Ѕвонко Томевски – Kurir.mk

ВИДЕО: Седум противпожарни возила интервенирале на пожарот кај Аква паркот

Ивона Петрова — Wed, 19 Jul 2023 12:12:37 +0000

Пожарот во депонијата кај Аква паркот во Скопје го гаснат 14 пожарникари со седум противпожарни возила. Командантот на скопската противпожарна бригата Ѕвонко Томевски во изјава за Курир вели дека пожарот е под контрола и нема опасност за останатите објекти во близина. Екипите остануваат на терен до целосно догаснување на пожарот.

Три противпожарни возила и седум пожарникари од Скопје учествуваат во гаснење на пожарот во Тетово

Ивона Петрова — Mon, 30 May 2022 09:29:34 +0000

Скопските пожарникари веднаш одговориле на повикот за помош при гаснење на големиот пожар кој утринава избувна во магацин во поранешната фабрика „Македонија Табак“ во Тетово. Команданот на скопската противпожарна бригада Ѕвонко Томевски во телефонска изјава за Курир вели дека екипите веќе се пристигнати и работат на терен.

-Во Тетово испратени се три противпожарни возила со целосна опрема и седум пожарникари од Скопје кои веќе учествуваат во гаснењето на пожарот, вели Томевски за Курир.

Како што првично соопштија од СВР Тетово, пожарот кај нив бил пријавен во 09.30 часот.

-Пријавено е дека настанал пожар во магацин за складирање на производи на тетовска фабрика, лоциран помеѓу улиците „Маршал Тито“ и „Борис Кидрич“ во Тетово. Според првичната пријава нема повредени лица, информира портпаролот на СВР Тетово, Марјан Јосифоски.

СВР Тетово апелира до граѓаните да се воздржат од непотребно излегување, поминување или задржување на местото на пожарот.

ФОТО: Успешна асистенција на скопските пожарникари, спасиле планинарка на Водно

Ивона Петрова — Thu, 21 Apr 2022 09:29:29 +0000

Скопските пожарникари рано утринава добиле повик за асистенција на Брзата помош поради планинарка на која и била потребна помош. Како што дознаваме на жената и се слошило на една од планинарските патеки, но поради непроодност на теренот медицинските екипи не можеле да дојдат до неа, па помош била побарана од противпожарната бригада. Пожарникарите ја лоцирале жената, по што безбедно ја пренеле до местото каде и била пружена лекарска помош. -Утринава добивме повик за асистенција од Брзата помош. Во близина на средно Водно беше потребно да се извлече жена и пренесе до локација каде можеше да и биде пружена помош, по што беше преземена од екипата на Брза помош, вели за Курир, Ѕвонко Томевски командир на скопската противпожарна бригада.

Скопските пожарникари денес со 9 интервенции, депониите најголем проблем

Ивона Петрова — Mon, 29 Oct 2018 21:41:05 +0000

Пожарникарите од скопската противпожарна бригада денеска имале девет интервенции. Најсериозен бил пожарот кој избувна во соба од затворско одделение во Казнено-поправниот дом „Шутка“ каде опожарени биле 15 квадратни метри. Во гаснењето на пожарот противпожарната бригада интервенирала со пет возила и 11 пожарникари. Командирот на противпожарната бригада во Скопје Ѕвонко Томевски за Курир вели дека денес интервенција имале и во мини депонијата во Драчево кај поранешната циглана. Според него чести се интервенциите на пожарникарите во депониите, за кои вели дека се најголемиот проблем. Речиси секојдневни се пријавите за опожарени мини депонии низ Скопје. Околу 18 часот пожарникарите интервенирале и во двокатна куќа позади ТЦ Буњаковец од каде излегувал чад. Причината за чадот била заборавено тенџере на шпорет. Противпожарните екипи денес имале помали интервенции и на Бит Пазар, Бутел...

Нема повредени во пожарот во Центар, интервенирале 7 противпожарни возила

Ивона Петрова — Sun, 07 Jan 2018 11:43:02 +0000

Пожарот што претпладнево избувна во стан во центарот на Скопје е локализиран, а во текот на гаснењето нема повредени, изјави за МИА командантот на Територијалната противпожарна единица на Град Скопје, Ѕвонко Томевски. Опожарен бил стан на втор кат во зграда на улица „Даме Груев“, како и балкон на стан над него. Противпожарните единици интервенирале со седум возила, и како што истакна Томевски, навреме е спречено проширување на пожарот. Засега нема официјални информации за причината за пожарот. Полициски екипи се во зградата каде што избувна пожарот. Од полицијата посочуваат дека се уште немаат информации за причините за пожарот, единствено посочуваат дека пожарот е пријавен кај нив.