сврзан со мандатот на Јанева

Катерина Бојаџиева — Mon, 05 Aug 2019 17:57:23 +0000

Мандатот на Специјалното јавно обвинителство е сврзан со мандатот на Катица Јанева, законот е дециден по ова прашање- односно, си оди Јанева, си оди и СЈО... Ова го појасни и адвокатот Ѕвонко Давидовиќ, кој вели дека доколку нема специјален јавен обвинител, ни обвинителите во тоа обвинителство не може да си ја вршат својата работа. -Законот вели дека со обвинителството раководи специјалниот јавен обвинител, а обвинителите кои се во Специјалното јавно обвинителство само постапуваат по нејзини овластување и во нејзино име. Ако немаме специјален јавен обвинител, немаме ни овластување на обвинителите во Специјалното јавно обвинителство, тие не може да носат наредби, стои дословно во Законот, не може да подигаат обвиненија и може да постапуваат само со веќе подигнати обвиненија за дејствија за кои се ополномоштени, односно им е овозможено и пренесено овластувањето од специјалниот јавен обвинител. Ако немаме специјален јавен обвинител, ни обвинителите во СЈО не може да си ја вршат својата работа, изјави Давидовиќ во своето гостување на „ТВ24“. Според Давидовиќ, тапкањето во место на истрагата за Јанева ги поткопува темелите на државата и правниот систем. -Ние сме сега во еден голем проблем и правно, но почнува да биде и политички проблем, особено ако ги имаме предвид и шпекулациите кои се околу специјалниот јавен обвинител, истрагата која тапка во место со денови, веќе недели и каде што немаме разрешување на таквите сомневања што ги поткопува, не само правниот систем, туку и темелите на државата. Да се работеше за некој друг, а не за Јанева, досега ќе беше во притвор Според адвокатот, случајот „Рекет“ и сомневањата дека Катица Јанева е вмешана во незаконити дејствија создава многу лоша слика, многу лоша ситуација во државата и за овие случувања не помага ниту обвинителството кое го води предметот, бидејќи како што вели тој се, се одвива многу споро, истрагата се „каска“. Тој во својата изјава објаснува дека се многу штури и информациите во јавноста кои, како што вели Давидовиќ, служат за шпекулирање и разни приказни. Адвокатот истакнува дека да беше друг човек во прашање ќе имало мерка притвор за вакво однесување. Но, во овој случај како што потенцира Давидовиќ, нема ниту аргумент со кој јавниот обвинител би ја смирил јавноста, за да знаат луѓето на што се и што се случува.

Давидовиќ: Да се работеше за некој друг, а не за Јанева, досега ќе беше во притвор

Ивона Петрова — Mon, 05 Aug 2019 08:40:03 +0000

Адвокатот Ѕвонко Давидовиќ во своето гостување на „ТВ24“ изјави дека случајот „Рекет“ и сомневањата дека Катица Јанева е вмешана во незаконити дејствија создава многу лоша слика, многу лоша ситуација во државата. Според Давидовиќ, за овие случувања не помага ниту обвинителството кое го води предметот, бидејќи како што вели тој се, се одвива многу споро, истрагата се „каска“. Тој во својата изјава објаснува дека се и многу штури информациите во јавноста кои како што вели Давидовиќ, служат за шпекулирање и разни приказни. Адвокатот истакнува дека да беше друг човек во прашање ќе имало мерка притвор за вакво однесување. Но во овој случај како што потенцира Давидовиќ нема ниту аргумент со кој јавниот обвинител би ја смирил јавноста, за да знаат луѓето на што се и што се случува.